ខេត្តព្រះវិហារ ៖ បើតាមសេចក្តីរាយការណ៍បានឱ្យដឹងថា បុរសរងគ្រោះម្នាក់បានរងរបួសក្បាលធ្ងន់ធ្ងរក្នុងវង់ផឹកស៊ី ខណៈពេលជនរងគ្រោះសុំឱ្យជនសង្ស័យជាអ្នករាប់អានគ្នាចាក់ធុងបាស់ឱ្យស្តាប់ តែជនសង្ស័យបដិសេធ ព្រោះអាគុយអស់ភ្លើង ក៏កើតជាជម្លោះពាក្យសម្តីរហូតដល់ជនសង្ស័យទាញយកដំបងវាយទៅលើជនរងគ្រោះតែម្តង បង្កឱ្យមានការភ្ញាក់ផ្អើលកាលពីថ្ងៃទី១២ ខែមេសា…
ខេត្តព្រះវិហារ ៖ បើតាមសេចក្តីរាយការណ៍បានឱ្យដឹងថា បុរសរងគ្រោះម្នាក់បានរងរបួសក្បាលធ្ងន់ធ្ងរក្នុងវង់ផឹកស៊ី ខណៈពេលជនរងគ្រោះសុំឱ្យជនសង្ស័យជាអ្នករាប់អានគ្នាចាក់ធុងបាស់ឱ្យស្តាប់ តែជនសង្ស័យបដិសេធ ព្រោះអាគុយអស់ភ្លើង ក៏កើតជាជម្លោះពាក្យសម្តីរហូតដល់ជនសង្ស័យទាញយកដំបងវាយទៅលើជនរងគ្រោះតែម្តង បង្កឱ្យមានការភ្ញាក់ផ្អើលកាលពីថ្ងៃទី១២ ខែមេសា ឆ្នាំ២០២០ ស្ថិតនៅភូមិអន្ទិល ឃុំយាង ស្រុកជាំក្សាន្ត។
សេចក្តីរាយការណ៍បន្តថា ជនសង្ស័យខាងលើឈ្មោះ ម៉ា សាមុត ភេទប្រុស អាយុ៥៤ឆ្នាំ ជាកសិករ រស់នៅភូមិអន្ទិល ឃុំយាង ស្រុកជាំក្សាន្ត ចំណែកជនរងគ្រោះ ឈ្មោះ នួន ភារម្យ ភេទប្រុស អាយុ៤៥ឆ្នាំ ជាកសិករ ទាំងពីរនាក់ជាអ្នករាប់អានគ្នា រស់នៅភូមិអន្ទិល ឃុំយាង ស្រុកជាំក្សាន្ត។
លោកមេបញ្ជាការងអាវុធហត្ថស្រុកជាំក្សាន្តបានឲ្យដឹងថា តាមការបំភ្លឺពីសាក្សីនៅកន្លែងកើតហេតុថា មុនពេលកើតមានអំពើហិង្សានេះឡើង គេឃើញជនសង្ស័យ និងជនរងគ្រោះ បានបបួលគ្នាផឹកស៊ី លុះមួយសន្ទុះក្រោយក ជនរងគ្រោះបានសុំឱ្យជនសង្ស័យចាក់ធុងបាស់ឲ្យខ្លួនស្តាប់ តែជនសង្ស័យឆ្លើយថា ធុងបាស់ចាក់អត់លឺទេ ព្រោះអាគុយអស់ភ្លើងទៅហើយ រហូតដល់ទាស់ពាក្យសម្តីគ្នា ស្រាប់តែធ្វើឲ្យជនសង្ស័យខឹង រួចក៏ងាកមកចាប់យកដំបងឈើមួយមានប្រវែងជាង៦សង់ទីម៉ែត្រ វាយទៅលើជនរងគ្រោះត្រូវជាច្រើនដំបង បណ្តលឱ្យបែកក្បា ដេកដួលនៅក្នុងថ្លុកឈាម រងរបួសធ្ងន់សន្លប់ស្តូកនៅនឹងកន្លែងតែម្តង ។
លោកមេបញ្ជាការងអាវុធហត្ថស្រុកបន្តថា ក្រោយពេលកើតហេតុ កម្លាំងអាវុធហត្ថបានចុះទៅដល់កន្លែងកើតហេតុភ្លាមៗ រួចឃាត់ខ្លួនជនសង្ស័យតែម្តង ដើម្បីយកមកសាកសួរ រីឯជនរងគ្រោះត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្ត ។
សូមបញ្ជាក់ថា បច្ចុប្បន្ននេះជនសង្ស័យ និងវត្ថុតាងប្រព្រឹត្តបទល្មើសត្រូវបានបញ្ជូនមកកាន់ទីបញ្ជាការកងរាជអាវុធហត្ថខេត្ត ដើម្បីកសាងសំណុំរឿងបន្តទៅសាលាដំបូងខេត្តចាត់ការតាមផ្លូវច្បាប់ ៕ (កែសម្រួលដោយ ៖ បុប្ផា)
ចែករំលែកព័តមាននេះ