យោងតាមក្បួនតម្រាចារអំពីថ្ងៃកាត់សក់ កាត់លាភសិរីបានបង្ហាញថាចាស់បុរាណប្រកាន់ត្រណមខ្លាំង ការជ្រើសរើសថ្ងៃកាត់សក់មានសារសំខាន់ណាស់ ក្នុងមួយសប្ដាហ៍មាន៧ថ្ងៃ ថ្ងៃណាគួរកាត់សក់ និងថ្ងៃមិនគួរកាត់ កាត់សក់ចំថ្ងៃល្អអាចនាំឲ្យមានលាភសំណាង លើករាសី តែបើកាត់ចំថ្ងៃមិនល្អនឹងនាំទុក្ខ ។ សូមលោកអ្នកជ្រើសរើសថ្ងៃដូចខាងក្រោម៖
១-កាត់សក់ចំថ្ងៃចន្ទ នឹងមានតែលាភសំណាង ។
២-កាត់សក់ចំថ្ងៃអង្គារ នឹងមានតេជះ ឫទ្ធិអំណាច មានគេខ្លបខ្លាច ។
៣-កាត់សក់ចំថ្ងៃពុធ មិនល្អទេ លាភសំណាងផ្សេងៗដែលបម្រុងហូរចូលនឹងរលាយបាត់ ហើយជំនួសមកវិញដោយសេចក្ដីទុក្ខ ។
៤-កាត់សក់ចំថ្ងៃព្រហស្បតិ៍ នឹងមានទេវតា ព្រមទាំងវត្ថុស័ក្ដិសិទ្ធិតាមជួយថែរក្សា ។
៥-កាត់សក់ចំថ្ងៃសុក្រ នឹងមានមន្តស្នេហ៍ដែលជាទីស្រឡាញ់នៃមនុស្សទាំងពួង។
៦-កាត់សក់ចំថ្ងៃសៅរ៍ ប្រពៃបំផុត គិតអ្វីៗ ឬធ្វើកិច្ចការងារអ្វីនឹងបានសម្រេចតាមបំណងប្រថ្នា នឹងមានសិរីមង្គល មានសំណាងល្អ ។
៧-កាត់សក់ចំថ្ងៃអាទិត្យ នឹងមានអាយុយឺនយូរ សុខភាពមាំមួន ប្រាសចាករោគាព្យាធិទាំងឡយ ។
នេះជាតម្រា តែទោះជាយ៉ាងណាខ្ញុំយល់ថា សិរីមង្គលគឺស្រេចហើយតែលើខ្លួនយើង បើយើងគិតល្អ ប្រព្រឹត្តល្អ ហ្នឹងហើយគឺសេចក្តីសុខ សេចក្តីចម្រើន ។ សាន សារិន
ចែករំលែកព័តមាននេះ