បុរស​ម្នាក់​ធ្លាក់​ពី​លើដើម​ត្នោត​​កម្ពស់​ជាង​១០​ម៉ែត្រ​របួស​ធ្ងន់ ដឹក​មក​ដល់​ពេទ្យ​ស្លាប់


រាជ​ធានី​ភ្នំពេញ ៖ យុវជន​ម្នាក់​ជា​ជាងសំណង់​ពេលទំនេរ​ពី​ការងារ​បានឡើង​កាប់​ផ្លែ​ត្នោត​យក​មក​ហូប ខណៈ​ពេល​ឡើង​ជិត​ដល់​ចុង​ត្នោត​ហើយ​បាន​របូតដៃ​ធ្លាក់​មកដី​សន្លប់​ស្តូកស្តឹង​មួយសន្ទុះ​ដឹងខ្លួន​វិញ​ ឪពុក​ម្តាយ​បញ្ជូន​ទៅ​ដល់​មន្ទីរពេទ្យ​ព្រះ​កុសុមៈ​បាន​បន្តិច​បាន​ស្លាប់​នៅ​វេលា​ម៉ោង៧​យប់​ថ្ងៃ​ទី​១០ ​តុលា ។

ហេតុការណ៍​នេះ​កើតឡើង​នៅ​វេលា​ម៉ោង​១ ​និង​៣០​នាទី​រសៀល ថ្ងៃ​ទី​១០ ​តុលា នៅ​ភូមិ​រឿង​ពើង ឃុំ​ស្គុះ ស្រុក​សំរោង​ទង ខេត្តកំពង់ស្ពឺ ។ ជន​រង​គ្រោះ​ដែល​ស្លាប់​មានឈ្មោះ ម៉​ម ប៊ុ​ន​ថេ​ត ភេទ​ប្រុស អាយុ​១៨​ឆ្នាំ នៅ​លីវ មុខរបរ​ធ្វើស្រែ​ និងជាកម្មករ​សំណង់ ស្នាក់​នៅ​ភូមិ​កើតហេតុ ​។

ប្រភព​ព័ត៌មាន​ពី​ស្ត្រី​ជា​ម្តាយ​បាន​ឲ្យ​ដឹង​ថា គាត់​មានកូន​៧​នាក់ កូន​ដែល​ធ្លាក់​ពីលើ​ដើម​ត្នោត​ជា​កូន​ទី​៤​ក្នុង​គ្រួសារ ហើយ​គ្រួសារ​របស់​គាត់​មិនមែន​ជា​អ្នក​ឡើងត្នោត​ទេ ជា​អ្នក​ធ្វើស្រែ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ