ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា បុរសម្នាក់ត្រូវបានចោរអារ.កហូរឈាម ស្រោចខ្លួន ប្លន់យកម៉ូតូទៅដោយសុវត្ថិភាព ដែលហេតុការណ៍នេះកើតឡើងកាលពីម៉ោងជាង១២រំលង អធ្រាត្រ ឈានចូលព្រឹកថ្ងៃទី២៨ មេសា…
ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា បុរសម្នាក់ត្រូវបានចោរអារ.កហូរឈាម
ស្រោចខ្លួន ប្លន់យកម៉ូតូទៅដោយសុវត្ថិភាព ដែលហេតុការណ៍នេះកើតឡើងកាលពីម៉ោងជាង១២រំលង
អធ្រាត្រ ឈានចូលព្រឹកថ្ងៃទី២៨ មេសា ស្ថិតត្រង់ចំណុចផ្លូវទំនប់ក5 ក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ។ ជនរងគ្រោះឈ្មោះឡាង សុចិន្តា អាយុ១៧ឆ្នាំ មានទីលំនៅក្នុងភូមិកើត
ហេតុ។
សេចក្តីរាយការណ៍បន្តថា ជនរងគ្រោះក្រោយពីត្រូវចោរអារ.កប្លន់យកម៉ូតូទៅបាត់ បានប្រឹងដើរសំដៅទៅផ្ទះអ្នកស្រុកឱ្យជួយ ខណៈនោះ មានគ្រួសារមួយកំពុងអង្គុយផឹកស៊ីនៅមុខផ្ទះ ត្រូវជនរងគ្រោះដើរចូលទៅដួលនៅទីនោះតែម្តង ។ ដោយឃើញមុខរបួសធ្ងន់ធ្ងរ ក៏នាំគ្នាជួយដឹកជនរងគ្រោះតាមម៉ូតូទៅកាន់គ្លីនិកឈ្នួល ។ ប៉ុន្តែម្ចាស់គ្លីនិក មិនហ៊ានទទួល ក៏ដឹកបន្តទៅមន្ទីរពេទ្យបង្អែកក្រុងប៉ោយប៉ែត និងបញ្ជូនបន្តទៅមន្ទីរពេទ្យមិត្តភាពកម្ពុជា-ជប៉ុន មង្គលបុរី ព្រោះតែសភាពធ្ងន់ធ្ងរពេក ។
យ៉ាងណាក៏ដោយ ករណីនេះគេមិនទាន់ដឹងថា ម៉ូតូរបស់ជនរងគ្រោះម៉ាកអីនៅឡើយទេ ហើយក៏មិនទាន់ដឹងពីសកម្មភាពប្លន់នោះយ៉ាងណានៅឡើយដែរ ព្រោះតែជនរងគ្រោះមិនអាចសួរនាំបាន ។
ព័ត៌មានលម្អិតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ