ខណៈជនជាតិអាមេរិកាំងជាច្រើនកំពុងសំងំនៅក្នុងផ្ទះក្នុងកំឡុងពេលកូវីដ១៩ កំពុងវាយលុកយ៉ាងចាស់ដៃនោះ អ្វីដែលគួរឲ្យរន្ធត់ចិត្តបំផុតនោះ គឺជនអនាថា ។
ភាពគ្មានផ្ទះសម្បែងជាច្រើននៅឡាសវេហ្គាសរងទុក្ខទ្វេរដង ព្រោះតែគ្មានជម្រក ដូច្នេះ ពួកគេត្រូវដេកលើដីនៃចំណតរថយន្តកណ្តាលវាលជាបណ្តោះអាសន្ន បង្កឲ្យមានការរិះគន់យ៉ាងចាស់ដៃលើអុីនធើរណេត។ រូបថតបង្ហាញពីមនុស្សអនាថាជាច្រើន បានដេកនៅក្នុងប្រអប់ពណ៌ស មានគម្លាតពីគ្នាប្រមាណជាង ១ ម៉ែត្រ ហើយគ្របភួយនៅពេលពួកគេដេកផ្ទាល់លើថ្មបេតុង។
អ្នកលេងបណ្តាញសង្គម បានប្រតិកម្មនៅបង្ហាញការងឿងឆ្ងល់ថា ហេតុអ្វីបានជាអ្នកគ្រប់គ្រងទីក្រុងនេះមិនដាក់មនុស្សគ្មានទីជម្រកនៅខាងក្នុងមជ្ឈមណ្ឌល Cashman ឬសូម្បីតែនៅក្នុងបន្ទប់សណ្ឋាគារដែលភាគច្រើននៅទំនេរនោះ ។
លោក David Riggleman នាយកផ្នែកទំនាក់ទំនងនៃទីក្រុងឡាសវេហ្គាសបានប្រាប់ ABC News ថា ទីធ្លាខាងក្នុងមជ្ឈមណ្ឌល Cashman គឺបំរុងទុកសម្រាប់អ្នកជំងឺកូវីដ១៩ បើសិនជាមន្ទីរពេទ្យតំបន់មិនអាចដាក់អ្នកជំងឺអស់ ៕
ចែករំលែកព័តមាននេះ