ខេត្តព្រះសីហនុ ៖ លោកវរសេនីយ៍ឯក ញ៉ែត ភ័ណ្ឌ ប្រធាននគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តព្រះសីហនុ ធ្វើសន្និសីទព័ត៌មានបង្ហាញមុខជនសង្ស័យ៣នាក់ដែលវាយសម្លាប់មេការសំណង់ក្នុងរឿងជំពាក់ប្រាក់ មុនបញ្ជូនទៅសាលាដំបូងខេត្ត ។ នៅស្នងការរដ្ឋាននគរបាលខេត្តព្រះសីហនុព្រឹកថ្ងៃទី២៥…
ខេត្តព្រះសីហនុ ៖ លោកវរសេនីយ៍ឯក ញ៉ែត ភ័ណ្ឌ ប្រធាននគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តព្រះសីហនុ ធ្វើសន្និសីទព័ត៌មានបង្ហាញមុខជនសង្ស័យ៣នាក់ដែលវាយសម្លាប់មេការសំណង់ក្នុងរឿងជំពាក់ប្រាក់ មុនបញ្ជូនទៅសាលាដំបូងខេត្ត ។
នៅស្នងការរដ្ឋាននគរបាលខេត្តព្រះសីហនុព្រឹកថ្ងៃទី២៥ ខែតុលា ឆ្នាំ២០១៨ លោកវរសេនីយ៍ឯក ញ៉ែត
ភ័ណ្ឌប្រធានការិយាល័យនគរបាលព្រហ្មទ័ណ្ឌកម្រិតធ្ងន់នៃស្នងការរដ្ឋាននគរបាលខេត្តព្រះសីហនុ បានរៀបចំធ្វើសន្និសីទព័ត៏មានដើម្បីបង្ហាញមុខជនសង្ស័យចំនួន៣នាក់ជាកម្មករសំណង់ដែលវាយសម្លាប់មេការសំណង់របស់ខ្លួនដោយសារតែរឿងជំពាក់ប្រាក់ប្រមាណ១៥០០០០រៀល។
ប្រភពខាងលើបានឲ្យដឹងថា ជនសង្ស័យទាំង៣នាក់ខាងលើនេះរួមមាន ១-ឈ្មោះភោក សុផាត ភេទប្រុស អាយុ៣០ឆ្នាំ មុខរបរជាកម្មករសំណង់ មានស្រុកកំណើតភូមិស្រិញ ឃុំជីក្រែង ស្រុកជីក្រែង ខេត្តសៀមរាប។
២-ឈ្មោះអ៊ុយ អឿន ភេទប្រុស អាយុ២៧ឆ្នាំ ជាកម្មករសំណង់ មានស្រុកកំណើតនៅក្នុងខេត្តបាត់ដំបង។
និង៣-ឈ្មោះឈយ ឃ្មុំ ភេទប្រុស អាយុ៣០ឆ្នាំ ជាកម្មករសំណង់ មានស្រុកកំណើតភូមិស្តៅ ឃុំអន្លង់សំណរ ស្រុកជីក្រែង ខេត្តសៀមរាប។ ជសង្ស័យទាំង៣នាក់ខាងលើស្នាក់នៅបណ្តោះអាសន្នក្នុងការដ្ឋានសំណង់កន្លែងកើតហេតុខាងលើ។
លោកវរសេនីយ៍ឯកបានឲ្យដឹងទៀតថា នៅវេលាម៉ោង១០និង៣០នាទីយប់ថ្ងៃទី២២ ខែតុលា ឆ្នាំ២០១៨កន្លងមកនេះ មានករណីមនុស្សឃាតមួយបានកើតឡើងនៅចំណុចភ្នំ(ប៉ះប៉ើក) ខាងក្រោយសាលាវិទ្យា
ល័យមិត្តភាពក្នុងក្រុមទី៣២ ភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ បង្កឡើងដោយជនសង្ស័យចំនួន៣នាក់ បានប្រើប្រាស់ដំបងឈើមានដំដែកគោល និងដែកបំពង់ទីប វាយទៅលើមេការសំណង់បណ្តាលឲ្យរងរបួសធ្ងន់និងបានស្លាប់ពេលបញ្ជូនជនរងគ្រោះទៅដល់មន្ទីរពេទ្យ។
ដោយឡែកជនរងគ្រោះឈ្មោះ តាំង បូរ៉ាភេទប្រុស អាយុ៣៦ឆ្នាំ មុខរបរជាមេការសំណង់ មានស្រុកកំណើតភូមិគរ ឃុំជីក្រែង ស្រុកជីក្រែង ខេត្តសៀមរាបស្នាក់នៅបណ្តោះអាសន្នក្នុងការដ្ឋានជាមួយគ្នាខាងលើ។
លោកវរសេនីយ៍ឯកបានបន្តឲ្យដឹងទៀតថា ក្រោយទួលបានព័ត៌មានខាងលើភ្លាមនិងទទួលបានបទបញ្ជាពីលោកឧត្តមសេនីយ៍ទោជួន ណារិន្ទ ស្នងការនគរបាលខេត្តព្រះសីហនុឲ្យនគរបាលការិយាល័យជំនាញបើកការស៊ើបអង្កេត និងរុករកមុខសញ្ញាជាបន្ទាន់។
តាមការសាកសួរពីកម្មករសំណង់នៅក្នុងការដ្ឋានខាងលើបានឲ្យដឹងថា ករណីមនុស្សឃាតខាងលើផ្តើមចេញពីរឿងមេការសំណង់ជំពាក់ប្រាក់ចំនួន១៥០០០០រៀលបើកឲ្យកម្មករមិនគ្រប់នៅខ្វះចំនួន២នាក់ទៀត។
ប្រភពខាងលើបានបន្តឲ្យដឹងទៀតថា មុនកើតហេតុជនសង្ស័យទាំង៣នាក់ខាងលើបាននាំគ្នាស៊ីផឹកនៅក្នុងការដ្ឋានសំណង់ និងបានក្លែមពាក្យសំដីឌឺដងឲ្យទៅមេការសំណង់របស់ខ្លួនក៍កើតទៅជាជម្លោះពាក្យសំដី បន្ទាប់មកក៏វាយតប់គ្នា ពេលនោះជនសង្ស័យទាំង៣នាក់បានប្រើដំបងឈើមានដំដែកគោលផង និងដែកបំពង់ទីប បានវាយទៅលើជនរងគ្រោះបណ្តាលឲ្យរងរបួសធ្ងន់ហើយត្រូវបានស្លាប់ពេលបញ្ជូនទៅដល់មន្ទីរពេទ្យ។
ក្រោយកើតហេតុ ជនសង្ស័យទាំង៣នាក់បានជួលរថយន្តតាក់ស៊ីជិះរត់គេចខ្លួនទៅកាន់ខេត្តសៀមរាប និងមានបំណងឆ្លងដែនចូលទៅប្រទេសថៃបន្តទៀត តែដោយសារមានកិច្ចសហការរវាងកម្លាំងនគរបាលខេត្តសៀមរាបបានធ្វើការឃាត់ខ្លួនជនសង្ស័យទាំង៣នាក់នោះនៅវេលាម៉ោង៧ព្រឹកថ្ងៃទី២៣ ខែតុលា ឆ្នាំ២០១៨ ។
បន្ទាប់មកក៏បាននាំខ្លួនជនសង្ស័យទាំង៣នាក់មកកាន់ស្នងការដ្ឋានខេត្តព្រះសីហនុ ដើម្បីកសាងសំណុំរឿងបញ្ជូនទៅសាលាដំបូងខេត្តធ្វើការផន្ទាទោសទៅតាមនីតិវិធីច្បាប់។
ដោយឡែកសពជនរងគ្រោះបានប្រគល់ជូនក្រុមគ្រួសារដើម្បីចាត់ចែងធ្វើបុណ្យទៅតាមប្រពៃណី ៕
ចែករំលែកព័តមាននេះ