រាជធានីភ្នំពេញ ៖ នៅប៉ុន្មានឆ្នាំចុងក្រោយនេះគេសង្កេតឃើញវិស័យសហគ្រាសធុនតូច និងមធ្យមនៅក្នុងប្រទេសមានការរីកចម្រើនទាំងផ្នែកផលិតកម្ម និងការកែច្នៃ ប៉ុន្តែបើក្រ ឡេក ទៅមើលបញ្ហាសម្រាប់វិស័យមួយនេះ គឺនៅមានបញ្ហាប្រឈមធំៗមួយចំនួនដែល ជាឧបសគ្គរាំងស្ទះដល់ការរីកលូតលាស់…
រាជធានីភ្នំពេញ ៖ នៅប៉ុន្មានឆ្នាំចុងក្រោយនេះគេសង្កេតឃើញវិស័យសហគ្រាសធុនតូច និងមធ្យមនៅក្នុងប្រទេសមានការរីកចម្រើនទាំងផ្នែកផលិតកម្ម និងការកែច្នៃ ប៉ុន្តែបើក្រ ឡេក ទៅមើលបញ្ហាសម្រាប់វិស័យមួយនេះ គឺនៅមានបញ្ហាប្រឈមធំៗមួយចំនួនដែល ជាឧបសគ្គរាំងស្ទះដល់ការរីកលូតលាស់ ខណៈវិស័យមួយនេះអាចនឹងកា្លយជាចលករ នៃការជំរុញកំណើនសេដ្ឋកិច្ចជាតិ ។
លោក ឈា ឡាយហ៊ី ប្រធាននាយកដ្ឋានសហគ្រាសធុនតូច និងមធ្យមនៃក្រសួងឧ ស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងក្នុងសន្និសីទសារព័ត៌ មានកាលពីថ្ងៃទី ៧ខែឧសភា ឆ្នាំ ២០២០ មកនេះថា សហគ្រាសធុនតូច និងមធ្យម ( SMEs) មិនថានៅប្រទេសកម្ពុជានោះទេ ពិភពលោកទាំងមូលបានផ្តោតយ៉ាងខ្លាំងទៅលើ សហគ្រាសធុនតូច និងមធ្យមដែលជាផ្នែកមួយនៃឆ្អឹងខ្នងសេដ្ឋកិច្ច ។ បើយើងមិនបាន លើកកម្ពស់សហគ្រាសធុនតូច និងមធ្យមឱ្យដល់ចំណុចមួយមិនអាចគាំទ្រដល់កំណើន សេដ្ឋកិច្ចខ្នាតធំបានទេ វាអាចមានបញ្ហាចោទនៅក្នុងវិស័យមួយនេះ ។
លោក ឈា ឡាយហ៊ី បានឱ្យដឹងថា «បញ្ហាធំៗរបស់ SMEs យើងសព្វថ្ងៃនេះដែល យើងបានសិក្សារកឃើញ គឺបញ្ហាចម្បង គឺទី ១ ការទទួលបាននូវហិរញ្ញប្បទានពីស្ថាប័ន ផ្តល់ប្រាក់កម្ចី គឺគាត់មានការលំបាក ទី ២ ការទទួលបាននូវព័ត៌មានថ្មីៗ ។ SMEs មួយ ចំនួនធំនៅទូទាំងប្រទេសរបស់យើង គឺអាចនិយាយបានថាតាមស្ថិតិ SMEs មានជាង ៥៣ ម៉ឺនមូលដ្ឋាន ភាគច្រើនអ្នកនៅតាមខេត្ត ជនបទពិបាកក្នុងការទទួលបានព័ត៌មានថ្មីៗ ពីការ លើកទឹកចិត្តរបស់រាជរដ្ឋាភិបាល គឺពួកគាត់ទទួលបានព័ត៌មាននៅមានម្រិត គាត់នៅ ពិបាកក្នុងការទទួលបានព័ត៌មាន ។ ទី ៣ ការទទួលបាននូវបញ្ហាបច្ចេកទេសផលិតកម្ម ។ គាត់ធ្វើការកែច្នៃផលិតផលរបស់ពួកគាត់នៅមានកម្រិត និងបញ្ហាមួយចំនួនទៀតទាក់ទង និងថ្លៃទឹក និងភ្លើងអគ្គិសនីជាដើម» ។
លោកលើកឡើងថា មកដល់សម័យកាលបដិវត្តឧស្សាហកម្មជំនាន់ទី ៤ នេះបើ សិនជាយើងមិនបានជំរុញវិស័យ SMEs របស់យើងដើរស្របទៅនឹងបរិបទបច្ចេកវិទ្យា នេះទេ គឺយើងមិនដើរតាមប្រទេសគេទាន់នោះទេ ។ សព្វថ្ងៃនេះក្រសួងឧស្សាហកម្ម និង សិប្បកម្ម បានប្រែក្លាយមកជាក្រសួងឧស្សាហកម្ម វិទ្យាសាស្ត្រ និងនវានុវត្តន៍ បានផ្តល់ ឱកាសបន្ថែមទៀតទៅដល់ក្រុមការងារក្រសួងសហការជាមួយវិស័យឯកជន និងដៃគូ អភិវឌ្ឍន៍ដើម្បីជំរុញបន្ថែមទៀតលើបច្ចេកវិទ្យា ឬបច្ចេកទេសផ្សេងៗទៅដល់បណ្តា SMEs របស់យើងដែលគាត់កំពុងតែជួបបញ្ហាទាំងអស់នេះ ។
លោកបញ្ជាក់ថា SMEs នៅក្នុងស្រុកមានជាង ៥៣ម៉ឺនមូលដ្ឋានតាមរយៈការជំ រឿនរបស់ក្រសួងផែនការ តាំងពីឆ្នាំ ២០១១ ហើយយើងបានចែកចេញជា ៤ វិស័យ ដែល ទី ១ ផ្នែកកាមន្តសាល ទី ២ សេវាកម្ម ទី ៣ កសិកម្ម និងទី ៤ ផ្នែកពាណិជ្ជកម្មលក់ដុំ លក់ រាយ ។ ក្នុងចំណោម SMEs ជាង ៥៣ ម៉ឺនមូលដ្ឋាន ក្នុងនោះផ្នែកកាមន្តសាលមានជាង ១៤% បើគិតជាមូលដ្ឋានមានជាង ៧ម៉ឺនមូលដ្ឋាន ប៉ុន្តែនៅពេលសព្វថ្ងៃនេះ ក្រសួងមាន តួលេខក្នុងដែ ឬគ្រប់គ្រងបានមានប្រមាណ ៥ម៉ឺនមូលដ្ឋាន ហើយ ២ម៉ឺនមូលដ្ឋានផ្សេង ទៀតគាត់អាចនៅក្រៅប្រព័ន្ធ ឬគាត់អាចស្ថិតនៅក្រោមការគ្រប់គ្រងពីក្រសួងផ្សេងទៀត ។
ពាក់ព័ន្ធសហគ្រាសធុនតូច និងមធ្យម ឬហៅថា SMEs នៅពេលកន្លងមកមានការ កំណត់និយមសម្រាប់ម៉ៃក្រូត្រូវមានដើមទុនអាជីវកម្មក្រោម ៥ម៉ឺនដុល្លារអាមេរិក, ចាប់ពី ៥ម៉ឺនដល់ ២៥ម៉ឺនដុល្លារអាមេរិកគេចាត់ទុកជាប្រភេទធុនតូច និងចាប់ពី ២៥ម៉ឺនដុល្លារ ដល់ ៥០ម៉ឺនដុល្លារអាមេរិកជាប្រភេទ SMEs ធុនមធ្យម ហើយលើសពី ៥០ម៉ឺនដុល្លារអា មេរិកឡើងទៅជាប្រភេទរោងចក្រធុនធំ ៕
ចែករំលែកព័តមាននេះ