រាជធានីភ្នំពេញ ៖ ក្រសួងសាធារណការ និងដឹកជញ្ជូនបានសម្រេចបិទនាវាទេសចរណ៍តាមច្រកអន្តរជាតិក្អមសំណ ដែលមិនអនុញ្ញាតឲ្យនាវាដឹកអ្នកដំណើរ ឬអ្នកទេសចរចូលមកក្នុងព្រះរាជាណាចក្រកម្ពុជា ចាប់ពីថ្ងៃនេះតទៅ រហូតដល់មានការសម្រេចជាថ្មី ដើម្បីទប់ស្កាត់ការឆ្លងរាលដាលនៃជំងឺ Covid-19 ។ បើយោងតាមផេកក្រសួងសាធារណការ និងដឹកជញ្ជូនចេញផ្សាយមុននេះបន្តិច ។
![](https://kohsantepheapdaily.com.kh/wp-content/images/2020/03/c19e55f10c937eefa4cc4d42dc925adc.jpeg)
យោងតាមសេចក្តីប្រកាសព័ត៌មានរបស់អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ នៃក្រសួងសាធារណការ និងដឹកជញ្ជូន បានឲ្យដឹងថា កម្ពុជាសម្រេចបិទនាវាទេសចរណ៍តាមច្រកអន្តរជាតិក្អមសំណ(ផ្អាកជាបណ្តោះអាសន្ន) ដោយសារមានការចាំបាច់ក្នុងការបង្ការ ការរីករាលដាលនៃជំងឺឆ្លង Covid-19 ពីអ្នកដំណើរបរទេសដែលធ្វើដំណើរតាមនាវា ចូលមកក្នុងព្រះរាជាណាចក្រកម្ពុជា ។
![](https://kohsantepheapdaily.com.kh/wp-content/images/2020/03/eccbc87e4b5ce2fe28308fd9f2a7baf3-78.jpg)
ដូច្នេះសូមលោក លោកស្រីជាប្រធាន ឬតំណាងក្រុមហ៊ុនភ្នាក់ងារនាវានៃនាវាដឹកអ្នកដំណើរ ឬអ្នកទេសចរទាំងអស់ ជ្រាបជាព័ត៌មាន និងអនុវត្តប្រកបដោយប្រសិទ្ធភាព ៕ កែសម្រួលដោយ ៖ សុឃាក់
![](https://kohsantepheapdaily.com.kh/wp-content/images/2020/03/9066871afdf94bc1c21d7196f0b6e2cf-1024x682.jpg)
![](https://kohsantepheapdaily.com.kh/wp-content/images/2020/03/c63e0fcc9d602d42a822aa49a233684a-735x1024.jpg)
![](https://kohsantepheapdaily.com.kh/wp-content/images/2020/03/e4da3b7fbbce2345d7772b0674a318d5-43.jpg)
![](https://kohsantepheapdaily.com.kh/wp-content/images/2020/03/1679091c5a880faf6fb5e6087eb1b2dc-34.jpg)
ចែករំលែកព័តមាននេះ