សារព័ត៌មានបរទេសកាលពីពេល ថ្មីៗកន្លងមកផ្សាយថា ក្មេងប្រុសឥណ្ឌាម្នាក់ដុះរោមនៅខាងក្រោយខ្នងមានលក្ខណៈដូច «មនុស្សដុះកន្ទុយ» ហើយអ្នកភូមិជឿថា ជាព្រះមកចាប់ជាតិ និងផ្តល់សិរីសួស្ដីដល់ភូមិ ។
ក្មេងប្រុសម្នាក់នោះឈ្មោះ« ឆាហា» អាយុ១៣ឆ្នាំ រស់នៅរដ្ឋ Madhya Pradesh ប្រទេសឥណ្ឌា បានចាប់កំណើតដោយមានចំណុចពិសេសលើរាងកាយ ព្រោះមានរោមចម្លែកនៅពីក្រោយខ្នង លើកំប៉េះគូទដូចមនុស្សដុះកន្ទុយ ។
ក្រុមគ្រួសារឲ្យដឹងថា គេកើតមកដោយមានរោមនៅពីក្រោយខ្នងជាចំណុចមួយធើ្វឲ្យមានការខ្មាសអៀន ប៉ុន្តែពាក់អាវអាចបិទបាំងបាន។ គេបានធំធាត់ប្រកបដោយសុខភាពល្អ ហើយរោមនៅខាងក្រោយបែបនេះ ធ្វើឲ្យអ្នកភូមិមានជំនឿថា គេប្រហែលជាព្រះមកចាប់ជាតិ ។ ជារៀងរាល់ថ្ងៃរមែងមានអ្នកស្រុកទិញផ្លែឈើផ្ញើគេ ហើយគេចូលចិត្តទទួលទានផ្លែចេក ។
ក្រុមគ្រួសារយល់ឃើញថា រោមមានលក្ខណៈស្រដៀងកន្ទុយនេះប្រៀបដូចជាកាដូមួយពីព្រះ ទោះបីជាគេមិនមានទ្រព្យស្ដុកស្ដម្ភក៏ដោយ ប៉ុន្តែគេមានសេចក្ដីសុខ និងមានភាពចម្រុងចម្រើន ៕
ចែករំលែកព័តមាននេះ