ប្រទេសកូរ៉េខាងជើង ៖ វេបសាយពិសេសមួយរាយការណ៍នាថ្ងៃទី២២សីហាថា កូរ៉េខាងជើងបានបញ្ឈប់ការងារកម្ទេចចោលទីតាំងបាញ់្់បង្ហោះកាំជ្រួចមួយនាដើមខែសីហា ទោះបីមានការសន្យានានាពេលជួបគ្នាកំពូលនៅសិង្ហបុរីជាមួយសហរដ្ឋអាមេរិកក្ដី។
វេបសាយ 38NORTH ផ្ដល់ព័ត៌មាននោះ ពេលមានការសង្ស័យលើឆន្ទៈពិតប្រាកដរបស់កូរ៉េខាងជើង ទទួលយល់ព្រមធ្វើតាមសំណើនានារបស់អាមេរិកឲ្យបោះបង់ចោលអាវុធនុយក្លេអ៊ែរ។តាមវេបសាយអាមេរិកនេះថា បណ្ដារូបភាពនៃមូលដ្ឋានបាញ់បង្ហោះផ្កាយរណប SOHAE ដែលថតកាលពីថ្ងៃទី១៦ សីហា ដោយបណ្ដាផ្កាយរណបពាណិជ្ជកម្មបញ្ជាក់ថា ពុំមានសកម្មភាពណាមួយនៃការបំផ្លាញចោលទីតាំងនេះឡើយចាប់តាំងពីថ្ងៃទី៣សីហាមក ទោះជានៅតំបន់ដែលសាកល្បងម៉ូទ័រកាំជ្រួចប្ញុជើងទម្របាញ់បង្ហោះ។
38NORTH គូសបញ្ជាក់ថា មានការរីកចម្រើននានា ក្នុងការបំផ្លាញទីតាំងសាកល្បងម៉ូទ័រកាំជ្រួចកត់សម្គាល់ឃើញនាខែកក្កដា មកដើមខែសីហា តែបណ្ដាសមាសភាពដែលដកចេញមុននេះ នៅទុកចោលលើដីនៅឡើយ។ ទាក់ទិនដល់តំបន់បាញ់បង្ហោះ ការងារបំផ្លាញចោលហាក់ត្រូវបញ្ឈប់ផងដែរ។
បណ្ដាសមាជិកក្រុមចរចាអាមេរិកនិយាយថា ពួកគេពុំកត់សម្គាល់ឃើញការរីកចម្រើនណាមួយក្នុងការរំសាយនុយក្លេអ៊ែរ និងថា ពុំមានអ្វីបញ្ជាក់ថាកូរ៉េខាងជើងត្រៀមចរចាដោយពិតប្រាកដ បើដរាបណាអាមេរិកពុំសន្យាសម្រាលទណ្ឌកម្មជាថ្នូរវិញទេនោះ៕
ចែករំលែកព័តមាននេះ