សៀវភៅ​កំណត់​ត្រា​របស់ Mark Zuckerberg បង្ហាញ​ពី​រឿង​សម្ងាត់​មួយ​របស់ ហ្វេ​ស​ប៊ុ​ក


មុន​ពេល​ដែល​ក្រុមហ៊ុន ហ្វេ​ស​ប៊ុ​ក (Facebook) មាន News Feed អ្នក​ប្រើប្រាាស់​ត្រូវ​ចុច​ចូល​ក្នុង​គណនី​របស់​មិត្ត​ភ​ក្កិ​លើ​ប្រព័ន្ធ​សង្គម​នេះ ដើម្បី​ដឹង​ថា​មិត្ត​ភ​ក្កិ​បាន​ធ្វើ​អ្វី និង​បាន​ចែករំលែក​អ្វី​លើ​ប្រព័ន្ធ​សង្គម​របស់​ពួក​គេ ។ ប៉ុន្តែ​បន្ទាប់​ពី​ក្រុមហ៊ុន​បាន​បង្កើត News Feed កាលពី​ឆ្នាំ ២០០៦ មក អ្នក​អាច​មើលឃើញ​អ្វី​គ្រប់យ៉ាង​ដែល​មិត្ត​របស់​អ្នក​ចែករំលែក​ដោយ​មិន​ចាំបាច់​ចូល​ទៅ​ក្នុង​គណនី​របស់​ពួក​គេ​ឡើយ ។
បន្ទាប់​ពី​នោះ​មក ហ្វេ​ស​ប៊ុ​ក ក៏​ចាប់ផ្តើម​មានការ​ផ្សាយពាណិជ្ជកម្ម​ដែល​យោង​ទៅ​តាម​សកម្មភាព​ដែល​អ្នក​បាន​ធ្វើ​លើ​ប្រព័ន្ធ​សង្គម​នេះ​និង​ធ្វើ​ឲ្យ ហ្វេ​ស​ប៊ុ​ក ក្លាយជា​វិធី​ផ្សាយពាណិជ្ជកម្ម​ដែល​ធំ​ជាងគេ​លើ​ពិភពលោក ។

យោង​ទៅ​តាម​ប្រភព​មួយ​បាន​ឲ្យ​ដឹង​ថា ដើម​កំណើត​របស់ News Feed គឺ​កើត​ចេញពី​គំនិត​របស់​លោក ម៉ាក ហ្សា​ក់​កា​បឺ​ក (Mark Zuckerberg) ដែល​ជានា​យក​ប្រតិបត្តិ​របស់​ក្រុមហ៊ុន ។ លោក​បាន​កត់ត្រា​វា​ក្នុង​សៀវភៅ​កំណត់​ត្រា​របស់​លោក​ពី​ការ​ដែល News Feed អនុញ្ញាត​ឲ្យ​អ្នក​ប្រើប្រាស់​មើលឃើញ​ព័ត៌មាន​ដែល​គួរ​ឲ្យ​ចាប់អារម្មណ៍​សម្រាប់​ពួក​គេ ។

ការ​បង្កើត​ថ្មី​ដែល​កើត​មាន​ឡើង​កាលពី ១៤​ឆ្នាំ​មុន​នេះ​បាន​ធ្វើ​ឲ្យ ហ្វេ​ស​ប៊ុ​ក ក្លាយជា​ប្រព័ន្ធ​សង្គម​ដែល​ស្ទើរតែ​ជោគជ័យ​ជាងគេ​លើ​លោក​ទៅ​ហើយ ។ ប៉ុន្តែ​ពេល​ដែល​វា​ទើបតែ​ចេញ​មក​ដំបូង អ្នក​ប្រើប្រាស់​មិន​បាន​ពេញចិត្ត​នឹង​វា​ទេ​ដោយ​គិត​ថា​វា​អាច​នឹង​បំពាន​ឯកជន​ភាព​របស់​អ្នក​ប្រើប្រាស់ ។ហើយ​វា​ផ្តល់​ជា​មេរៀន​ដ៏​សំខាន់​មួយ​សម្រាប់​អាជីវករ​ដែល​ចង់​ឲ្យ​អាជីវកម្ម​របស់​ខ្លួន​ជោគជ័យ ។

ការ​ដែល​មនុស្ស​ជា​ច្រើន​មិន​ពេញចិត្ត​នឹង News Feed ពេល​ដែល​ទើបតែ​ចេញដំណើរ​ការ​ដំបូង​អាច​រំឭក​ដល់​អាជីវក​រថា ពេល​ខ្លះ​អតិថិជន​របស់​អ្នក​អាច​នឹង​ស្អប់​ការ​ផ្លាស់​ប្តូរ និង​ចាក​ចេញពី​អ្នកផង​ដែរ ។ ប៉ុន្តែ​ទោះជា​អតិថិជន​របស់​អ្នក​មិន​ចូល​ចិត្តការ​ផ្លាស់​ប្តូរ​ក៏​មិន​មាន​ន័យ​ថា​អ្នក​មិន​គួរ​ផ្លាស់​ប្តូរ​ដែរ​ព្រោះ​វា​អាច​ជួយ​ឲ្យ​អាជីវកម្ម​របស់​អ្នក​លូតលាស់​នៅ​ថ្ងៃ​អនាគត ។

អាជីវករ​គួរតែ​មាន​តួនាទី​ក្នុង​ការ​គិត​ឃើញ​ឲ្យ​បាន​ឆ្ងាយ​ជាង​អតិថិជន​របស់​ខ្លួន ទោះជា​វា​អាច​នឹង​មិន​សម​ហេតុ​សម​ផល​សម្រាប់​អតិថិជន​ឬ​មនុស្ស​ជុំវិញ​ខ្លួន​ពិតមែន​ក្តី ៕ កែសម្រួល​ដោយ ៖ សុ​ឃា​ក់

កិច្ចការជំនួញ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:១៩ | ក្នុងស្រុក

មិត្ត​ហ្វូ​ន​មាន​មោទនភាព​ដែល​បាន​ក្លាយ​ជា​ដៃគូ​យុទ្ធសាស្ត្រ​យូរអង្វែង​របស់​​ក្រសួង​អប់រំ យុវជន និង​កីឡា សហ​ការ​លើ «​បច្ចេកវិទ្យា​ព័ត៌មាន​ក្នុង​វិស័យ​​អប់រំ​»

ការស្ទង់មតិគេហទំព័រថ្មី




សូម​អរគុណ