ម៉េចអ៊ីចឹង ! ផលិតផលថ្មីបំផុតរបស់ Apple គឺអ្នកមិនអាចទិញបានទេ
កាលពីថ្ងៃអាទិត្យកន្លងមកនេះ លោកនាយកប្រតិបត្តិ ធីម ឃុក (Tim Cook) របស់ក្រុមហ៊ុន Apple បានប្រកាសថា ក្រុមហ៊ុនបានបញ្ជូនម៉ាស់ប្រមាណ…
កាលពីថ្ងៃអាទិត្យកន្លងមកនេះ លោកនាយកប្រតិបត្តិ ធីម ឃុក (Tim Cook) របស់ក្រុមហ៊ុន Apple បានប្រកាសថា ក្រុមហ៊ុនបានបញ្ជូនម៉ាស់ប្រមាណ ២០លានសម្រាប់ ហើយកំពុងតែសហការជាមួយនឹងអ្នកផ្គត់ផ្គង់ក្នុងការច្នៃម៉ូដ ផលិត និងចែកចាយរបាំងមុខសម្រាប់បុគ្គលិកធ្វើការក្នុងវិស័យសុខាភិបាល ។
អ្នកនាំពាក្យរបស់ Apple បានឲ្យដឹងថា ក្រុមហ៊ុននឹងបញ្ជូនចេញរបាំងមុខប្រមាណ ១លានសម្រាប់នៅចុងសប្តាហ៍ក្រោយ ។ វាជាផលិតផលថ្មីបំផុតរបស់ Apple ហើយវាជាអ្វីដែលមនុស្សភាគច្រើនមិនអាចទិញបានឡើយ ។
ក្រៅពីនេះទៀតនោះ លោក ឃុក បានប្រកាសថាចំនួនម៉ាស់ដែលត្រូវបានបរិច្ចាគដោយខ្សែសង្វាក់ផ្គត់ផ្គង់របស់ Apple បានកើនដល់ ២០លានសម្រាប់ទៅហើយ ។ការចូលរួមរបស់ Apple នេះគឺពិតជាមានសារៈសំខាន់ណាស់ខណៈដែលឧបករណ៍ការពារខ្លួនពីវីរុសកូវីដ ១៩ កំពុងតែមានតម្រូវការខ្ពស់ក្នុងសហរដ្ឋអាមេរិក ជាពិសេសនៅតាមមន្ទីរពេទ្យដែលកំពុងខ្វះខាតខ្លាំងជាងគេ ។
ក្រុមហ៊ុនបាននិយាយទៀតថាពួកគេកំពុងតែសហការជាមួយនឹងមន្ទីរពេទ្យ និងរដ្ឋាភិបាលដើម្បីបញ្ជូនរបាំងមុខទៅកន្លែងដែលមានមនុស្សត្រូវការច្រើនជាងគេ ។ គួរបញ្ជាក់ទៀតថា Apple មានខ្សែសង្វាក់ផ្គត់ផ្គង់ដែលទំនើប និងធំជាងគេលើលោក ដែលមានន័យថាពួកគេមានសមត្ថភាពក្នុងការផលិត និងបញ្ជូនផលិតផលបានលឿន ។
ជាទូទៅ Apple ផ្តោតធនធានដែលខ្លួនមានលើផលិតផលសម្រាប់អតិថិជន ។ ក្រុមហ៊ុននេះតែងតែព្យាយាមស្រាវជ្រាវលើ iPhone iPad និង MacBook ជំនាន់ថ្មីជានិច្ច ខណៈដែលបន្តបង្កើតកម្មវិធី Software ផ្សេងៗដែលអតិថិជននឹកស្មានមិនដល់ថាខ្លួនត្រូវការ ។ ប៉ុន្តែក្នុងកំឡុងពេលនេះ ក្រុមហ៊ុន Apple មានបេសកម្មថ្មីនោះ គឺជួយដល់បុគ្គលិកធ្វើការក្នុងវិស័យសុខាភិបាលដើម្បីទប់ទល់នឹងវីរុសកូវីដ ១៩ ដែលកំពុងព្យាយាមសង្គ្រោះអ្នកជម្ងឺ និងការពារប្រជាជនដទៃក្នុងសហរដ្ឋអាមេរិក ៕
ចែករំលែកព័តមាននេះ