ការធ្វើឱ្យធ្មេញពណ៌សស្អាតគឺជាកិច្ចការមួយដែលទន្តពេទ្យអាចជួយបាន ប៉ុន្តែជម្រើសនេះទាមទារឱ្យមានការចាយប្រាក់អស់ច្រើន ។ ទោះជាយ៉ាងណា គេអាចជ្រើសរើសជម្រើសមួយផ្សេងទៀតដែលមិនចាំបាច់ចំណាយប្រាក់ច្រើននោះគឺវីធីសម្អាតតាមធម្មជាតិ៤យ៉ាង ៖
ការធ្វើឱ្យធ្មេញពណ៌សស្អាតគឺជាកិច្ចការមួយដែលទន្តពេទ្យអាចជួយបាន ប៉ុន្តែជម្រើសនេះទាមទារឱ្យមានការចាយប្រាក់អស់ច្រើន ។ ទោះជាយ៉ាងណា គេអាចជ្រើសរើសជម្រើសមួយផ្សេងទៀតដែលមិនចាំបាច់ចំណាយប្រាក់ច្រើននោះគឺវីធីសម្អាតតាមធម្មជាតិ៤យ៉ាង ៖
១- សម្បកចេកទុំ ៖
ចេកត្រូវបានគេចាត់ទុកជាផ្លែឈើមួយប្រភេទដែលផ្តល់អត្ថប្រយោជន៍ចំពោះសុខភាពរាប់ចាប់ពីសាច់ដល់សម្បក ។ នេះក៏ព្រោះ វាផ្ទុកទៅដោយសារធាតុចិញ្ចឹមច្រើនមុខ ។ យោងតាម អ្នកជំនាញ សម្បកចេកអាចយកមកប្រើដើម្បីធ្វើឱ្យធ្មេញសបាន ។ វិធីប្រើគឺត្រូវយកវាទៅដុសខាត់លើធ្មេញប្រហែលពី១-២នាទី ២ដងក្នុងមួយថ្ងៃ ។ សារធាតុរ៉ែក្នុងសម្បកចេកមានដូចជា ប៉ូតាស្យូម ម៉ង់កាណែស និងម៉ាញេស្យូមនឹងជួយឱ្យធ្មេញមានពណ៌សស្អាត ។ សូមបញ្ជាក់ថា សម្បកក្រូចពោធិ៍សាត់ក៏មានប្រសិទ្ធភាពដូចគ្នានេះ
ដែរ ។
២- ផ្លែស្ត្របឺរី ៖
ចូរយកស្ត្របឺរី១-២ផ្លែ រួចកិនឱ្យម៉ដ្ឋ ហើយយកជូតលើធ្មេញទុកចោល២-៣នាទី ។ បន្ទាប់មកខ្ពុរមាត់ជាមួយទឹកធម្មតាឬដុសសម្អាតដោយច្រាស់ ។ ស្ត្របឺរីសម្បូរទៅដោយម៉ាលិចអាស៊ីតដែលជួួយឱ្យធ្មេញពណ៌ស ។ សារធាតុសរសៃជួយកម្ចាត់បាក់តេរីចេញពីមាត់និងធ្មេញ ។
៣- មើមការ៉ុត ៖
ការ៉ុតឆៅមានប្រសិទ្ធភាពជួយសម្អាតកំណកកំបោរចេញពីធ្មេញ ធ្វើឱ្យធ្មេញសស្អាតដូចធម្មជាតិ ។ ចូរលាងទឹកឱ្យស្អាតរួចទទួលទានទាំងឆៅ ។ វិធីមួយទៀត គឺគេអាចយកវាទៅដុសលើធ្មេញ ។
៤- បញ្ឈប់ការជក់បារី ៖
បោះបង់ចោលការជក់បារីមិនត្រឹមតែជួយឱ្យធ្មេញសប៉ុណ្ណោះទេ ប៉ុន្តែថែមទាំងធ្វើឱ្យល្អប្រសើរដល់សុខភាពជាទូទៅទៀតផង ។
៥- ចូរប្រើបំពង់បឺតនៅពេលទទួលទានភេសជ្ជៈក្តៅឬត្រជាក់ខ្លាំង ៖
ការទទួលទានភេសជ្ជៈក្តៅឬត្រជាក់ខ្លាំងដោយផ្ទាល់មាត់ពិតជាមិនល្អសម្រាប់សុខភាពធ្មេញ ។ ផ្ទុយមកវិញការទទួលទានតាមរយៈបំពង់បឺតតូចៗគឺអាចកាត់បន្ថយការប៉ះពាល់ដោយផ្ទាល់លើទៅលើធ្មេញពីសំណាក់ភេសជ្ជៈក្តៅឬត្រជាក់ខ្លាំង ៕
ចែករំលែកព័តមាននេះ