រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា កម្ពុជានឹងចុះត្រជាក់ដល់១៧អង្សាសេចាប់ពីថ្ងៃ០៤ ខែកុម្ភៈ ដល់ថ្ងៃទី១០ កុម្ភៈនេះ ។ យោងតាមសេចក្តីជូនដំណឹងរបស់ក្រសួងធនធានទឹកស្តីពី…
រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា កម្ពុជានឹងចុះត្រជាក់ដល់១៧អង្សាសេចាប់ពីថ្ងៃ០៤ ខែកុម្ភៈ ដល់ថ្ងៃទី១០ កុម្ភៈនេះ ។ យោងតាមសេចក្តីជូនដំណឹងរបស់ក្រសួងធនធានទឹកស្តីពី ស្ថានភាពធាតុអាកាសបានឲ្យដឹងថា តាមរយៈការតាមដានស្ថានភាពអាកាសធាតុសង្កេតឃើញថា ចាប់ពី០៤ ដល់ថ្ងៃទី១០ ខែកុម្ភៈ ជ្រលងសម្ពាធខ្ពស់រំកិលគ្របដណ្តប់លើកម្ពុជា ។
ក្រសួងបានបន្តថា ស្ថានភាពធ្វើឲ្យ ១- តំបន់ជួរភ្នំ និងខ្ពង់រាប នៅថ្ងៃ៤-៨ ខែកុម្ភៈ ធាតុអាកាសត្រជាក់សីតុណ្ហភាពមាន១៧-២១°C និងសីតុណ្ហភាព អប្បរមាមាន២៩-៣២°C ។ ២- តំបន់វាលទំនាបកណ្តាលមានសីតុណ្ហភាពមាន២០-២៣ °C និងសីតុណ្ហភាពអតិបរមាមាន៣១-៣៣°c ។ ៣-តំបន់មាត់សមុទ្រ មានសីតុណ្ហភាពអប្បរមា២២-២៤°C និងសីតុណ្ហភាពអតិបរមាមាន៣១-៣៣ °C ។
ក្រសួងបន្តថា នៅថ្ងៃទី៩-១០ ខែកុម្ភៈ ផ្នែកមួយចំនួននៃបណ្តាខេត្តនៅតំបន់វាលទំនាបភាគខាងក្រោម និងខេត្តនៅតំបន់មាត់សមុទ្រនឹងអាចមានភ្លៀងក្នុងកម្រិតខ្សោយទៅមធ្យម ៕ កែសម្រួលដោយ ៖ សុឃាក់
ចែករំលែកព័តមាននេះ