រាជធានីភ្នំពេញ ៖ លោកអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានណែនាំឲ្យរោងចក្រសហគ្រាស គ្រឹះស្ថានអនុវត្តវិធានការ បង្ការរលាកទងសួតដោយវីរុស កូរ៉ូណាថ្មី (2019-nCoV)…
រាជធានីភ្នំពេញ ៖ លោកអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានណែនាំឲ្យរោងចក្រសហគ្រាស គ្រឹះស្ថានអនុវត្តវិធានការ បង្ការរលាកទងសួតដោយវីរុស កូរ៉ូណាថ្មី (2019-nCoV) ។ លោករដ្ឋមន្ត្រីបានសេចក្តីណែនាំនៅថ្ងៃទី២៨ មករា ឆ្នាំ២០២០ថា ក្នុងគោលបំណង ដើម្បីចូលរួមចំណែកក្នុងការបង្ការ និងទប់ស្កាត់វីរុសកូរ៉ូណាថ្មី (2019-Cov) ក្រសួងការងារ និងបណ្តុះបណ្តាលវិជ្ជាជីវៈ សូមធ្វើការណែនាំដល់ម្ចាស់ ឬនាយករោងចក្រ សហគ្រាស គ្រឹះស្ថាន និងកម្មករនិយោជិតទាំងអស់ត្រូវអនុវត្តនូវវិធានការដូចខាងក្រោម ៖
១. និយោជិក កម្មករនិយោជិត ដែលធ្វើដំណើរមកពីតំបន់ដែលមានការរាតត្បាតនៃវីរុសកូរ៉ូណាថ្មី (2019-CoV) និងមានប្រវត្តិធ្វើដំណើរពីប្រទេសចិនដែលមានរោគសញ្ញាមួយចំនួនដូចជា ការឡើងកំដៅខ្លួនចាប់ពី ៣៨អង្សាសេ ក្អក ហៀរសំបោរ ឈឺបំពង់ក ដង្ហើមខ្លី ឬពិបាកដកដង្ហើម ត្រូវធ្វើការត្រួតពិនិត្យ និងតាមដានក្នុងរយៈពេល១៤ថ្ងៃ នៅតាមសេវាសុខាភិបាលដែលនៅជិត ឬទូរស័ព្ទមកលេខ១១៥ ។ ២. ប្រសិនបើមាននិយោជក កម្មករ និយោជិត ដែលមានអាការដូចជា គ្រុនក្តៅ ក្អក កណ្តាស់ ផ្តាសាយ ហៀរសំបោរ ឬឈឺបំពង់ក ត្រូវបញ្ជូនទៅរកសេវាព្យាបាលឱ្យបានទាន់ពេលវេលា ឬទូរស័ព្ទមកលេខ១១៥ ។
៣. ត្រូវដាស់តឿន និងរំលឹកជាប្រចាំដល់កម្មករនិយោជិតឲ្យពាក់ម៉ាស់ការពារទាំងក្នុង និងក្រៅកន្លែងធ្វើការ ដូចជា ប្រភេទ ៖ ម៉ាស់វេជ្ជសាស្ត្រ (Medical Mask) ៤. ចៀសវាងប៉ះពាល់អ្នកមានជំងឺផ្លូវដង្ហើមស្រួចស្រាល់ ដែលមានអាការដូចជា គ្រុនក្តៅ ក្អក និងកណ្តាស់ ឬផ្តាសាយ និងត្រូវរក្សាចមួយច្រើនជាងមួយម៉ែត្រពីបុគ្គលដែលមានរោគសញ្ញាទាំងនេះ ។ ៥. ចៀសវាងការប៉ះពាល់ភ្នែក ច្រមុះ មាត់ បន្ទាប់ពីប៉ះពាល់សត្វ និងផលិតផលសត្វ សត្វឈឺសាច់ខូចគុណភាព កាកសំណល់សត្វ ទឹកសរីរៈសត្វ និងវត្ថុប្រើប្រាស់ក្នុងផ្សារ ឬវត្ថុប្រើប្រាស់ផ្សេងៗរបស់អ្នកជំងឺផ្លូវដង្ហើម ។
៦.ត្រូវជៀសវាងការខាកស្តោះ ក្នុងកន្លែងធ្វើការ ទីធ្លាសាធារដ្ឋគ្រាស គ្រឹះស្ថាន និងទីសារធរណៈ ។ ៧.ចផសវាងការប៉ះពាល់ភ្នែក ច្រមុះ មាត់ បន្ទាប់ពីប៉ះពាល់សត្វ និងផលិតផលសត្វ សត្វឈឺ សាច់ខូចគុណភាព កាកសំណល់ សត្វ ទឺកសរីរះសត្វ និងវត្ថុប្រើប្រាស់ក្នុងផ្សារ ឬវត្ថុប្រើប្រាស់ផ្សេងៗរបស់អ្នកជំងឺផ្លូវដង្ហើម ។ ៨. ត្រូវលាងដៃឱ្យបានទៀងទាត់ និងញឹកញាប់ជាមួយសាប៊ូ និងទឹកស្អាត ឬទឹកអាល់កុល បន្ទាប់ពីប៉ះពាល់ផ្ទាល់ជាមួយអ្នកមានអាការដូចជា គ្រុនក្តៅ ក្អក និងកណ្តាស់ ឬផ្តាសាយ ឬវត្ថុផ្សេងៗ ដែលអាចជាប្រភពមេរោគ ឬនៅពេលឃើញដៃកខ្វក់ ឬប្រឡាក់ ឬក្រោយពីប៉ះពាល់សត្វ និងត្រូវលាងសម្អាតដៃភ្លាមជាមួយសាប៊ូ និងទឹកស្អាត ឬទឹកអាល់កុល ក្រោយពីភ្លុក ឬកណ្តាស់ ។ ត្រូវលាងដៃបន្ទាប់ពីមានប៉ះជាមួយសំបោរ ឬទឹករំអិលពីផ្លូវដកដង្ហើម ។
៩. ប្រកាន់ខ្ជាប់នូវការអនុវត្តអនាម័យស្អាតសុវត្ថិភាពចំណីអាហារ ដោយបរិភោគអាហារដែលឆ្អិនល្អ ពិសេសសាច់ និងស៊ុត ។ ចំពោះអ្នកចម្អិនអាហារត្រូវប្រើប្រាស់ជ្រួញ និងកាំបិតផ្សេងគ្នា សម្រាប់អាហារឆៅ និងអាហារឆ្អិន និងលាងដៃនៅចន្លោះពេលចាប់កាន់អាហារឆៅ និងអាហារឆ្អិន ។ ១០. អ្នកមានអាការក្អក ឬកណ្ដាស់ ត្រូវខ្ទប់មាត់ និងច្រមុះ ដោយប្រើកន្សែង ក្រមា ក្រដាស ឬ យ៉ាងហោចណាស់ ត្រូវប្រើគន្លាក់កែងដៃជំនួសបាតដៃ ។ ១១. ត្រូវបន្តអប់រំ និងផ្សព្វផ្សាយដល់កម្មករនិយោជិតអំពីវិធានបង្ការការពារ និងសារអប់រំសុខភាពស្តីពីការពារជំងឺរលាកសួតដោយវីរុសកូរ៉ូណាថ្មី ដែលចេញដោយក្រសួងសុខាភិបាល ឬរៀងរាល់ពេលដែលក្រសួងសុខាភិបាលចេញសេចក្តីណែនាំថ្មីអំពីវិធានបង្ការការពារ និងទប់ស្កាត់ ។
ជាមួយគ្នានោះដែរក្រសួងការងារ និងបណ្តុះបណ្តាលវិជ្ជាជីវៈមានក្តីសង្ឃឹមយ៉ាងមុតមាំថា ម្ចាស់ ឬនាយករោងចក្រ សហគ្រាស គ្រឹះស្ថាន និងកម្មករនិយោជិតទាំងអស់នឹងអនុវត្តតាមខ្លឹមសារសេចក្តីណែនាំនេះអោយបានត្រឹមត្រូវ និងមានប្រសិទ្ធភាពខ្ពស់ ៕ កែសម្រួលដោយ ៖សុឃាក់
ចែករំលែកព័តមាននេះ