រាជធានីភ្នំពេញ៖ អ្នកជំនាញបានឲ្យដំបូន្មានថាសម្រាប់យុវជនបើសិនអ្នកអាចរកចំណូលចាប់ពី ៥០០ ដុល្លារក្នុងមួយខែគួរគិតគូរពិចារណាក្នុងការសន្សំឲ្យបានយ៉ាងហោចណាស់ ៣០ ឬក៏៤០ ភាគរយនៃប្រាក់ចំណូលប្រចាំខែសរុប ដើម្បីការពារកុំឲ្យអាពាហ៍ពិពាហ៍នាថ្ងៃអនាគតរបស់អ្នកក្លាយជាបំណុល ព្រោះថានៅពេលខាងមុខអ្នកនិងមានតម្រូវការច្រើនដូចជាការរៀបការ ឬការទិញផ្ទះជាដើម។…
រាជធានីភ្នំពេញ៖ អ្នកជំនាញបានឲ្យដំបូន្មានថាសម្រាប់យុវជនបើសិនអ្នកអាចរកចំណូលចាប់ពី ៥០០ ដុល្លារក្នុងមួយខែគួរគិតគូរពិចារណាក្នុងការសន្សំឲ្យបានយ៉ាងហោចណាស់ ៣០ ឬក៏៤០ ភាគរយនៃប្រាក់ចំណូលប្រចាំខែសរុប ដើម្បីការពារកុំឲ្យអាពាហ៍ពិពាហ៍នាថ្ងៃអនាគតរបស់អ្នកក្លាយជាបំណុល ព្រោះថានៅពេលខាងមុខអ្នកនិងមានតម្រូវការច្រើនដូចជាការរៀបការ ឬការទិញផ្ទះជាដើម។
លោក ង៉ែត ជូ ទីប្រឹក្សាសេដ្ឋកិច្ចមួយរូបនៅកម្ពុជាបានលើកឡើងថាយុវជននាសម័យនេះចាំបាច់ត្រូវមានចំណេះឲ្យបានច្បាស់លាស់ពីផែនការហិរញ្ញវត្ថ តោងជៀសឲ្យឆ្ងាយពីការចាយវាយភ្លើតភ្លើន ដើម្បីសល់លុយអាចរកជម្រកបានសមរម្យនិងកសាងគ្រួសារកក់ក្តៅមួយ ។
លោកបានបន្តថាសម្រាប់យុវជនខ្មែរដែលសមត្ថភាពអាចរកចំណូលចាប់ពី ៥00 ដុល្លារអាមេរិកក្នុងមួយខែឡើង គួររៀនសន្សំប្រាក់អោយបានច្រើន យ៉ាងហោចណាស់សន្សំចាប់ពី ១៥០ ដុល្លារ ទៅ ២០០ ដុល្លារក្នុងមួយខែ ។ ជាពិសេសត្រូវគិតពិចារណាថាមុនគាត់មានលទ្ធភាពរកចំណូលបាន ៥០០ ដុល្លារឡើង គាត់ត្រូវគិតថាគាត់រស់នៅដោយវិធីណាកាលពីពេលមុន ឧទាហរណ៍រស់នៅចាយវាយក្រោមការផ្គត់ផ្គង់ ឬចាយលុយឪពុកម្តាយ ហើយពេលចាយលុយឪពុក-ម្តាយកាលពីពេលមុននោះ តើក្នុងមួយខែយើងចាយអស់ប៉ុន្មាន ។
លោក ង៉ែត ជូ ដែលត្រូវបានចាត់ទុកជាអ្នកជំនួញអចលទ្រព្យជោគជ័យមួយរូបបានបន្តថា «បើពីមុនយើងរស់នៅដោយសារការផ្គត់ផ្គង់ឪពុកម្តាយ តិចតួច ដូច្នេះពេលយើងមានលទ្ធភាពរកបានចំណូល ៥០០ ឬ ៦០០ ដុល្លារឡើងអីហ្នឹង យើងកុំទាន់អាលដូរ Lifestyle
ភ្លាមៗ ឬអាចនិយាយថាកុំទាន់ដូររបៀបរបបរស់នៅភ្លាមអី។ ហេតុអី0x017d7 ប្រាកដណាស់ ដោយសារយើងនៅមានកតាព្វកិច្ចទៅមុខច្រើនទៀត មិនមែនមានន័យថាយើងធ្លាប់អត់ លុយចាយពីមុន ឬពីមុនមានលុយចាយតិចតួច ឥឡូវស្រាប់តែមានលុយច្រើនក៏ចាយទៅមិនខ្វល់សន្សំទុកនោះ មិនមែនអញ្ចឹងទេ ពីព្រោះទៅមុខទៀតយើងនឹងមានតម្រូវការច្រើន ដូចជាយើងនឹងត្រូវការជម្រក យើងនឹងត្រូវការកសាងគ្រួសារ» ។
អញ្ចឹងបញ្ហានេះគឺថាយុវជនគួរចេះសន្សំ ។ សន្សំបណ្តើរ ប្រើពេលវេលានៃការសន្សំ ២ ឬ ៣ ឆ្នាំសឹមរៀបចំគ្រួសារនោះគាត់នឹងមានទុនខ្លះ ទោះបីជាខ្ចីគេតិចតួចវាអត់បញ្ហាទេ តែបើគាត់ប្រើជីវិតយុវវ័យសប្បាយចាយអស់លុយ ដល់ពេលរៀបការ បើសិនឪពុកម្តាយពុំមានលទ្ធភាព នោះនឹងខ្ចីគេនាំឲ្យមានបញ្ហាច្រើន» ។
លោកបានណែនាំថា «ហើយមែនទែនទៅ សូមតោងជាគំនិតថាប្រាក់ដែលខ្ចីគេ ត្រូវយកមកប្រើដើម្បីឲ្យចម្រើន ចាំយើងខ្ចី។ តែបើខ្ចីមកដើម្បីបំពេញសេចក្តីត្រូវការប្រចាំថ្ងៃ ឬដើម្បីរៀបអាពាហ៍ពិពាហ៍អីហ្នឹង មិនគួរទេ គឺយើងមិនគួរឲ្យចំណងអាពាហ៍ពិពាហ៍ថ្មីក្លាយជាបំណុលទេ» ៕
ចែករំលែកព័តមាននេះ