ខេត្តមណ្ឌលគិរី ៖ សមត្ថកិច្ចស្រុកកែវសីមាឱ្យដឹងថា ប្រជាពលរដ្ឋពលរដ្ឋបានដើរប្រទះបុរសម្នាក់បាត់បង់ជីវិតនៅក្នុងចំការស្វាយចន្ទីមួយកន្លែង នៅវេលាម៉ោង០៧ និង១៥នាទីព្រឹកថ្ងៃទី១១ កុម្ភៈ នេះ ស្ថិតនៅភូមិអូរអាម ឃំុស្រែខ្ទុម…
ខេត្តមណ្ឌលគិរី ៖ សមត្ថកិច្ចស្រុកកែវសីមាឱ្យដឹងថា ប្រជាពលរដ្ឋពលរដ្ឋបានដើរប្រទះបុរសម្នាក់បាត់បង់ជីវិតនៅក្នុងចំការស្វាយចន្ទីមួយកន្លែង នៅវេលាម៉ោង០៧ និង១៥នាទីព្រឹកថ្ងៃទី១១ កុម្ភៈ នេះ ស្ថិតនៅភូមិអូរអាម ឃំុស្រែខ្ទុម ស្រុកែវសីមា ខេត្តមណ្ឌលគិរី ។
សេចក្តីរាយការណ៍ឱ្យដឹងថា ជនរងគ្រោះខាងលើ ត្រូវបានស្គាល់ឈ្មោះ ខាវ បាវ ភេទប្រុស អាយុ៤២ឆ្នាំ ជាជនជាតិស្ទៀង និងជាបុរសពោះម៉ាយ មានស្រុកកំណើតភូមិអូរអាម ឃំុស្រែខ្ទុម ស្រុកកែវសីមា ខេត្ត មណ្ឌលគិរី។
យោងតាមការស្រាវជ្រាវនិងឆ្លើយបំភ្លឺពីសាច់ញាតិនិងនាក់ជិតខាងបានចង្អុលបង្ហាញដល់សមត្ថកិច្ចថា គាត់ពិតជាបុរសពោះម៉ាយ ។ ហើយកាលនៅរស់ គាត់ជាមនុស្សផឹកស្រាស្រវឹងរាល់ថ្ងៃ មិនដែលពិសារបាយនោះទេ ។
មុនពេលគាត់បាត់បង់ជីវិតនេះ គេបានឃើញគាត់អង្គុយផឹកតែស្រាម្នាក់ឯងពេលយប់ នៅម៉ោងប្រហែលជាម៉ោង០៩ ថ្ងៃទី១០ កុម្ភៈ ។ លុះព្រឹកឡើង នៅប្រហែលជាម៉ោ០៧និង៤៨នាទី ព្រឹកថ្ងៃទី១១ កុម្ភៈ គេមិនឃើញគាត់ក្រោកដូចរាល់ដងទេ ក៏មានអ្នកជិតខាងទៅដាស់ ទើបដឹងថា គាត់ដាច់ខ្យល់បាត់ទៅហើយ ។
ក្រោយពីកម្លាំងជំនាញពិនិត្យ និងធ្វើកោសល្យវិច័យលើសាកសព ពុំមានឃើញស្លាកស្នាមអ្វីគួរឱ្យកត់សម្គាល់ទេ កម្លាំងជំនាញក៏បានប្រគល់សពទៅឱ្យសាច់ញាតិធ្វើបុណ្យតាមប្រពៃណី ។
ចែករំលែកព័តមាននេះ