មុខគឺជាកន្លែងដែលសំខាន់ណាស់ចំពោះមនុស្សស្រី បើមុខអ្នកមានបញ្ហា នោះវានឹងអាចបំផ្លាញអនាគតរបស់នារីម្នាក់ ដូចនេះអ្នកត្រូវតែមើលថែមុខអ្នកឲ្យបានល្អ ដោយមិនត្រូវលាបផ្តេសផ្តាសលើមុខអ្នកឡើយ។ តើមានអ្វីខ្លះដែលមិនអាចប៉ះមុខអ្នកបាននោះ?
១-ក្រូចឆ្មារ ៖ នៅក្នុងក្រូចឆ្មារមានជាតិជូរខ្ពស់ណាស់ ហើយមាន pH ស្មើនឹង២ ដូចនេះបើវាប៉ះនឹងមុខអ្នកផ្ទាល់ វានឹងអាចបំផ្លាញស្បែកមុខអ្នកយ៉ាងងាយបំផុត។
២-ស្ករ ៖ អ្នកទាំងអស់គ្នាសុទ្ធតែធ្លាប់ដឹងមកហើយថា នៅពេលដែលអ្នកស្រូបយកជាតិស្ករច្រើន វានឹងធ្វើឲ្យស្បែកអ្នកមានសម្ពាធ ដូចនេះបើអ្នកយកវាមកលាបលើមុខអ្នក វានឹងធ្វើឲ្យស្បែកមុខអ្នកកាន់តែស្តើងទៅៗ។
៣-អាកុល ៖ ប្រសិនជាអ្នកប្រើផលិតផលដែលមានជាតិអាកុលមកលាបលើមុខអ្នក នោះវានឹងធ្វើឲ្យមុខអ្នកមានអាការៈកាន់តែស្ងួត ថែមទាំងអាចធ្វើឲ្យរន្ធញើសអ្នកមានសម្ពាធទៀតផង ដូចនេះនៅពេលដែលអ្នកទិញ អ្នកត្រូវតែពិនិត្យមើលឲ្យបានច្បាស់ ទើបមិនអាចបំផ្លាញស្បែកអ្នកបាន។
៤-ថ្នាំដុសធ្មេញ ៖ ថ្វីត្បិតតែថ្នាំដុសធ្មេញអាចធ្វើឲ្យធ្មេញអ្នកស ប៉ុន្តែអ្នកមិនអាចប្រើវាលើមុខអ្នកឡើយ ព្រោះវាអាចធ្វើឲ្យមុខអ្នកមានមុន ថែមទាំងអាចធ្វើឲ្យស្បែកអ្នករបួស ជាហេតុដែលអាចបន្សល់ទុកស្នាមលើមុខអ្នក ដែលពិបាកក្នុងការបំបាត់ស្នាមទាំងនោះណាស់។
៥-ទឹកក្តៅ ៖ នៅពេលដែលអ្នកប្រើទឹកក្តៅមកលុបមុខ នោះវាកំពុងតែប៊ឺតយកជាតិទឹកពីស្បែកមុខអ្នកហើយ ដែលអាចធ្វើឲ្យមុខអ្នកមានអាការៈស្ងួតបាន។ ដូចនេះអ្នកដែលមានស្បែកឆាប់ឡើងខ្លាញ់ និងកើតមុន អ្នកគួរតែចៀងវាងប្រើទឹកក្តៅដើម្បីលុបមុខ អ្នកគួរតែប្រើទឹកក្តៅអ៊ុនៗទើបល្អ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ