ក្រុមហ៊ុន OVER UNDER FURNITURE ដាក់តាំងបង្ហាញគ្រឿងសង្ហារឹមដ៏ប្រណីត នាំចូលពីបរទេស
- ភ្នំពេញ
រាជធានីភ្នំពេញ ៖ ក្រុមហ៊ុន OVER UNDER FURNITURE ដែលជាក្រុមហ៊ុនដៃគូជាមួយ ប្រទេសដាណឺម៉ាក បែលហ្ស៊ិក វៀតណាម…
រាជធានីភ្នំពេញ ៖ ក្រុមហ៊ុន OVER UNDER FURNITURE ដែលជាក្រុមហ៊ុនដៃគូជាមួយ ប្រទេសដាណឺម៉ាក បែលហ្ស៊ិក វៀតណាម ក្នុងការលក់ និងចែកចាយគ្រឿងសង្ហារឹមនៅ កម្ពុជានោះ ឥឡូវនេះបានបើកដំណើរការដាក់តាំងបង្ហាញគ្រឿងសង្ហារឹមទាំងនេះហើយ នៅទីតាំងនៅផ្ទះលេខ ១៧ ផ្លូវ ៣១០ សង្កាត់បឹងកេងកង ១ ខណ្ឌចំការមន រាជធានី ភ្នំពេញ ។
ក្រុមហ៊ុន OVER UNDER FURNITURE នេះមានគ្រឿងសង្ហារឹមចំនួនពីរប្រ៊េនដែលល្បីឈ្មោះ មកពីក្រៅប្រទេស ដែលទីមួយឈ្មោះ MUUTO មកពីដាណឺម៉ាក, ប្រ៊េនទីពីរឈ្មោះ District Eight មកពីវៀតណាម និងក្រដាសបិទជញ្ជាំងម៉ាក ARTE ដែលមានគុណភាព ខ្ពស់ផលិតនៅប្រទេសបែលហ្ស៊ិក ។
ពិធីដាក់តាំងបង្ហាញគ្រឿងសង្ហារឹមនេះបានធ្វើឡើងកាលពីថ្ងៃទី២១ ខែកុម្ភៈ ឆ្នាំ ២០២០ កន្លងមក ដោយមានការចូលរួមពីភ្ញៀវកិត្តិយសជាច្រើននាក់ ។ ទន្ទឹមនេះអ្នកស្រី ហ៊ុន ចិន្តា ដែលជាប្រធានក្រុមហ៊ុន OVER UNDER FURNITURE បានឱ្យដឹងថា ក្រុមហ៊ុន OVER UNDER FURNITURE នេះ មិនគ្រាន់តែលក់គ្រឿងសង្ហារឹមប៉ុណ្ណោះទេ តែក៏ជាដំណាងរបស់ ប្រ៊េនខាងលើ ហើយក៏ជាអ្នកផ្តល់សិទ្ធិចែកចាយផ្តាច់មុខនៅក្នុងស្រុកខ្មែរផងដែរ ។
អ្វីដែលធ្វើឱ្យអ្នកចូលរួមចាប់អារម្មណ៍នាឱកាសថ្ងៃបើកដំណើរការតាំងបង្ហាញនេះ គឺពេល ចូលមកដល់ភ្លាមទទួលបាននូវអារម្មណ៍ស្រស់ថ្លា និងភាពកក់ក្តៅក្នុងបរិយាកាសសប្បាយ រីករាយជាមួយនឹងការលេងហ្គេមកម្សាន្ត ការចាប់រង្វាន់ ដែលការសប្បាយរីករាយទាំងនេះ ស្ថិតនៅកន្លែងមួយដែលមានតាំងបង្ហាញគ្រឿងសង្ហារឹមដ៏ប្រណីតៗ ប្រ៊េនដ៏ល្បីៗ និងមាន គុណភាពខ្ពស់ថែមទៀតផង ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ