ប្រទេសកូរ៉េទាំង២ ៖ ប្រទេសកូរ៉េទាំង២ចាប់ផ្ដើមកាលពីថ្ងៃទី១១វិច្ឆិកា បំផ្លាញចោលប៉ុស្តិ៍យាមតាមព្រំដែនរួមចំនួន២០កន្លែង ក្នុងក្របខណ្ឌនៃផែនការកាត់បន្ថយភាពតានតឹងរវាងប្រទេសទាំង២។ ការកម្ទេចចោលប៉ុស្តិ៍យាមទាំងនេះកើតមានបន្ទាប់ពីកិច្ចព្រមព្រៀងមួយ រវាងឧត្ដមសេនីយ៍នៃប្រទេសទាំង២ ដែលចុះហត្ថលេខាកាលពីដំណាច់ខែតុលា។ ដកស្រង់ប្រភពក្រសួងការពារប្រទេសកូរ៉េខាងត្បូង ទីភ្នាក់ងារព័ត៌មានYONHAPនិយាយថា…
ប្រទេសកូរ៉េទាំង២ ៖ ប្រទេសកូរ៉េទាំង២ចាប់ផ្ដើមកាលពីថ្ងៃទី១១វិច្ឆិកា បំផ្លាញចោលប៉ុស្តិ៍យាមតាមព្រំដែនរួមចំនួន២០កន្លែង ក្នុងក្របខណ្ឌនៃផែនការកាត់បន្ថយភាពតានតឹងរវាងប្រទេសទាំង២។
ការកម្ទេចចោលប៉ុស្តិ៍យាមទាំងនេះកើតមានបន្ទាប់ពីកិច្ចព្រមព្រៀងមួយ រវាងឧត្ដមសេនីយ៍នៃប្រទេសទាំង២ ដែលចុះហត្ថលេខាកាលពីដំណាច់ខែតុលា។ ដកស្រង់ប្រភពក្រសួងការពារប្រទេសកូរ៉េខាងត្បូង ទីភ្នាក់ងារព័ត៌មានYONHAPនិយាយថា កងទាហានចាប់ផ្ដើមនាថ្ងៃទី១១វិច្ឆិកា កម្ទេចចោលប៉ុស្តិ៍យាមចំនួន២០កន្លែង ដែលបានគ្រោងទុកនៅតាមខ្សែបន្ទាត់ព្រំដែនរវាងប្រទេសទាំង២។ កូរ៉េខាងត្បូងមានប៉ុស្តិ៍ប្រភេទនោះ ប្រមាណជា៦០នៅតាមព្រំដែន ហើយកូរ៉េខាងជើងមានប្រមាណ១៦០។ខ្សែបន្ទាត់ព្រំដែនរវាងកូរ៉េទាំង២មានប្រវែង២៥០គីឡូម៉ែត្រ។
កូរ៉េទាំង២ដែលតាមលក្ខណៈបច្ចេកទេស នៅតែស្ថិតក្នុងស្ថានភាពនៃសង្គ្រាម ព្រោះពុំទាន់មានកិច្ចព្រមព្រៀងសន្តិភាពមួយ បានព្រមព្រៀងគ្នានាឱកាសនៃការជួបគ្នាកំពូលអន្តរកូរ៉េលើកទី៣នៅក្រុងព្យុងយ៉ាង ចាត់បណ្ដាវិធានការដើម្បីសម្រាល ភាពតានតឹងខាងយោធានៅតាមព្រំដែន។ នាពេលនោះមេដឹកនាំកូរ៉េខាងជើង លោកគីមជុងអ៊ុននិងប្រធានាធិបតីកូរ៉េខាងត្បូង លោកMOON JAE INបានយល់ស្របគ្នាជាពិសេស កម្ទេចចោលរហូតដល់ដំណាច់ឆ្នាំនេះ ប៉ុស្តិ៍យាមព្រំដែនមួយចំនួន និងបញ្ឈប់សមយុទ្ធយោធាទាំងឡាយក្នុងតំបន់ព្រំដែន ចាប់ពីខែវិច្ឆិកាទៅ។
កាលពីខែតុលាកូរ៉េទាំង២ចាប់ដោះគ្រាប់មីននៅតំបន់ព្រំដែន ហើយដកអាវុធនិងប៉ុស្តិ៍យាម ដោយរក្សាទុកតែឆ្មាំ៣៥នាក់ពុំកាន់អាវុធទាំងសងខាង ៕
ចែករំលែកព័តមាននេះ