ប្រទេសអ៊ីរ៉ាក់ ៖ អគ្គិភ័យដ៏អាថ៌កំបាំងមួយ កាលពីថ្ងៃទី១០ មិថុនា បានឆាបឆេះឃ្លាំងមួយនៅក្រុងបាដាដ ដែលស្តុកទុកដោយសន្លឹកឆ្នោតនៃការបោះឆ្នោតសភា កាលពីថ្ងៃទី១២ ឧសភា ក៏ប៉ុន្តែបណ្ដាអ្នកទទួលខុសត្រូវអះអាងថា សន្លឹកឆ្នោតទាំងនោះពុំត្រូវភ្លើងឆេះឡើយ ខណៈការរាប់សន្លឹកឆ្នោតជាថ្មីត្រូវបានគ្រោងធ្វើ។
ក្រោយរយៈពេលច្រើនម៉ោង ភ្លើងដែលឆាបឆេះក្នុងឃ្លាំងស្តុកទុកសន្លឹកឆ្នោត នៃមណ្ឌលបោះឆ្នោតដ៏ធំមួយនៅក្រុងបាដាដ ត្រូវពន្លត់។ ហើយបណ្ដាអ្នកទទួលខុសត្រូវ ប៉ុនប៉ងនិយាយសម្រាលពីគ្រោះអគ្គិភ័យនេះ ដែលប្រភពពុំទាន់ដឹងក្នុងពេលភ្លាមៗ។ ការបោះឆ្នោតសភាអ៊ីរ៉ាក់នាខែឧសភា អាចឲ្យអ៊ីរ៉ាក់បិទទំព័រក្រោយរយៈពេល៣ឆ្នាំនៃការប្រយុទ្ធប្រឆាំងពួកជីហាដ ក្រុមរដ្ឋអ៊ិស្លាម ក៏ប៉ុន្តែប្រជាជនអ៊ីរ៉ាក់ ហាក់មិនច្បាស់លើលក្ខណៈត្រឹមត្រូវ សុចរិតនៃការបោះឆ្នោតនេះ។
ក្រោយការប្រជុំជាច្រើនលើក ពុំអាចប្រព្រឹត្តទៅបាន ព្រោះខ្វះកូរ៉ូម សភាចាស់អ៊ីរ៉ាក់ទីបំផុតអាចប្រជុំបាន ហើយគ្រោងឲ្យមានការរាប់សន្លឹកឆ្នោតជាថ្មី ដោយដៃចាប់ពីថ្ងៃទី១៣ មិថុនា ទៅ ៕
ចែករំលែកព័តមាននេះ