ខេត្តត្បូងឃ្មុំ ៖ ជនសង្ស័យម្នាក់ឈ្មោះ មី សេងឡុង ភេទប្រុស អាយុ៤៣ឆ្នាំ រស់នៅភូមិជប់ក្រៅ ឃុំជុបស្រុកត្បូងឃ្មុំ ត្រូវបានកម្លាំងសមត្ថកិច្ចធ្វើការឃាត់ខ្លួនដោយសារតែបានរួមភេទជាមួយនឹងក្មេងស្រី…
ខេត្តត្បូងឃ្មុំ ៖ ជនសង្ស័យម្នាក់ឈ្មោះ មី សេងឡុង ភេទប្រុស អាយុ៤៣ឆ្នាំ រស់នៅភូមិជប់ក្រៅ ឃុំជុបស្រុកត្បូងឃ្មុំ ត្រូវបានកម្លាំងសមត្ថកិច្ចធ្វើការឃាត់ខ្លួនដោយសារតែបានរួមភេទជាមួយនឹងក្មេងស្រី ម្នាក់អាយុ១៣ឆ្នាំ រស់នៅឃុំស្រុកជាមួយគ្នាជាច្រើនលើក ។ ហើយនៅព្រឹកថ្ងៃទី១៩ កុម្ភៈ នឹងត្រៀមបញ្ជូនទៅសាលាដំបូងខេត្តចាត់វិធានទៅតាមផ្លូវច្បាប់ផងដែរ ។
លោកវរសេនីយ៏ត្រី សេង មិ អធិការរងនគរបាលស្រុកត្បូងឃ្មុំទទួលផែនព្រហ្មទណ្ឌប្រាប់ឲ្យដឹងថា កន្លងមកកូនស្រីរងគ្រោះធ្លាប់បានប្រាប់ម្តាយជាច្រើលើកថា ជនសង្ស័យខាងលើនេះបានធ្វើសកម្មភាពលួងលោមក្មេងស្រី និងបានបញ្ចុះបញ្ចូលនាំទៅរំលោភសេពសន្ថវៈតែមិនត្រូវបានម្តាយចាប់អារម្មណ៏នោះទេហាក់បីដូចជាធ្វើមិនដឹងនឹងរឿងដែលកើតឡើង ។
លោកវរសេនីយ៏ត្រី សេង មិ អធិការរងនគរបាលស្រុកត្បូងឃ្មុំប្រាប់បន្តថា ទើបតែរហូតមកដល់ព្រឹកថ្ងៃទី១៨ កុម្ភៈ ជនសង្ស័យឈ្មោះ សេង ឡុង បានបក់ដៃហៅក្មេងស្រីរងគ្រោះដើម្បីទៅរំលោភសេពសន្ថវៈបន្តទៀតនៅត្រង់ទីតាំងកន្លែងស្ងាត់ក្នុងភូមិតែក្មេងស្រីនោះមិនបានទៅឡើយ ។ ដោយសារតែត្អូញត្អែរឈឺប្រដាប់ភេទពេកហើយក៏បានយករឿងទាំងនេះប្រាប់ទៅម្តាយរបស់ខ្លួន និងបានផ្អើលទៅដល់សាច់ញាតិពេលដែលបែកធ្លាយរឿងនេះក៏សមត្ថកិច្ចបានហៅបុរសសង្ស័យមកសួរនាំព្រមទាំងបានឆ្លើយសារភាពថា ខ្លួនពិតជាបានធ្វើសកម្មភាពលួងលោម និងបញ្ជុះបញ្ចូលក្មួយស្រីបង្កើតអាយុ១៣ឆ្នាំរួមភេទបានបន្តបន្ទាប់៤លើកមកហើយ ។ តែតាមពិតច្រើនជាងនេះទៅទៀត តែជនសង្ស័យបានឆ្លើយមានចំនួនតិចទៅវិញរហូតមកដល់ព្រឹកថ្ងៃទី១៩ កុម្ភៈ កម្លាំងសមត្ថកិច្ចកំពុងតែសួរនាំបុរសជាប់ចោទដើម្បីកសាងសំណុំរឿងបញ្ជូនទៅសាលាដំបូងខេត្ត ។
ដោយឡែកក្មេងស្រីរងគ្រោះនៅពេលបានបញ្ជូនមកមកពិនិត្យនៅមន្ទីរពេទ្យខេត្តឃើញបានបានដាច់សន្ទះព្រហ្មចារីយ៏ដោយពិតប្រាកដោយការរំលោភផ្លូវភេទពិតមែន ៕
ចែករំលែកព័តមាននេះ