រាជធានីភ្នំពេញ ៖ ជនសង្ស័យចំនួន៤នាក់ត្រូវបានកម្លាំងមានសមត្ថកិច្ចខណ្ឌដូនពេញចាប់ឃាត់ខ្លួន ក្នុងប្រតិបត្តិការបង្ក្រាបទីតាំងហ្គេមបាញ់ត្រីខុសច្បាប់ និងជាកន្លែងជួញដូរ និងប្រើប្រាស់គ្រឿងញៀនមួយកន្លែងនៅខាងជើងផ្សារកណ្តាល ដោយធ្វើការដកហូតទូហ្គេមចំនួន៨គ្រឿង ថ្នាំញៀនចំនួន៥១កញ្ចប់, កញ្ឆាក្រៀមចំនួន១កញ្ចប់តូច រួមទាំងវត្ថុតាងមួយចំនួនធំទៀតផងដែរ។…
រាជធានីភ្នំពេញ ៖ ជនសង្ស័យចំនួន៤នាក់ត្រូវបានកម្លាំងមានសមត្ថកិច្ចខណ្ឌដូនពេញចាប់ឃាត់ខ្លួន ក្នុងប្រតិបត្តិការបង្ក្រាបទីតាំងហ្គេមបាញ់ត្រីខុសច្បាប់ និងជាកន្លែងជួញដូរ និងប្រើប្រាស់គ្រឿងញៀនមួយកន្លែងនៅខាងជើងផ្សារកណ្តាល ដោយធ្វើការដកហូតទូហ្គេមចំនួន៨គ្រឿង ថ្នាំញៀនចំនួន៥១កញ្ចប់, កញ្ឆាក្រៀមចំនួន១កញ្ចប់តូច រួមទាំងវត្ថុតាងមួយចំនួនធំទៀតផងដែរ។
ប្រតិបត្តិការបង្ក្រាបនេះដែរបានធ្វើឡើងកាលពីវេលាម៉ោង៤និង៣០នាទីល្ងាចថ្ងៃទី៣ ខែធ្នូ ឆ្នាំ ២០១៨ នៅចំណុចផ្ទះលេខ៥៩ ផ្លូវលេខ១៣ (ខាងជើងផ្សារកណ្តាល) ក្នុងសង្កាត់ផ្សារកណ្តាលទី១ ខណ្ឌដូនពេញ។
តាមប្រភពព័ត៌មានពីនគរបាលបានប្រាប់ឱ្យដឹងថា ជនសង្ស័យទាំង៤នាក់ខាងលើដែលត្រូវបានចាប់ឃាត់ខ្លួន ១-ឈ្មោះ ឡាយ ចំរើន ភេទប្រុស អាយុ៣៧ឆ្នាំ ជាអ្នកមើលការខុសត្រូវកន្លែងហ្គេមបាញ់ត្រីខាងលើ និងជួញដូរគ្រឿងញៀន ២-ឈ្មោះ ឈិន សុខជា ភេទប្រុស អាយុ ២៨ឆ្នាំ ៣-ឈ្មោះ ឃុន ចាន់ឌី ភេទប្រុស អាយុ២៩ឆ្នាំ និង៤-ឈ្មោះ ណុប មុទុតា ភេទប្រុស អាយុ៣៨ឆ្នាំ ។ ជនសង្ស័យទាំង៣នាក់នេះជាអ្នកលេង និងប្រើប្រាស់គ្រឿងញៀន។
សមត្ថកិច្ចបានធ្វើការដកហូតបានទូរហ្គេមបាញ់ត្រីចំនួន៨គ្រឿង, ថ្នាំញៀនចំនួន៥១កញ្ចប់តូច, កញ្ឆាក្រៀមចំនួន១កញ្ចប់, ដាវសាម៉ូរ៉ៃចំនួន១ដើម, ថង់ប្លាស្ទិកមួយចំនួន រួមទាំងវត្ថុតាងពាក់ព័ន្ធមួយចំនួនទៀតផងដែរ។
ក្រោយពីប្រតិបត្តិការបង្ក្រាបទីតាំងហ្គេមបាញ់ត្រី និងបង្កប់ការជួញដូរគ្រឿងញៀនខាងលើនេះ ជនសង្ស័យទាំង៤នាក់ រួមទាំងវត្ថុតាងដែលពាក់ព័ន្ធត្រូវបានបញ្ជូនទៅកាន់អធិការដ្ឋាននគរបាលខណ្ឌដូនពេញ ដើម្បីចាត់ការទៅតាមនីតិវិធី៕
ចែករំលែកព័តមាននេះ