ការកំណត់តំបន់អភិរក្សទួលប្រវត្តិ សាស្ត្រហៅ «អង្ករនាងខ្មៅ»

ថ្ងៃទី ២២ ខែ មករា ឆ្នាំ ២០២០
ម៉ោង ១៦:៣៣
រ៉ូ សាលី

ខេត្តស្ទឹងត្រែង ៖ នាយកដ្ឋានបុរាណវិទ្យានិងបុរេប្រវត្តិនៃក្រសួងវប្បធម៌វិចិត្រសិល្បៈ បានចាប់ផ្តើមរៀប
ចំអភិរក្សទួលប្រវត្តិសាស្ត្រ អង្ករខ្មៅ ស្ថិតនៅស្រុកថាឡាបរិវ៉ាត់ ខេត្តស្ទឹងត្រែង ដើម្បីទុកឱ្យអាជ្ញាធពាក់
ព័ន្ធបន្តអភិវឌ្ឍន៍តំបន់នេះបន្ថែមឱ្យក្លាយទៅជារមណីយដ្ឋានបែបវប្បធម៌ ។ ក្នុងសកម្មភាពចុះកំណត់តំបន់អភិរក្សទួលប្រវត្តិអង្ករខ្មៅ នៅភូមិកាំងតេជោ ឃុំថាឡាស្រុកថាឡាបរិវ៉ាត់ខេត្តស្ទឹងត្រែង កាលពីថ្ងៃទី២១ មករា ២០២០ ។

លោក រឿន រិទ្ធី ប្រធាននាយកដ្ឋានបុរាណវិទ្យា និងបុរេប្រវត្តិនៃក្រសួងវប្បធម៌ និងវិចិត្រសិល្បៈ បានបញ្ជាក់ថា នេះជាទីទួលដែលបន្សល់ទុកនូវគ្រាប់សំណាកអង្ករខ្មៅ (ហៅថា អង្ករនាងខ្មៅ) ដែលជាមរតក មុនសម័យអង្គរ។ លោកថា កេរដំណែលមានសារសំខាន់នេះ ក្រសួងវប្បធ៌ម និងអាជ្ញាធរពាក់ពន្ធ័សម្រេចកំណត់ព្រំព័ទ្ធជំុវិញមានបរិមាណ៥០ម៉ែត្របួនជ្រុង ជាតំបន់អភិរក្ស សម្បត្តិវប្បធ៌ នេះ កុំឱ្យមានការបាត់បង់តទៅទៀត ។

ស្រី្ត រី ចន្ថា រស់នៅភូមិកាំងតេជោ ឃុំថាឡា ស្រុកថាឡាបរិវ៉ាត់ បានបញ្ជាក់ថា ដំបូងឡើយ គាត់មករស់នៅទីនេះ ពិតជាមិនបានដឹងថា មានអង្កខ្មៅនៅសល់តាំងពីសម័យដើមនោះទេ។ស្រី្តរូបនេះបន្តថា នៅប៉ុន្មានឆ្នាំចុងក្រោយនេះ មានក្រុមការងារមកពិនិត្យជាក់ស្តែងទីតាំងនេះហើយសុំអោយពួកគាត់បរិច្ចាគដីនេះវិញដើម្បីអភិរក្សបន្ត។ គាត់ក៏បានគាំទ្រ ចំពោះគំនិតផ្តួចផ្តើមនេះ តែក៏ត្រូវដោះស្រាយគោលនយោបាយយ៉ាងណាសមស្របមួយ ដែលការរស់នៅរបស់ប្រជាពលរដ្ឋ ជាអ្នកថែរក្សាកន្លងមកនោះដែរ។

លោក រឿន រិទ្ធី ប្រធាននាយកដ្ឋានបុរាណវិទ្យានិងបុរេប្រវត្តិនៃក្រសួងវប្បធម៌និងវិចិត្រសិល្បៈបា បញ្ជាក់ថា ការរៀបចំអភិរក្ស នូវសម្បត្តិវប្បធម៌នេះឡើងវិញ ពិតជាមានតម្លៃសម្រាប់សង្គមជាតិគឺកូនចៅជំនាន់ក្រាយ ភ្ញៀវទេសចរជាតិ និងអន្តរជាតិបានមកឃើញ និងបានស្គាល់ពីមរតកខ្មែរដើមផងដែរ។