រាជធានីភ្នំពេញ ៖ សាលារាជធានីភ្នំពេញបានបើកការដ្ឋានជូសជុលកែលំអ និងពង្រីកផ្លូវ ជាយក្រុង១ខ្សែទៀត គឺផ្លូវព្រៃស សំរាប់តភ្ជាប់ពីផ្លូវចំការដូងទៅផ្លូវជាតិលេខ៣ ដើម្បីបញ្ជៀសចរាចរនៅកណ្តាលក្រុង។ ផ្លូវព្រៃសនេះ ស្ថិតក្នុងសង្កាត់ព្រៃស និងសង្កាត់ដង្កោ ខណ្ឌដង្កោ។
រាជធានីភ្នំពេញ ៖ សាលារាជធានីភ្នំពេញបានបើកការដ្ឋានជូសជុលកែលំអ និងពង្រីកផ្លូវ ជាយក្រុង១ខ្សែទៀត គឺផ្លូវព្រៃស សំរាប់តភ្ជាប់ពីផ្លូវចំការដូងទៅផ្លូវជាតិលេខ៣ ដើម្បីបញ្ជៀសចរាចរនៅកណ្តាលក្រុង។ ផ្លូវព្រៃសនេះ ស្ថិតក្នុងសង្កាត់ព្រៃស និងសង្កាត់ដង្កោ ខណ្ឌដង្កោ។
ពិធីបើកការដ្ឋានបានធ្វើឡើងកាលពីព្រឹក ថ្ងៃទី២៤ កក្កដា ២០១៤ ក្រោមអធិបតីភាពលោកប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ ដោយមានការចូលរួមពីមន្ត្រីរាជការក្រោមឱវាតសាលារាជធានីភ្នំពេញ និងប្រជាពលរដ្ឋយ៉ាងច្រើនកុះករ ។
លោកសាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ ឲ្យដឹងថា ផ្លូវព្រៃសដែលត្រូវស្ថាបនា និងពង្រីកនាពេលនេះ មានប្រវែង៥.០០០ម៉ែត្រចាប់ពីកែងផ្លូវចំការដូង ដល់មុខវត្តអង្គមេត្រីដែលត្រូវជូសជុលក្នុងជំហានទី១ លើប្រវែងសរុបទាំងអស់ជាង១១គីឡូម៉ែត្រ តភ្ជាប់ពីផ្លូវចំការដូងដល់ផ្លូវជាតិលេខ៣ត្រង់ចំណុចមុខវត្តស្លែងប្រសព្វនឹងផ្លូវជាតិលេខ២ ។
ផ្លូវព្រៃសនេះ ធ្លាប់បើកការដ្ឋានស្ថាបនាម្តងរួចមកហើយកាល ពីឆ្នាំ២០០៥ ជាប្រភេទផ្លូវកៅស៊ូ DBST ដោយសារផ្លូវនេះមានការខូចខាតច្រើន និងលំបាកក្នុងការធ្វើដំណើររបស់ប្រជាពលរដ្ឋ ទើប សាលារាជធានីភ្នំពេញបានសំរេចប្តូរពីផ្លូវកៅស៊ូ មកជាផ្លូវបេតុងឆ្អឹងដែកវិញ ដែលអាចធានាគុណភាពបានល្អ និងយូរអង្វែង ព្រមទាំងបានពង្រីកទទឹងឲ្យបាន១១ម៉ែត្រធំជាងមុនទៀតផង ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ