រាជធានីភ្នំពេញ ៖ នាព្រឹកថ្ងៃទី៥ វិច្ឆិកា នៅការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានធ្វើពិធីបង្ហាញមុខក្រុមជនសង្ស័យជាចោរលួចរថយន្ត និងអ្នកទទួលផលចោរកម្មចំនួន៦នាក់ រួមជា
មួយវត្ថុតាងរថយន្ត ៧គ្រឿង និង សំភារៈពាក់ពន្ធមួយចំនួនទៀត ។
ក្នុងការបង្ហាញមុខក្រុមជនសង្ស័យលួច និងទទួលផលចោរកម្មនោះ ត្រូវបានលោកវរៈសេនីយ៍ឯក ប៊ុន សត្យា នាយការិយាល័យព្រហ្មទណ្ឌកំរិតស្រាលថ្លែងឲ្យដឹងថា ជនសង្ស័យ៥នាក់ ត្រូវបានកម្លាំងនគរបាលជំនាញស្រាវជ្រាវ និង ឃាត់ខ្លួនជាបន្តបន្ទាប់ចាប់តាំងពីថ្ងៃទី៣១ តុលា និងរហូតថ្ងៃទី៣ វិច្ឆិកា ២០១៨ នេះ ក្រោមការសហការជាមួយកម្លាំងសមត្តកិច្ចនគរបាលខណ្ឌឫស្សីកែវ ស្នងការដ្ឋាននគរបាលខេត្តកណ្តាល និងស្នងការដ្ឋាននគរបាលខេត្តព្រះសីហនុ ។
លោក ប៊ុន សត្យា បន្តថា ជនសង្ស័យ៣នាក់ ជាមុខសញ្ញាពាក់ពន្ធលួចរថយន្ត បានចម្លើយសារភាពប្រហាក់ប្រហែលគ្នាថា កន្លងមកពួកគេធ្លាប់បានធ្វើសកម្មភាពលួចរថយន្តចំនួន៦លើក ។
វត្ថុតាងដែលសមត្ថកិច្ចដកហូតបានរួមមានស្លាកលេខរថយន្ត៦ ស្មើនឹង១២បន្ទះ និងម៉ូតូចំនួន៦គ្រឿង ព្រមទាំងសម្ភារពាក់ព័ន្ធបទល្មើសមួយចំនួនទៀត ។ ពាក់ព័ន្ធទៅនឹងការងារបង្ក្រាប និង បង្ហាញមុខក្រុមជនសង្ស័យខាងលើនេះ លោកវរៈសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានថ្លែងឲ្យដឹងទៀតថា នេះជាក្រុមចោរលួចរថយន្តយ៉ាងសកម្ម ដែលទើបនិងវែកមុខ ។
លោកក៏បន្តថា កិច្ចការងារបង្ក្រាបនោះក៏ដោយមានការចង្អុលបង្ហាញពីសំណាក់លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និង ជាស្នងការទើបទទួលតំណែងថ្មីរាជធានីភ្នំពេញ និងលោកឧត្តមសេនីយ៍ត្រី សុង លី ស្នងការរង ដែលជាប្រធានការិយាល័យកណ្តាលនគរបាលព្រហ្មទណ្ឌរាជធានីភ្នំពេញ ក្រោមការសម្របសម្រួល ពីស្ថាប័នអយ្យការអមសាលាដំបូងរាជធានីខេត្តផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ