ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរពូទីន កាលពីថ្ងៃទី២០កុម្ភៈថ្លែងថា រុស្ស៊ីនឹងតបតវិញ ចំពោះរាល់ការដាក់ពង្រាយមីស៊ីលនុយក្លេអ៊ែរ រយៈមធ្យមអាមេរិកនៅអឺរ៉ុប ដោយតម្រង់មីស៊ីលរបស់ខ្លួន ទៅរកបណ្ដាប្រទេសដាក់ពង្រាយមីស៊ីលអាមេរិកទាំងនោះ ព្រមទាំងតម្រង់ទៅរកអាមេរិកផងដែរ។…
ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរពូទីន កាលពីថ្ងៃទី២០កុម្ភៈថ្លែងថា រុស្ស៊ីនឹងតបតវិញ ចំពោះរាល់ការដាក់ពង្រាយមីស៊ីលនុយក្លេអ៊ែរ រយៈមធ្យមអាមេរិកនៅអឺរ៉ុប ដោយតម្រង់មីស៊ីលរបស់ខ្លួន ទៅរកបណ្ដាប្រទេសដាក់ពង្រាយមីស៊ីលអាមេរិកទាំងនោះ ព្រមទាំងតម្រង់ទៅរកអាមេរិកផងដែរ។
ក្នុងសុន្ទរកថាប្រចាំឆ្នាំរបស់លោកក្នុងសភាឌូម៉ា លោកពូទីននិយាយថា ប្រទេសរបស់លោក នឹងពុំធ្វើមុន សម្រាប់ការដាក់ពង្រាយបណ្ដាមីស៊ីល ជាការឆ្លើយតបចំពោះការដកខ្លួនថយរបស់អាមេរិក ចេញពីសន្ធិសញ្ញាស្ដីពីកម្លាំងនុយក្លេអ៊ែររយៈមធ្យមINF ដែលចុះហត្ថលេខាកាលពីឆ្នាំ១៩៨៧ឡើយ។
ប្រធានាធិបតីរុស្ស៊ីគូសបញ្ជាក់ថា ប្រតិកម្មរបស់រុស្ស៊ី ចំពោះរាល់ការដាក់ពង្រាយមីស៊ីលនុយក្លេអ៊ែរ នឹងជាប្រតិកម្មម៉ឺងម៉ាត់បំផុតនិងថាក្រុងវ៉ាស៊ិនតោន ត្រូវធ្វើការពិចារណាលើបណ្ដាផលវិបាកនៃសេចក្ដីសម្រេចចិត្តរបស់ខ្លួន។
ក្រោមការទះដៃកងរំពងក្នុងសភា លោកពូទីនបន្តថា ពួកអាមេរិកពិតជាមានសិទ្ធិក្នុងការគិតយ៉ាងម៉េចតាមពួកគេចង់។ ប៉ុន្តែពួកគេមានគិតថាតើនឹងមានអ្វី្វកើតឡើងទេ? ខ្ញុំយល់ថាពួកគេពិតជាគិត។ ពេលពួកគេដឹងថាបណ្ដាប្រព័ន្ធគ្រឿងសព្វាវុធដែលយើងកំពុងផលិត តើក្នុងសង្វាក់បែបណាដែរ។ ប្រសិនបើអាមេរិកដាក់ពង្រាយបណ្ដាមីស៊ីលនៅអឺរ៉ុប នោះរុស្ស៊ីក៏នឹងត្រូវតែផលិតនិងអភិវឌ្ឍន៍បណ្ដាគ្រឿងសព្វាវុធរបស់ខ្លួន ដែលអាចប្រើប្រាស់ពុំត្រឹមតែប្រឆាំងបណ្ដាដែនដី ដែលជាប្រភពនៃការគំរាមកំហែងប៉ុណ្ណោះទេ តែក៏ប្រឆាំងបណ្ដាដែនដីដែលជាទីតាំងនៃការសម្រេចចិត្តទៀតផង។
រដ្ឋមន្ត្រីការពារប្រទេសរុស្ស៊ី លោកស័រហ្គេយឆយហ្គូ ប្រកាសកាលពី២សប្ដាហ៍មុនថា រុស្ស៊ីនឹងបំពាក់នាឆ្នាំ២០២១ បណ្ដាមីស៊ីលរយៈមធ្យមថ្មីៗ។ ការប្រកាសនោះធ្វើឡើង ក្រោយការសម្រេចរបស់លោកត្រាំ ពីការដកខ្លួនថយរបស់សហរដ្ឋអាមេរិកក្នុងរយៈពេល៦ខែទៀត ពីសន្ធិសញ្ញាINF។ ក្រុងវ៉ាស៊ិនតោនលើកហេតុផល ពីការសម្រេចរបស់ខ្លួននោះដោយចោទប្រកាន់រុស្ស៊ីថា រំលោភបំពានសន្ធិសញ្ញាINFព្រោះផលិតមីសីុលថ្មី NOVATOR 9M729។ លោកពូទីនមានប្រតិកម្មតបវិញដោយថ្លែងថា ក្រុងមូស្គូក៏ត្រូវដកខ្លួនថយចេញពីកិច្ចព្រមព្រៀងនោះដែរ៕
ចែករំលែកព័តមាននេះ