រកស៊ីពុះដីឡូតិ៍លក់… ឈូសដីគេធ្វើផ្លូវចូល… អីក៏ចេះម្ល៉េះ
- សៀមរាប
ខេត្តសៀមរាប ៖ នាថ្ងៃទី២៦ ខែកុម្ភៈ ឆ្នាំ២០២០ អាជ្ញាធរស្រុកអង្គរធំ បានឱ្យដឹងថា ដោយមានការស្នើសុំពីពលរដ្ឋ និងម្ចាស់ដីឡូតិ៍របស់ក្រុមហ៊ុន វ័ន…
ខេត្តសៀមរាប ៖ នាថ្ងៃទី២៦ ខែកុម្ភៈ ឆ្នាំ២០២០ អាជ្ញាធរស្រុកអង្គរធំ បានឱ្យដឹងថា ដោយមានការស្នើសុំពីពលរដ្ឋ និងម្ចាស់ដីឡូតិ៍របស់ក្រុមហ៊ុន វ័ន ឃែស រៀលធី ឯ.ក ថា ម្ចាស់ដីឡូតិ៍ឈ្មោះ ផល និមល បានឈូសឆាយដីរំលោភលើដីរបស់ខ្លួន ដោយគ្មានការអនុញ្ញាតិនោះ ទើបអាជ្ញាធរចម្រុះនៃស្រុកអង្គរធំ បានចុះស្រាវជ្រាវ និងរកដំណោះស្រាយជូនពួកគាត់ផងដែរ។
ប្រភពពីពលរដ្ឋបានឱ្យដឹងថា ស្ត្រីដែលមានឈ្មោះ ផល និមល បាននិយាយប្រាប់ពួកខ្ញុំថា ខ្លួនគេមិនបានពុះដីឡូតិ៍លក់ទេ តែតាមរូបភាពជាក់ស្តែងឃើញថា ស្ត្រីខាងលើនេះពិតជាបានពុះដីឡូតិ៍លក់ មានដាំបង្គោលជាឡូតិ៍ស្រាប់ ព្រមទាំងបានលក់អស់៦០%ទៀត នេះបើតាមការសម្ភាសន៍ពីអ្នកជិតខាង។ ការពុះដីឡូតិ៍របស់ស្ត្រីខាងលើនេះ មិនទាន់ដឹងថា មានច្បាប់អនុញ្ញាតអភិវឌ្ឍន៍ដីឬនៅ? បើតាមច្បាប់អភិវឌ្ឍន៍ដីត្រឹម៥ពាន់ម៉ែត្រការ៉េ សុំត្រឹមស្រុក ៣ម៉ឺនម៉ែត្រការ៉េ សុំដល់ខេត្ត និងលើស៣ម៉ឺនម៉ែត្រការ៉េ ត្រូវសុំដល់ក្រសួង។
ហើយស្ត្រីងម្នាក់នេះហ៊ានឈូសឆាយយកដីប្រជាពលរដ្ឋធ្វើផ្លូវ ដើម្បីប្រយោជន៍ខ្លួនឯងនេះបាន ដោយសារសង្ស័យមានមន្ត្រីអាជ្ញាធរភូមិបាលរងស្រុក ជាអ្នកកាងពីក្រោយដើរគូសផ្លូវផ្តេសផ្តាស់តាមទំនើងចិត្ត ដោយមិនគិតផលប៉ះពាល់ដីពលរដ្ឋ។
បើតាមពលរដ្ឋឈ្មោះ ឈួយ សែន ជាអ្នករស់នៅភូមិពាក់ស្នែងថ្មី ឃុំពាក់ស្នែង ស្រុកអង្គរធំ បានរៀបរាប់ថា ម្ចាស់ដីឡូតិ៍ឈ្មោះ ផល និមល បានឈូសឆាយធ្វើផ្លូវចូលដីរបស់គាត់អស់ដីទំហំ១៥ម៉ែត្រ។ អ្នកស្រីបន្តថា ចាំសុំប្លង់ដីយាយ ខា មើលសិន បើអត់មានជាប់ផ្លូវនោះទេ នឹងត្រូវប្រគល់ឱ្យគាត់វិញ។ តាំងពីមុនមកដីនៅម្តុំនេះ គ្មានផ្លូវនោះទេ។
អ្នកស្រីស្នើឱ្យមន្ត្រីសុរិយោដីស្រុកអង្គរធំ មេត្តាពិនិត្យមើលប្លង់ឱ្យបានច្បាស់លាស់មុននឹងសម្រេកាត់ដីពលរដ្ឋយកមកធ្វើផ្លូវឲ្យម្ចាស់ដីឡូតិ៍ខាងលើ។ ចំណែកស្ត្រី ឈូយ សុទន់ ថ្ងៃនេះ គាត់មកជួបជាមួយអាជ្ញាធរស្រុក ដោយសុំស្នើឱ្យអាជ្ញាធរជួយដោះស្រាយជូនពួកគាត់។ គេឈូសចូលដីពួកគាត់ ហើយសុំតែត្រឹមបង្គោលដីចាស់ទៅតាមប្លង់តែប៉ុណ្ណោះ។ពលរដ្ឋម្នាក់ទៀតបានឱ្យដឹងថា ក្តាត ហូន ដីគាត់នៅចំកណ្តាល ហើយត្រូវម្ចាស់ដីឡូតិ៍ថ្មី បានឈូសចូលដីគាត់ក្នុងបំណងធ្វើផ្លូវ។ ដីរបស់តាំងពីដូនតាមកម្ល៉េះ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ