ខេត្តសៀមរាប៖ ដើមឈើគ្រញូងដ៏កម្រចំនួន៤ដើម នៅក្នុងតំបន់រមណីអង្គរត្រូវបានគេលួចកាប់យកចេញទៅបាត់ដោយសុវត្ថិភាព ខណៈអាជ្ញាធរមិនអាចបញ្ជាក់អំពីមូលហេតុដែលកើតមានឡើងនេះទេ ។ ហេតុការណ៍នៃការលួចកាប់ឈើប្រណិតដើមនៅក្នុងតំបន់រមណីអង្គរបានបង្កការភ្ញាក់ផ្អើលកាលពីវលាម៉ោង៣រសៀលថ្ងៃទី១៦ ខែមេសា ឆ្នាំ២០២០ ស្ថិតនៅចំណុចព្រៃឧទ្យានអង្គរ ក្នុងភូមិក្រវ៉ាន់…
ខេត្តសៀមរាប៖ ដើមឈើគ្រញូងដ៏កម្រចំនួន៤ដើម នៅក្នុងតំបន់រមណីអង្គរត្រូវបានគេលួចកាប់យកចេញទៅបាត់ដោយសុវត្ថិភាព ខណៈអាជ្ញាធរមិនអាចបញ្ជាក់អំពីមូលហេតុដែលកើតមានឡើងនេះទេ ។
ហេតុការណ៍នៃការលួចកាប់ឈើប្រណិតដើមនៅក្នុងតំបន់រមណីអង្គរបានបង្កការភ្ញាក់ផ្អើលកាលពីវលាម៉ោង៣រសៀលថ្ងៃទី១៦ ខែមេសា ឆ្នាំ២០២០ ស្ថិតនៅចំណុចព្រៃឧទ្យានអង្គរ ក្នុងភូមិក្រវ៉ាន់ សង្កាត់នគរធំ ក្រុងសៀមរាប។
បើតាមមន្ត្រីសមត្ថកិច្ចបានបង្ហើបឱ្យដឹងនៅព្រឹកថ្ងៃទី១៧ មេសានេះថា ករណីនេះធ្វើឡើងដោយជនសង្ស័យពុំស្គាល់អត្តសញ្ញាណ បានលួចកាប់ឈើគ្រញូងអស់ចំនួន៤ដើម នៅចំកណ្តាលនៃតំបន់អង្គរ ដែលគ្រប់គ្រងទទួលខុសត្រូវដោយសមត្ថកិច្ចចម្រុះនៅទីនោះជាច្រើនជំនាញ។
ប្រភពដដែលបានបន្ថែមថា ឈើទាំងនោះមានមុខកាត់ប្រមាណជា ០,៤០ ម៉ែត្រទៅ០,៦០ម៉ែត្រ។តាមដដែលបានបន្ថែមទៀតថា ករណីកាប់នេះកើតឡើងប្រមាណជា១សប្តាហ៍មកហើយ តែគ្មាននរណាដឹង ទើបតែមានការភ្ញាក់ផ្អើលនៅពេលនេះ ។ ទោះយ៉ាងណាជុំវិញហេតុការណ៍នេះក្រុមអាជ្ញាធរនៅមិនទាន់រកមុខ អ្នកកាប់ឈើគ្រញូងនៅតំបន់អង្គរបាននៅឡើយទេ ដោយម្នាក់ៗរុញដាក់គ្នាទៅវិញទៅមក មិនព្រមទទួលខុសត្រូវ។
ជុំវិញនឹងករណីនេះដែរ លោក លី សំរិទ្ធ អភិបាលរងខេត្ត និងជាអ្នកនាំពាក្យសាលាខេត្តសៀមរាប បានមាន ប្រសាសន៍ ឱ្យដឹងនៅព្រឹកថ្ងៃទី១៧ ខែមេសានេះថា ករណីនេះលោកនៅមិនទាន់ដឹងនៅឡើយទេ ព្រោះគ្មានទាន់ឃើញមានរបាយការណ៍ចូលមក។ លោកបានបន្តថា ការងារនោះជាការទទួលខុសត្រូវដោយអាជ្ញាធរជាតិអប្សរា នគរបាលការពារបេតិកភណ្ឌ។ ឯអាជ្ញាធរខេត្ត គ្រាន់តែ ជាកម្លាំងសហការ លើការងារផ្សេងៗទេ។
បើតាមការអះអាងពី លោក ឡុង កុសល អ្នកនាំពាក្យ និង ជាប្រធានសណ្តាប់ធ្នាប់ នៃអាជ្ញាធរអប្សរា បានឆ្លើយ ប្រាប់តាមឆាតតេលេក្រាមនៅព្រឹកថ្ងៃទី១៧ ខែមេសា ឆ្នាំ២០២០ នេះថា លោកមិនទាន់បានដឹងថានរណាជាអ្នកលួចកាប់ដើមឈើគ្រញូង ចំនួន៤ដើម នៅព្រៃឧទ្យានអង្គរ យកទៅបាត់ដោយសុវត្ថិភាព នោះទេ ខណៈ ពេលនេះ លោក បានសហការជាមួយអាជ្ញាធរមូលដ្ឋាន និងកម្លាំងនគរបាល បិតិកភ័ណ្ឌ ដើម្បីចុះស្រាវជ្រាវស្វែងរកជនល្មើស យកមកផ្តន្ទាទោសទៅតាមផ្លូវច្បាប់។
គួររំលឹកថា កន្លងទៅ ក្រុមឈ្មួញបានលួចកាប់ឈើគ្រញូងនៅតំបន់អង្គរ ហើយត្រូវតុលាការខេត្តសៀមររាប សម្រេចចាប់ ខ្លួនអ្នកពាក់ព័ន្ធក្នុងការគ្រប់គ្រងនៅតំបន់បេតិកភណ្ឌ យកទៅផ្តន្ទាទោសតាម ច្បាប់។ ប៉ុន្តែក្នុងករណីខាងលើនេះគេនៅមិនទាន់ដឹងថា ចំណាត់ការផ្លូវច្បាប់ អាចចាត់ការយ៉ាងណានោះទៅលើក្រុមជន ល្មើសដែលលួចកាប់ឈើគ្រញូង និងអ្នកទទួលខុសត្រូវនៅតំបន់នេះ។
ទោះជាយ៉ាងនេះក្តី ជំនួញឈើគ្រញូងត្រូវបានអ្នកច្បាប់ចងក្រងឡើងនិងចាត់ទុកជាអំពើល្មើសច្បាប់យ៉ាងធ្ងន់ធ្ងរ (ពីបទឧក្រិដ្ឋ)មិនអាចលើកលែងឲ្យបាន ៕
ចែករំលែកព័តមាននេះ