រាជធានីភ្នំពេញ ៖ មានរថយន្តចំនួន៣គ្រឿងបានឈប់នៅមុខមាត់ច្រកបឹងកក់ បន្ទាប់មកក៏មានបុរសម្នាក់មិនស្គាល់អត្តសញ្ញាណនោះទេបានដើរចូលមកខាងក្នុង ហើយគេមិនដឹងថាមានរឿងអី ឬមួយមានគំនុំអ្វីនោះទេបានជាដកកាំភ្លើងខ្លីបាញ់សំដៅទៅលើស្ត្រីម្នាក់មិនស្គាល់អត្តសញ្ញាណ ប៉ុន្តែសំណាងល្អពេលបាញ់រះជាង១០គ្រាប់នោះមិនត្រូវស្ត្រីរងគ្រោះឡើយ គ្រាន់តែធ្វើអោយនាងភ័យសន្លប់អស់មួយភាំង ត្រូវបានអ្នកជិតខាងនាំគ្នាជួយធ្វើចលនាឱ្យ ទើបនាងដឹងខ្លួនវិញ ចំណែកខ្មាន់កាំភ្លើងរត់គេចខ្លួនបាត់ ។
ហេតុការណ៍ខាងលើនេះបានកើតឡើងកាលពីវេលាម៉ោង១០យប់ថ្ងៃទី១៩ ខែមីនា ឆ្នាំ២០២០ តាមបណ្តោយផ្លូវបេតុងកែងផ្លូវR6 នៅចំណុចរ៉ារទះភ្លើងបឹងកក់ ស្ថិតនៅក្នុងសង្កាត់ស្រះចក ខណ្ឌដូនពេញ ។
តាមប្រភពពីសាក្សីដែលឃើញហេតុការណ៍បានអោយដឹងថា មុនពេលកើតហេតុ គេឃើញរថយន្តចំនួន៣គ្រឿង ក្នុងនោះរួមមាន១-រថយន្តម៉ាកព្រូស, ២-រថយន្តម៉ាកកាមរីបាឡែន និង៣-រថយន្តម៉ាកឡិចស៊ីសRX330 រួមនឹងម៉ូតូចំនួន២គ្រឿងទៀត ចំណែកខ្មាញ់កាំភ្លើងនោះមិនបានស្គាល់អត្តសញ្ញាណនោះទេ គឺបានដើរចូលមកដល់ក្នុងបឹងកក់ក៏ដកកាំភ្លើងខ្លីមួយដើមមិនស្គាល់ម៉ាកបាញ់សំដៅទៅលើស្ត្រីម្នាក់ដែលមិនស្គាល់អត្តសញ្ញាណនោះទេ ។
តាមប្រភពដដែលបានបន្តថា ប៉ុន្តែសំណាងល្អហើយពេលដែលបាញ់រះជាង១០គ្រាប់នោះមិនត្រូវស្ត្រីរងគ្រោះនោះទេ គ្រាន់តែធ្វើអោយនាងភ័យសន្លប់អស់មួយភាំង តែត្រូវបានអ្នកជិតខាងនាំគ្នាជួយធ្វើ
ចលនាឱ្យ ទើបនាងដឹងខ្លួនវិញ ។ ភ្លាមៗនោះ នៅពេលដែលខ្មាញ់កាំភ្លើងបាញ់ឆ្អែតហើយក៏ឈរមួយសន្ទុះ រួចក៏អាមេបន្ថែមបំរុងនឹងធ្វើសកម្មភាពបាញ់បន្តដែរ ប៉ុន្តែដោយសារតែបាញ់អត់ចេញក៏ដើរចេញទៅបាត់ទៅរួចហើយបោះពាក្យសំដីថា «ម៉េចហើយមិនទាន់ស្លាប់ទេអី» ។
ក្រោយកើតហេតុ សមត្ថកិច្ចប៉ុស្តិ៍ស្រះចកក៏បានមកដល់ទីតាំងកើតហេតុខាងលើ រួចហើយស្រាវជ្រាវរកឃើញសំបកគ្រាប់ចំនួន៦គ្រាប់ដែលនៅជុំវិញកន្លែងកើតហេតុ និងតាមស្រាវជ្រាវរកជនសង្ស័យដែលធ្វើសកម្មបាញ់រះខាងលើនេះ ដើម្បីយកមកផ្តន្ទាទោសតាមផ្លូវច្បាប់៕ (កែសម្រួលដោយ ៖ ធីតា)
ចែករំលែកព័តមាននេះ