ខេត្តកណ្តាល៖ បើតាមសេចក្តីរាយការណ៍បឋមបានឱ្យដឹងថា ជនសង្ស័យ៣នាក់ត្រូវបាននគរបាលក្រុងតាខ្មៅ ធ្វើការឃាត់ខ្លួន បន្ទាប់ពីឃើញគូរទំនាស់ពីមុនមកធ្លាប់មានទំនាស់ជាមួយនឹងគ្នា ក៏ហៅបក្សពួកយកដុំឥដ្ឋទៅគប់ដល់ផ្ទះតែម្តង បង្កឱ្យមានការភ្ញាក់ផ្អើលកាលពីម៉ោង៥និង៣០នាទីល្ងាច ថ្ងៃទី២៧ ខែមីនា ឆ្នាំ២០២០…
ខេត្តកណ្តាល៖ បើតាមសេចក្តីរាយការណ៍បឋមបានឱ្យដឹងថា ជនសង្ស័យ៣នាក់ត្រូវបាននគរបាលក្រុងតាខ្មៅ ធ្វើការឃាត់ខ្លួន បន្ទាប់ពីឃើញគូរទំនាស់ពីមុនមកធ្លាប់មានទំនាស់ជាមួយនឹងគ្នា ក៏ហៅបក្សពួកយកដុំឥដ្ឋទៅគប់ដល់ផ្ទះតែម្តង បង្កឱ្យមានការភ្ញាក់ផ្អើលកាលពីម៉ោង៥និង៣០នាទីល្ងាច ថ្ងៃទី២៧ ខែមីនា ឆ្នាំ២០២០ នៅចំណុចភូមិលេខ៤ សង្កាត់ស្វាយរលំ ក្រុងតាខ្មៅ។
សេចក្តីរាយការណ៍បន្តថា ជនរងគ្រោះខាងលើឈ្មោះ ណន់ ស៊ីឡុង ភេទប្រុស អាយុ២៥ឆ្នាំ មុខរបរលក់ទូរស័ព្ទ ទីលំនៅស្នាក់នៅភូមិលេខ៣ សង្កាត់ស្វាយរលំ ក្រុងតាខ្មៅ ។ ចំណែកជនសង្ស័យទី១- ឈ្មោះធួក សុខត្រា ភេទប្រុស អាយុ១៨ឆ្នាំ មុខរបរចុងភៅ ស្នាក់នៅភូមិខ្ពបវែង សង្កាត់កំពង់សំណាញ់ ក្រុងតាខ្មៅ ទី២-ឈ្មោះ ស៊ន ប៊ុនថៃ ភេទប្រុស អាយុ១៨ឆ្នាំ មុខរបររត់រ៉ឺម៉ក ទីលំនៅភូមិលេខ២ សង្កាត់ស្វាយរលំ ក្រុងតាខ្មៅ និងទី៣-ឈ្មោះ ងីម តៃហ៊ី ភេទប្រុស អាយុ១៧ឆ្នាំ មុខរបរជាសិស្សវិទ្យាល័យ មានទីលំនៅភូមិដើមគរ សង្កាត់ដើមមៀន ក្រុងតាខ្មៅ ។
បើតាមលោកវរសេនីយ៍ទោ យី វណ្ណដា អធិការនគរបាលក្រុងតាខ្មៅបានប្រាប់ឱ្យដឹង នៅពេលដែលជនរងគ្រោះកំពុងអង្គុយលក់ទូរស័ព្ទដូចសព្វដង ពេលនោះស្រាប់តែក្រុមជនសង្ស័យខាងលើ បានជិះម៉ូតូ១គ្រឿងទៅធ្វើសកម្មភាព ដោយយកដុំឥដ្ឋប្រហោងចំនួន២ដុំគប់សំដៅទៅលើជនរងគ្រោះដែលកំពុងអង្គុយលក់ទូរស័ព្ទ បណ្តាលឱ្យត្រូវចំសម្ភារៈរបស់ជនរងគ្រោះខូចខាតមួយចំនួន ហើយជនសង្ស័យក៏បានជិះម៉ូតូគេចខ្លួនបាត់ (មូលហេតុគឺដោយសារតែមានគុំនំគ្នាពីថ្ងៃមុន)។
ក្រោយពេលកើតហេតុជនរងគ្រោះបានរាយការណ៍ជូនសមត្ថកិច្ចប៉ុស្តិ៍ប៉ុស្តិ៍ស្វាយរលំ ចុះជួយអន្តរាគមន៍ ហើយធ្វើការឃាត់ខ្លួន រួមទាំងវត្ថុតាង រួចបញ្ជូនមកកាន់អធិការដ្ឋាននគរបាលក្រុងតាខ្មៅ ដើម្បីចាត់ការបន្តតាមនីតិវិធី៕ (កែសម្រួលដោយ ៖ បុប្ផា)
ចែករំលែកព័តមាននេះ