រាជធានីភ្នំពេញ ៖ បច្ចុប្បន្នគេសង្កេតឃើញ ការលក់ទំនិញ ឬផលិតផលតាមអនឡាញ តាមរយៈបណ្តាញទំនាក់ទំងសង្គមហ្វ៊េសប៊ុកសម្រាប់កម្ពុជា គឺមានច្រើនគួរឱ្យកត់សម្គាល់ ពិសេសក្នុងកាលៈទេសៈកម្ពុជាជួបវិបត្តជំងឺកូវីដ ១៩ នេះ មិនថាអ្នកលក់គ្រឿងសម្អាងនោះ ទេ សូម្បីតែបន្លែផ្លែឈើ គឺមានលក់នៅតាមអនឡាញផងដែរ ។
ទន្ទឹមនឹងការលក់តាមអន ឡាញ តាមគ្នាកើតមានច្រើន ហើយបញ្ហាចោទរវាងអ្នកលក់ និងអ្នកទិញផលិតផល ឬទំនិ ញក៏មានបញ្ហាកើតច្រើនផងដែរពាក់ព័ន្ធការផ្តល់សេវាក៏ដូចជាគុណភាពផលិតផលមិនដូចទៅនឹងការបង្ហាញលក់តាមអនឡាញ ។ ដូច្នេះតើការលក់ទំនិញតាមអនឡាញ នៅពេល ខាងមុខអាចនឹងមិនស្រួលដូចបច្ចុប្បន្ន ឬទេ?
តាមអ្នកជំនាញខាងសេដ្ឋកិច្ចយល់ថា ការលក់ទំនិញតាមអនឡាញគួរធ្វើឱ្យវាទៅ ជាផ្លូវការដើម្បីផ្តល់ទំនុកចិត្តដល់អ្នកទិញ ។ តែដើម្បីឱ្យអ្នកទិញមានទំនុកចិត្តកាន់តែខ្លាំង ទាមទារឱ្យមានការគាំំទ្រពីរាជរដ្ឋាភិបាល និងមានការតាមដានត្រួតពិនិត្យពីអាជ្ញាធររាជ រដ្ឋាភិបាល ។ ខណៈកម្ពុជាបានបង្កើតច្បាប់ស្តីពីការការអ្នកប្រើប្រាស់ក៏ដូចជាច្បាប់ស្តីពី ពាណិជ្ជកម្មអេឡិចត្រូនិក ។
លោក ង៉ែត ជូ អ្នកជំនាញខាងសេដ្ឋកិច្ចបានឱ្យដឹងថា « ការពិតទៅការលក់ទំនិញ តាមអនឡាញនេះយើងគួរធ្វើឱ្យវាឱ្យទៅជាផ្លូវការដើម្បីផ្តល់ទំនុកចិត្តដល់អ្នកទិញ ។ បើ យើងទិញទំនិញអនឡាញតាមក្រុមហ៊ុនធំៗវាតែងតែមាននីតិវិធី និងមានការទទួលខុស ត្រូវ អ៊ីចឹងវាអាចជួយកាត់បន្ថយបញ្ហារបស់បុគ្គលបាន» ។
លោកឱ្យដឹងទៀត ការទិញទំ និញតាមអនឡាញតាមបុគ្គល មិនសូវយល់ពីផល ប៉ះពាល់ និងប្រភពទំនិញ តែបើជាក្រុម ហ៊ុនគេមានទទួលខុសត្រូវ មានសមត្ថភាពវាយ តម្លៃអាចកាត់បន្ថយបញ្ហាបានច្រើន ។ តែសម្រាប់អ្នកលក់តាមអនឡាញជាលក្ខណៈ ឯកជនតូចតាច គឺពួកគាត់រកស៊ីតែមួយ ចាយទៅថ្ងៃខាងមុខទៀតអាចនឹងឈប់លក់ ។
លោកបានលើកឡើងថា ការលក់តាមអនឡាញ នេះ ទាមទារការគាំទ្រពីរាជរដ្ឋាភិបាល និងមានតាមដានត្រួតពិនិត្យពីអាជ្ញាធររដ្ឋាភិបាល ។
ដោយឡែកលោក អ៊ឹម វុត្ថា មន្ត្រីអ្នកនាំពាក្យនិយ័តករនៃទូគមនាគមន៍កម្ពុជា បាន ឱ្យដឹងថា ដើម្បីដោះស្រាយបញ្ហាចោទរវាងអ្នកលក់ និងទិញនៅតាមអនឡាញសម្រាប់ អ្នកលក់ និងអ្នកទិញ គឺមានតែការអនុវត្តតាមច្បាប់ស្តីពីសេដ្ឋកិច្ចអេឡិចត្រូវនិក, ការអនុវត្ត ច្បាប់ស្តីពីការពារទំនិញក្លែងក្លាយ និងច្បាប់ស្តីពីកិច្ចការពារអ្នកប្រើប្រាស់ ។ ច្បាប់ទាំងនេះ បានអនុម័តរួចហើយ ។
លោក អ៊ឹម វុត្ថា ឱ្យដឹងទៀតថា ការលក់ទិញតាមអនឡាញបង្កឱ្យមានការទូទាត់ តាមអនឡាញ គឺការបង្កើតឱ្យមានមាត់ច្រកទូទាត់ជាតិមួយប៉ុន្តែប្រព័ន្ធមាត់ច្រកនេះមិន ទាន់បង្កើតបាននៅឡើយនោះទេ ។
ចំពោះលោក ស៊ាង ថៃ មន្ត្រីអ្នកនាំពាក្យក្រសួងពាណិជ្ជកម្មបានឱ្យដឹងថាច្បាប់ E-commerce ជាមួយនិងច្បាប់ស្តីពីកាការពារអ្នកប្រើប្រាស់រដ្ឋសភាបានអនុម័តហើយមាន ព្រះមហាសក្សត្របានឡាយព្រះហត្ថលេខាឱ្យអនុវត្ត និងចូលជាធរមានក្នុងខែ ៥ នេះ ។ ប៉ុន្តែអាចត្រូវ មានអនុក្រឹត្យ ឬប្រកាសអន្តរក្រសួងដើម្បីអនុវត្តមាត្រាមួយចំនួនទៀត ។
លោកបន្តថា «ច្បាប់នេះនឹងការពារអ្នកប្រើប្រាស់ ។ ត្រូវឱ្យអ្នកលក់តាមអនឡាញ ត្រូវទៅចុះបញ្ជីត្រឹមត្រូវ ។ កន្លងទៅដោយសារច្បាប់ទាំងនេះមិនទាន់បានចូលជាធរមាន គាត់អាចធ្វើការលក់តាមអនឡាញបាន ប៉ុន្តែនៅពេលយើងមានច្បាប់ទម្លាប់, មានប្រកាស, មានអនុក្រឹត្យត្រឹមត្រូវ គឺត្រូវឱ្យគាត់មកចុះបញ្ជីនៅក្រសួងពាណិជ្ជកម្ម និងក្រសួងពាក់ព័ន្ធ ។ អ៊ីចឹងគាត់ (អ្នកលក់អនឡាញ) នឹងមានចំណងចងដោយច្បាប់ បើសិនជាគាត់លក់របស់ ឱ្យគេផ្សព្វផ្សាយថាអ៊ីចេះ តែលក់ឱ្យគេអ៊ីចុះ អ៊ីចឹងត្រូវមានការទទួលខុសត្រូវ ព្រោះគាត់ បានចុះបញ្ជីត្រឹមត្រូវ យើងមានអាសយដ្ឋាន អាចចុះទៅផាកពិន័យគាត់បាន» ។ លោកបា នសង្កត់ធ្ងន់ថា «នៅពេលមានអនុក្រឹត្យ ឬប្រកាសអន្តរក្រសួង ទាក់ទងនិងច្បាប់ខាងលើ អ្វីៗនឹងវារលូនទៅតាមផ្លូវច្បាប់»។
សូមបញ្ជាក់ផងដែរថា កន្លងមកអ្នកទិញទំនិញតាមអនឡាញតែងជួបប្រទះបញ្ហា មួយចំនួន ដែលពេលយកទំនិញមកឱ្យគឺខុសរូបរាង និងគុណភាព មិនដូចការបង្ហាញលក់ ពេលឡាយនៅតាមបណ្តាញសង្គម នាំឱ្យមានការមិនសប្បាយពីអ្នកបញ្ជាទិញ ។ ប៉ុន្តែ ទន្ទឹមនឹងនោះ អ្នកទិញមួយចំនួនក៏បានបង្កជាបញ្ហាដល់អ្នកលក់ដូចគ្នាដែរ ដែលអ្នកទិញ ខ្លះបញ្ជាទិញហើយ វេចខ្ចប់រួចហើយ ដល់ពេលទាក់ទងដឹកទំនិញយកទៅឱ្យបែរជាបិទ ទូរស័ព្ទមិនអាចទាក់ទងបានក៏មានដែរ ៕
ចែករំលែកព័តមាននេះ