ប្រទេសបង់ក្លាដែស ៖ ភាពតានតឹងមានការកើនឡើងក្នុងជំរំជនភៀសខ្លួនរ៉ូហ៊ីងយ៉ានៅបង់ក្លាដែសខណៈពេលប៉ុន្មានថ្ងៃទៀតដល់ការបើកជាផ្លូវការកម្មវិធីដែលគ្រោងបញ្ជូនពួកគេមករស់នៅក្នុងប្រទេសមីយ៉ាន់ម៉ាវិញ ។ ពួលជនភៀសខ្លួនរ៉ូហ៊ីងយ៉ាជាច្រើនសិបនាក់កាលពីចុងសប្តាហ៍បាននាំគ្នាធ្វើបាតុកម្មពេលមានទស្សនកិច្ចរបស់អ្នករាយការណ៍ពិសេស អ.ស.ប លោក YANGHEE LEE ក្នុងជំរំជាច្រើនស្ថិតនៅតាមព្រំដែនរវាងប្រទេសទាំង២…
ប្រទេសបង់ក្លាដែស ៖ ភាពតានតឹងមានការកើនឡើងក្នុងជំរំជនភៀសខ្លួនរ៉ូហ៊ីងយ៉ានៅបង់ក្លាដែសខណៈពេលប៉ុន្មានថ្ងៃទៀតដល់ការបើកជាផ្លូវការកម្មវិធីដែលគ្រោងបញ្ជូនពួកគេមករស់នៅក្នុងប្រទេសមីយ៉ាន់ម៉ាវិញ ។
ពួលជនភៀសខ្លួនរ៉ូហ៊ីងយ៉ាជាច្រើនសិបនាក់កាលពីចុងសប្តាហ៍បាននាំគ្នាធ្វើបាតុកម្មពេលមានទស្សនកិច្ចរបស់អ្នករាយការណ៍ពិសេស អ.ស.ប លោក YANGHEE LEE ក្នុងជំរំជាច្រើនស្ថិតនៅតាមព្រំដែនរវាងប្រទេសទាំង២ ។ ជនភៀសខ្លួនមួយចំនួនបានតវ៉ាចំពោះការគំរាមកំហែងមិនផ្តល់ប័ណ្ណផ្គត់ផ្គង់ស្បៀងពីសំណាក់កងយោធាបង់ក្លាដែសក្នុងករណីពួកគេបដិសេធមិនព្រមវិលត្រឡប់ទៅកាន់មីយ៉ាន់ម៉ាវិញ ។
យោងតាមកិច្ចព្រមព្រៀងដែលចុះហត្ថលេខាកាលពីសប្តាហ៍មុនរវាងបង់ក្លាដែស និងមីយ៉ាន់ម៉ាថា មីយ៉ាន់ម៉ានឹងចាប់ទទួលពីថ្ងៃទី២៣ មករា ទៅ និងក្នុងរយៈពេល២ឆ្នាំ ជនភៀសខ្លួនរ៉ូហ៊ីងយ៉ា៦៥០.០០០នាក់ ដែលស្ថិតនៅបង់ក្លាដែសក្រោយរត់គេចចេញពីអំពើហិង្សានៅរដ្ឋរ៉ាឃីន ចាប់ពីដំណាច់ខែសីហាមក ។
ទោះបីយ៉ាងណា ពួករ៉ូហ៊ីងយ៉ាជាច្រើនបដិសេធមិនមកកាន់មីយ៉ាន់ម៉ាវិញ បើដរាបណាសន្តិសុខពួកគេពុំត្រូវបានធានា ហើយមីយ៉ាន់ម៉ាបដិសេធមិនផ្តល់សិទ្ធិពលរដ្ឋដល់ពួកគេ ហើយពុំបញ្ចូលពួកគេក្នុងបញ្ជីជនជាតិភាគតិចដែលមានការទទួលស្គាល់ ៕
ចែករំលែកព័តមាននេះ