អាជ្ញាធរហាមឃាត់សំណង់ សណ្ឋាគារដែលធ្វើបណ្តើរ រត់ការសុំច្បាប់បណ្តើរ
- ព្រះសីហនុ
ខេត្តព្រះសីហនុ ៖ ទីតាំងការដ្ឋានសំណង់ចិនមួយកន្លែង ស្ថិតនៅតាមវិថីឯករាជ្យ ក្នុងភូមិ៣ សង្កាត់លេខ៤ ក្រុងព្រះសីហនុ នាព្រឹកថ្ងៃទី៩ ខែមករា ឆ្នាំ២០២០…
ខេត្តព្រះសីហនុ ៖ ទីតាំងការដ្ឋានសំណង់ចិនមួយកន្លែង ស្ថិតនៅតាមវិថីឯករាជ្យ ក្នុងភូមិ៣ សង្កាត់លេខ៤ ក្រុងព្រះសីហនុ នាព្រឹកថ្ងៃទី៩ ខែមករា ឆ្នាំ២០២០…
ខេត្តព្រះសីហនុ ៖ ទីតាំងការដ្ឋានសំណង់ចិនមួយកន្លែង ស្ថិតនៅតាមវិថីឯករាជ្យ ក្នុងភូមិ៣ សង្កាត់លេខ៤ ក្រុងព្រះសីហនុ នាព្រឹកថ្ងៃទី៩ ខែមករា ឆ្នាំ២០២០ បានត្រូវក្រុមការងារចម្រុះដឹកនាំដោយលោក លី ចិត្តនិយម ប្រធានការិយាល័យអភិឌ្ឍន៍នៃសាលាខេត្ត ចុះទៅហាម ឃាត់ការសាងសង់ជាបណ្តោះអាសន្ន ។
ការចុះទៅហាមឃាត់នេះ គឺបន្ទាប់ពីពិនិត្យឃើញថា ការដ្ឋានមួយនេះពុំទាន់មានច្បាប់សាងសង់គ្រប់គ្រាន់ ហើយបានធ្វើឱ្យផ្ទះក្បែរនោះចំនួន៣ខ្នងរងការខូចខាតជាអន្លើៗផងដែរ ដោយសារការសាងសង់ញ័ររញ្ជួយធ្វើឱ្យប្រេះស្រាំ ។
ជុំវិញការហាមឃាត់ការដ្ឋានសំណង់ជនជាតិចិនជាបណ្តោះអាសន្ននេះ ត្រូវបានលោក ជួបសីហា ប្រធានការិយាល័យសំណង់ក្រុងព្រះសីហនុ គូសបញ្ជាក់ថា បន្ទាប់ពីទទួលព័ត៌មានតាមបណ្តឹងរបស់បងប្អូនប្រជាពលរដ្ឋចំនួន៣ផ្ទះខាងលើ ក្រុមការងារចម្រុះដែលដឹកនាំដោយលោក លី ចិត្តនិយម ដោយមានកិច្ចសហការជាមន្ត្រីពាក់ព័ន្ធជាច្រើនរូប បានចុះទៅដល់ទីតាំងទំនាស់និងពិនិត្យជាក់ស្តែងដើម្បីស្វែងរកដំណោះស្រាយ។
ក្រោយពីពិនិត្យរួចរាល់ សមត្ថកិច្ចចម្រុះបានមើលឃើញថា ការដ្ឋានសំណង់សណ្ឋាគារតាហ៊័រមានទីតាំងនៅចំណុចខាងលើ ដែលបានសាងសង់រួចរាល់ចំនួន៣ជាន់ក្នុងចំណោម១២ជាន់នោះ ពុំទាន់មានច្បាប់គ្រប់គ្រាន់ក្នុងការសាងសង់នៅឡើយទេ ។
ជាមួយនេះ បានយកចំណីផ្លូវសាធារណៈដាក់សម្ភាររបស់ក្រុមហ៊ុន ព្រមទាំងធ្វើឱ្យមានការប្រេះស្រាំផ្ទះប្រជាពលរដ្ឋចំនួន៣គ្រួសារផងដែរ ។ ហេតុនេះហើយ ទើបក្រុមការងារចម្រុះសម្រេចផ្អាកការសាងសង់ជាបណ្តោះអាសន្ន រង់ចាំការដោះស្រាយវិវាទបានបញ្ចប់ និងមានច្បាប់អនុញ្ញាតឱ្យបានត្រឹមត្រូវជាមុនសិន ដោយអនុវត្តតាមច្បាប់សំណង់ ។
ជុំវិញបញ្ហាខាងលើនេះ អ្នកគ្រប់គ្រងការដ្ឋានសំណង់ជាជនជាតិចិន បានអះអាងថា ច្បាប់សាងសង់របស់ការដ្ឋាននេះកំពុងតែរត់ការ ប៉ុន្តែពួកគាត់ពុំដឹងថាឯកសាច្បាប់រត់ដល់ណាហើយទេ គឺអត់ដឹងទេ៕
ចែករំលែកព័តមាននេះ