ជនសង្ស័យជាង៣០០នាក់ ដែលសមត្ថកិច្ចឃាត់ខ្លួននៅក្នុងមជ្ឈមណ្ឌលកម្សាន្តរ៉ក់ គេនៅមិនទាន់ដឹងពីសមាសភាពរបស់ពួកគេទេថា តើជាយុវជនបែបណាឱ្យប្រាកដ គ្រាន់តែអាចកត់សម្គាល់ថា ភាគច្រើនជាក្មេងជំទង់ មានប្រុសមានស្រី និងខ្លះជាសិស្សសាលាផងដែរ ។
ក្រុមគ្រួសាររបស់ជនសង្ស័យជាច្រើននាក់ ដែលនាំគ្នាមកអង្គុយរង់ចាំកូន-ប្រុស-ស្រី នៅក្រៅរបងស្នងការដ្ឋាននគរបាលរាជធានី ខ្លះអះអាងថា កូនប្រុស-ស្រីវ័យជំទង់របស់ពួកគេ ទើបតែចូលលេងក្នុងមជ្ឈមណ្ឌលកម្សាន្តរ៉ក់ ជាលើកទី១ និងគ្មានការសេពសារធាតុញៀនទេ ។
ស្ត្រីជាម្តាយម្នាក់និយាយថា «ខ្ញុំភ័យ ខ្ញុំស្លុត ខ្ញុំគ្មានកម្លាំងទេ ពេលដឹងថា កូនត្រូវប៉ូលិសចាប់ ។ កូនខ្ញុំមិនដែលអុីចឹង មិនជក់គ្រឿងញៀន ។ សុំខ្ញុំមកធ្វើខួបកំណើតទេ ។ ខ្ញុំថា ខួបកំណើតហើយ មកផ្ទះណាកូន ។ តែប៉ុណ្ណឹងទេ កូនខ្ញុំមិនដែលអុីចឹងទេ ។ ខ្ញុំយំ ខ្ញុំភ័យ ។ តែគាត់ថា គាំទ្របិទអារ៉ក់ហ្នឹង បើនៅតែបើក ក្មេងនៅតែខូចអុីចឹង» ។
សមត្ថកិច្ចមួយរូបថា គង់តែដោះលែងទេ បើមិនមានផ្ទុកសារធាតុញៀន និងមិនជាប់ពាក់ព័ន្ធបទល្មើសចែកចាយគ្រឿងញៀន ។
ចែករំលែកព័តមាននេះ