ព្រលឹងដូនតារបស់យើងប្រកាន់ខ្លាំងណាស់ ជាពិសេសគឺការប្រព្រឹត្តខុសប្រពៃណី បើកូនចៅណាប្រព្រឹត្តកន្លងសីលធម៌បវេណី ព្រលឹងដូនតានឹងមិនឱ្យសាមីជននោះបានសុខឡើយ ដោយបង្កហេតុអាក្រក់ៗសព្វបែបយ៉ាងដូចជា តាមកាច់, បង្កឱ្យមានជំងឺដង្កាត់, ជូបគ្រោះថ្នាក់ផ្សេងៗ, រកស៊ីយ៉ាងណាក៏នៅតែក្ររហាម, កើតជម្លោះជាដើម…
ព្រលឹងដូនតារបស់យើងប្រកាន់ខ្លាំងណាស់ ជាពិសេសគឺការប្រព្រឹត្តខុសប្រពៃណី បើកូនចៅណាប្រព្រឹត្តកន្លងសីលធម៌បវេណី ព្រលឹងដូនតានឹងមិនឱ្យសាមីជននោះបានសុខឡើយ ដោយបង្កហេតុអាក្រក់ៗសព្វបែបយ៉ាងដូចជា តាមកាច់, បង្កឱ្យមានជំងឺដង្កាត់, ជូបគ្រោះថ្នាក់ផ្សេងៗ, រកស៊ីយ៉ាងណាក៏នៅតែក្ររហាម, កើតជម្លោះជាដើម ។
ហេតុនេះហើយបានជាខ្មែរយើងនៅតែជឿ នៅតែគោរពព្រលឹងដូនតារហូតមក ។ ខាងក្រោមនេះជាកំហុសដែលដូនតាប្រកាន់ជាងគេគឺ ៖
១-ខុសមេបាចាស់ទុំ: ការខុសដោយសារកូនចៅទាស់ទែងគ្នារហូតដល់ការតមមាត់តមកឈប់និយាយរកគ្នា ធ្វើឱ្យព្រលឹងដូនតាខឹងសម្បានឹងបង្កឱ្យកូនចៅរស់នៅគ្មានសេចក្ដីសុខឡើយ ។
២-ខុសមេបាក្រមុំកំលោះ ការខុសដោយសារក្រមុំកំលោះដែលបំពានលើសីលធម៌ប្រពៃណីមេបា ហ៊ានប្រព្រឹត្តលូចលាក់ទាក់ទងរួមសង្វាសជាមួយគ្នាមិនឱ្យម្ដាយឪពុកដឹងលឺ គឺជាកំហុសធំ ។
៣-ខុសមេបាផ្កាប់មុខ ការខុសដោយសារតែមានអំពើផិតក្បត់រវាងប្ដីប្រពន្ធ ធ្វើឱ្យព្រលឹងមេបាខឹងខ្លាំង ។
កំហុសទាំងបីនេះចាត់ថាជាកំហុសធំ ជនណាហ៊ានប្រព្រឹត្តបំពាន ជននោះនឹងរស់នៅមិនបានសុខសុភមង្គលឡើយ ព្រោះកំហឹងព្រលឹងដូនតាតាមកាច់ ។ សាន សារិន
ចែករំលែកព័តមាននេះ