រាជធានីភ្នំពេញ ៖ វាជារឿងហួសចិត្តដែលបុរស២នាក់ មានលុយចូលច្រៀងខារ៉ាអូខេខណៈចេញមកវិញមិនអាចទៅផ្ទះរួច…មិនទៅរកផ្ទះសំណាក់សម្រាកបែរជាទៅដេកនៅលើគម្របលូ ក្បែរចិញ្ចើមផ្លូវយ៉ាងសុខស្រួលទៅវិញ ហើយត្រូវសមត្ថកិច្ចល្បាតតាមផ្លូវឃើញកាលពីវេលាម៉ោង៣និង៣០នាទីទៀបភ្លឺថ្ងៃទី២២ តុលា ត្រង់ចំណុចផ្លូវ១០១៩ ភូមិរោងចក្រ សង្កាត់គោកឃ្លាង…
រាជធានីភ្នំពេញ ៖ វាជារឿងហួសចិត្តដែលបុរស២នាក់ មានលុយចូលច្រៀងខារ៉ាអូខេខណៈចេញមកវិញមិនអាចទៅផ្ទះរួច…មិនទៅរកផ្ទះសំណាក់សម្រាកបែរជាទៅដេកនៅលើគម្របលូ ក្បែរចិញ្ចើមផ្លូវយ៉ាងសុខស្រួលទៅវិញ ហើយត្រូវសមត្ថកិច្ចល្បាតតាមផ្លូវឃើញកាលពីវេលាម៉ោង៣និង៣០នាទីទៀបភ្លឺថ្ងៃទី២២ តុលា ត្រង់ចំណុចផ្លូវ១០១៩ ភូមិរោងចក្រ សង្កាត់គោកឃ្លាង ខណ្ឌសែនសុខ ក៏ដាស់ឱ្យទៅរកកន្លែងដេកឱ្យបានសមរម្យ ។
បុរសដែលចេញពីច្រៀងខារ៉ាអូខេមកដេកនៅតាមចិញ្ចើមផ្លូវនោះម្នាក់ឈ្មោះ អាត ធា អាយុ២៨ឆ្នាំ ជាកម្មករស្នាក់នៅបណ្តោះអាសន្នក្នុងភូមិគោកឃ្លាង សង្កាត់គោកឃ្លាង ខណ្ឌសែនសុខ មានស្រុកកំណើតខេត្តកំពង់ចាម និងម្នាក់ទៀតមានឈ្មោះ ចាន់ សី អាយុ២៧ឆ្នាំ ជាកម្មករ ស្នាក់នៅបណ្តោះអាសន្នក្នុងភូមិជាមួយគ្នា មានស្រុកកំណើតនៅខេត្តកំពង់ឆ្នាំង ។
តាមសំដីបុរសទាំង២នាក់បានប្រាប់ទាំងខ្មាសអៀនថា មុនពេលកើតហេតុរូបគេទាំង២នាក់បាននាំគ្នាទៅច្រៀងខារ៉ាអូខេនៅម្តុំផ្សារដីហុយ ។ ក្រោយពីផឹកស្រវឹងហើយបាននាំគ្នាចេញមកវិញ ដើរតាមដងផ្លូវលេខ១០១៩ទាំងស្រវឹងទ្រេតទ្រោតគោលបំណងត្រឡប់ទៅសម្រាកនៅកន្លែងធ្វើការវិញ ។ ពេលដែលប៉ូលិសដាស់ឱ្យក្រោកសួរនាំនោះបាននិយាយថា ខ្លួនមិនដឹងថា មិនដឹងរឿងអីបានជាខ្លួនមកដេកតាមចិញ្ចើមផ្លូវមកដេកនៅលើគម្របលូក្បែរចិញ្ជើមផ្លូវបែបនេះសោះ ព្រមទាំងនិយាយទាំងរវើរវាយ ហើយក៏មិនដឹងមកដេកទីនេះតាំងពីពេលណានោះដែរ ទើបតែដឹងនៅពេលសមត្ថកិច្ចមកដាស់ឱ្យភ្ញាក់ទៅរកកន្លែងសម្រាកឱ្យបានសមរម្យ ។
ប៉ូលិសនិយាយថា គាត់ស្រវឹងខ្លាំងណាស់ ផឹកមិនបាច់ឱ្យគេសែងទេ…គឺផឹកទៅណាមិនរួច ដេកដួលដោយខ្លួនឯង ។ បើផឹកឱ្យគេសែងផឹកធ្វើអី ?
ចែករំលែកព័តមាននេះ