ឃើញនាងដើរម្នាក់ឯង ស្រាប់តែលេងឆក់កាបូបតែម្តង
- កណ្តាល
ខេត្តកណ្តាល ៖ នគរបាលក្រុងតាខ្មៅដឹកនាំបញ្ជាផ្ទាល់ពីលោកវរសេនីយ៍ទោ យី វណ្ណដា អធិការនគរបាលក្រុងតាខ្មៅ កាលពីវេលាម៉ោង២១និង៣០នាទី ថ្ងៃទី២៨ ខែកុម្ភៈ ឆ្នាំ២០២០…
ខេត្តកណ្តាល ៖ នគរបាលក្រុងតាខ្មៅដឹកនាំបញ្ជាផ្ទាល់ពីលោកវរសេនីយ៍ទោ យី វណ្ណដា អធិការនគរបាលក្រុងតាខ្មៅ កាលពីវេលាម៉ោង២១និង៣០នាទី ថ្ងៃទី២៨ ខែកុម្ភៈ ឆ្នាំ២០២០…
ខេត្តកណ្តាល ៖ នគរបាលក្រុងតាខ្មៅដឹកនាំបញ្ជាផ្ទាល់ពីលោកវរសេនីយ៍ទោ យី វណ្ណដា អធិការនគរបាលក្រុងតាខ្មៅ កាលពីវេលាម៉ោង២១និង៣០នាទី ថ្ងៃទី២៨ ខែកុម្ភៈ ឆ្នាំ២០២០ បានឃាត់ខ្លួនជនសង្ស័យម្នាក់ ក្នុងចំណោម២នាក់ ករណីឆក់កាបូបពីស្ត្រីម្នាក់ដែលកំពុងដើរតាមផ្លូវ ។ ហេតុការណ៌នេះបានកើតឡើងនៅចំណុចភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល ។
លោកវរសេនីយ៍ទោ យី វណ្ណដា អធិការនគរបាលក្រុងតាខ្មៅបានប្រាប់អោយដឹងថា ជនរងគ្រោះឈ្មោះ ចេង ស៊ីថុន ភេទស្រី អាយុ៤០ឆ្នាំ មុខរបរលក់ដូរ ។ ចំណែកជនសង្ស័យមានគ្នា២នាក់ គឺឈ្មោះ សេង រិទ្ធា ហៅទូច ភេទប្រុស អាយុ១៨ឆ្នាំ មានទីលំនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ និង ម្នាក់ទៀតគេចខ្លួនមានឈ្មោះ តា ភេទប្រុស អាយុ១៨ឆ្នាំ ។ ចំពោះវត្ថុតាងចាប់យក រួមមានកាបូបយួរដៃពណ៌សូកូឡារូបផ្កាយចំនួនមួយ ជារបស់ជនរងគ្រោះ ។
លោកអធិការបន្តថា នៅពេលជនរងគ្រោះកំពុងដើរយួរកាបូបតាមផ្លូវ ពេលនោះក៏ឃើញជនសង្ស័យ២នាក់ ជិះម៉ូតូ១មួយគ្រឿងម៉ាកហុងដា ឃ្លីច ពណ៌ខ្មៅ ដោយឈ្មោះ តា ជាអ្នកឌុប ។ ចំណែកឈ្មោះសេង រិទ្ធា ហៅទូច អង្គុយខាងក្រោយបានចុះពីលើម៉ូតូធ្វើសកម្មភាពឆក់កាបូបពីដៃជនរងគ្រោះ ហើយក៏រត់ឡើងម៉ូតូ តែត្រូវកម្លាំងអន្តរាគមន៍ក្រុងតាខ្មៅដែលកំពុងល្បាតស្ទាក់ចាប់បាន និងបញ្ជូនមកអធិការដ្ឋាននគរបាលក្រុងតាខ្មៅតែម្តង ។ ជនសង្ស័យបានសារភាពថា ពិតជាបានធ្វើសកម្មភាពឆក់កាបូបលុយរបស់ជនរងគ្រោះប្រាកដមែន ៕
ចែករំលែកព័តមាននេះ