មូលហេតុធំៗដែលបង្កឲ្យមនុស្សចាប់ផ្តើមធុញថប់នឹងការងាររួមមានចំនួនកិច្ចការដែលត្រូវបំពេញ និងការអសមត្ថភាពក្នុងការគ្រប់គ្រង ។ ក្នុងកំឡុងពេលដែលប្រទេសកំពុងជួបនឹងកូវីដ ១៩ និងមនុស្សជាច្រើនត្រូវបានអនុញ្ញាតឲ្យធ្វើការនៅផ្ទះ វាកាន់តែពិបាកទៅទៀតក្នុងការរ៉ាប់រងរាល់កិច្ចការទាំងនោះ ។
យ៉ាងណាក្តី អ្នកអាចចៀសវាងការធុញថប់ការងារបានប្រសិនបើអ្នកចាប់ផ្តើមអនុវត្តតាមវិធីសាស្ត្រខាងក្រោមនេះ ៖
១. ដកខ្លួនពីប្រព័ន្ធសង្គម
ការធ្វើការនៅផ្ទះលុបបំបាត់ព្រំដែនរវាងកន្លែងសម្រាក និងកន្លែងធ្វើការ ដូច្នេះប្រសិនបើអ្នកមិនទុកពេលសម្រាប់ខ្លួនសម្រាកខ្លះទេ វាអាចនឹងធ្វើឲ្យអ្នកមានអារម្មណ៍ធុញថប់ដោយងាយ ។ វិធីងាយមួយក្នុងការសម្រាកខួរក្បាល គឺមិនមែនបើកចូលក្នុងប្រព័ន្ធសង្គមទេ តែគឺផ្តាច់ខ្លួនពីវាមួយរយៈទៅវិញ ។
២. ស្តាប់បទចម្រៀងដែលជួយធ្វើឲ្យស្ងប់អារម្មណ៍
ការអង្គុយចុះ និងអានសៀវភៅជាវិធីល្អមួយក្នុងការចៀសវាងអារម្មណ៍ធុញថប់នឹងការងារ ។ ប្រសិនបើអ្នកមានសៀវភៅដែលអ្នកចង់អានជាយូរមកហើយ ពេលនេះជាពេលល្អក្នុងការចាប់ផ្តើមហើយ ។ ក្រៅពីអានសៀវភៅហើយ អ្នកអាចស្តាប់បទចម្រៀងដែលជួយឲ្យអារម្មណ៍ស្ងប់បាន ។ ការធ្វើដូច្នេះមុនពេលត្រលប់ទៅតុធ្វើការនឹងអនុញ្ញាតឲ្យអ្នកធ្វើការបានល្អជាងមុន ។
៣. ការធ្វើលំហាត់ប្រាណ
នៅពេលដែលអ្នកចាប់ផ្តើមមានអារម្មណ៍ស្ត្រេសនឹងការងារ ឬមានអ្វីមួយដែលធ្វើឲ្យអ្នកគិតមិនចេញ ការដើរចេញពីកន្លែងធ្វើការ និងធ្វើលំហាត់ប្រាណប្រមាណ ៣០ នាទី ទៅ ១ ម៉ោងនឹងជួយឲ្យអ្នកបង្កើនប្រសិទ្ធិភាពការងារបានវិញ ។
ជាក់ស្តែង គ្រាន់តែធ្វើលំហាត់ប្រាណរាល់ពេលដែលអ្នកស្ត្រេស ឬធុញថប់ គឺមិនគ្រប់គ្រាន់តែ ។ អ្នកគួរតែមានទម្លាប់ល្អធ្វើលំហាត់ប្រាណជារៀងរាល់ថ្ងៃវិញ ។ ការធ្វើដូច្នេះនឹងធ្វើឲ្យការធ្វើលំហាត់ប្រាណកាន់តែងាយស្រួលសម្រាប់អ្នកជារៀងរាល់ថ្ងៃ ៕
ចែករំលែកព័តមាននេះ