AI ជាផ្នែកមួយនៃសេដ្ឋកិច្ចឌីជីថលនិងវាមកជាមួយនឹងក្តីបារម្ភពីក្រមសីលធម៌
ស្ទីវេន នូឈីន (Steven Mnuchin) លេខារដ្ឋបាលរបស់ត្រាំបានប្រាប់សារព័ត៌មាន ថាគាត់មិនបារម្ភពី AI ទេដោយសារគាត់ជឿថាវាមិនទាន់អាចទៅរួចរហូតដល់ ៥០ទៅ១០០ឆ្នាំទៀតពីឥលូវនេះ។ អ្នកដទៃក៏មិនបារម្ភភ្លាមពី AIផងដែរ។
ផ្អែកតាម នាយកប្រតិបត្តិរបស់ ឡាន Tesla អេឡុន ម៉ាស (Elon Musk) AIផ្តល់នូវ ហានិភ័យខ្ពស់ណាស់ដល់ការលូតលាស់និងអាចបង្កផលប៉ះពាល់ដល់ទីផ្សារការងារ។ អ្វីដែលធ្វើឲ្យ AIវាមានភាពប្រកួតប្រជែងគឺការរៀនម៉ាស៊ីន។ វាជាសមត្ថភាពដែលបង្កើត ការសម្រេចចិត្តផ្អែកលើកត្តាកំនត់មួយចំនួនហើយប្រើលទ្ធផលនៃការសម្រេចចិត្តដើម្បីប្រាប់ទៅដល់ជម្រើសនាពេលអនាគត។ ដំនើរការនេះផ្តល់ផលជាការអភិវឌ្ឍន៍ជាប់ជានិច្ច ហើយវាជាអ្វីដែល AIឥលូវសំខាន់ជំនួសប្រភេទការងារដែលកាលពីមុនមាន តែមនុស្សធ្វើបានដូចជាការបើកបររឺការធ្វើការវិនិយោគលុយ។
ជាការពិតណាស់ AIឥលូវអាចរកបាននៅក្នុងទូរសព្ទរឺនៅផ្ទះ វាជា អេផលស៊ីរី អាម៉ាហ្សូនអាឡេចហ្សា រឺម៉ាយក្រូសុស តេ (Apple’s Siri Amazon’s Alexa or Microsoft’s Tay) វាធ្វើការសម្រេចចិត្តពីអ្វីដែលសំខាន់ប្រចាំថ្ងៃបានច្រើនដូចជា ហិរញ្ញវត្ថុ ប្រព័ន្ធការពារនិងសុវត្ថិភាពសាធារណៈ។
AIបានជំនួសការងារច្រើននៅក្នុងវិស័យហិរញ្ញវត្ថុដោយសារវាអាចឃើញនូវការកើនចុះតិចតួចនៅក្នុងទីផ្សារហ៊ុនដែលជាសញ្ញាដែលជាពេលល្អមួយគួរទិញរឺលក់ហ៊ុន។ វាអាចធ្វើការពិនិត្យមើលប្រវត្តិរូបថាមនុស្សម្នាក់អាចបានកម្ចីធនាគាររឺក៏អត់។ ជាលទ្ធផល អ្នកជំនាញទាយថា សាខាធនាគារអាចជំរុះបុគ្គលិកពាក់កណ្តាលចេញនាពេលឆាប់ៗ។
យោធាអាមេរិកក៏ប្រើនូវ AIជាផ្នែកនៃគម្រោងអ្នកជំនាញ ជាប្រព័ន្ធការពារជាតិ។ យោធាប្រើ AIដើម្បីស្កេននូវប្រព័ន្ធតាមដានដាននិងទង់ជាតិដែលមានភាពសង្ស័យរឺមិនធម្មតា។
មន្ទីរពេទ្យមួយចំនួនក៏ប្រើ AIក្នុងរបៀបដូចគ្នាគឺប្រើស្កេននូវរូបភាពវេជ្ជសាស្ត្រដើម្បីរកមើល នូវអ្វីដែលធ្ងន់ធ្ងរដូចជាមហារីកកូនកណ្តុរ។ សេវាកម្មស្វ័យប្រវត្តិសន្សំសំចៃលុយដោយសារតែគ្រូពេទ្យផ្នែកវិទ្យុសកម្មអាចរកបាន៧០០ដុល្លារសម្រាប់រូបបួនក្នុងពេលមួយម៉ោងដែល AI វាមានប្រសិទ្ធផលហើយច្បាស់លាស់ជាង។
តែបញ្ហាក្រមសីលធម៌មួយចំនួនបានកើនឡើង។ នៅជីហ្គាហ្គោ AIត្រូវបានប្រើដោយ ការពង្រឹងច្បាប់ដើម្បីកំនត់ថាតំបន់ណាដែលមានសកម្មភាពឧក្រិដ្ឋកម្ម តែមាននូវការរអ៊ូរ ទាំថាវានាំទៅរកអ្នកដែលគ្មានកំហុសនៅតំបន់នោះទៅវិញ។
រូបភាពសំខាន់នៃ AI ការប៉ាន់ស្មានរបស់វាមិនអាចពិតប្រាកដទាំងស្រុងទេ ដោយសារតែវា រងនូវឥទ្ធិពលច្រើនពីបរិមាណនិងគុណភាពរបស់ទិន្នន័យក៏ដូចជាការវាយតម្លៃពីតម្លៃនៃអ្នកបង្កើតពេលដែលពួកគេកំនត់នូវលក្ខខណ្ឌល្មមៗសម្រាប់ប្រព័ន្ធ។ (នៅមានភាគបន្ត)
ចែករំលែកព័តមាននេះ