រាជធានីភ្នំពេញ ៖ សម្តេចតេជោនាយករដ្ឋមន្ត្រី ហ៊ុន សែន និងលោក សម រង្ស៊ី អតីត ប្រធានគណបក្សសង្គ្រោះជាតិ បានផ្ញើសារជូនពរគ្នា ខណៈដែលសម្តេចនាយករដ្ឋមន្ត្រីកំពុងសម្រាកព្យាបាលជំងឺនៅមន្ទីរពេទ្យនៅប្រទេសសិង្ហបុរី។
រាជធានីភ្នំពេញ ៖ សម្តេចតេជោនាយករដ្ឋមន្ត្រី ហ៊ុន សែន និងលោក សម រង្ស៊ី អតីត ប្រធានគណបក្សសង្គ្រោះជាតិ បានផ្ញើសារជូនពរគ្នា ខណៈដែលសម្តេចនាយករដ្ឋមន្ត្រីកំពុងសម្រាកព្យាបាលជំងឺនៅមន្ទីរពេទ្យនៅប្រទេសសិង្ហបុរី។
សម្តេចតេជោ ហ៊ុន សែន បានអរគុណលោក សម រង្សី យ៉ាងជ្រាលជ្រៅក្រោយពេលលោក សម រង្ស៊ី ជូនពរឲ្យសម្តេច ឆាប់ជាពីជំងឺ។ ការអរគុណរបស់សម្តេច នាយករដ្ឋមន្ត្រីធ្វើឡើងតាមរយៈសារក្នុងហ្វេសប៊ុក (Facebook) សារព័ត៌មានហ្វេសញូវ (Fresh News)។
លោក សម រង្ស៊ី អតីតប្រធានគណបក្សសង្គ្រោះជាតិ កាលពីថ្ងៃទី៥ ខែឧសភា បានផ្ញើសារជូនពរឲ្យសម្តេចនាយករដ្ឋមន្ត្រីឆាប់ជាសះស្បើយពីជំងឺតាមរយៈបណ្ដាញសង្គមទ្វីតធឺរ (Twitter) របស់លោក។
សម្តេចតេជោ កាលថ្ងៃទី៤ ខែឧសភា បានសរសេរនៅលើហ្វេសប៊ុករបស់លោកថា លោកធ្លាក់ខ្លួនមានជំងឺដែលចាំបាច់ត្រូវទៅពេទ្យបន្ទាន់ ដើម្បីពិនិត្យ និងព្យាបាល។ មូលហេតុដោយសារការហត់នឿយខ្លាំងពេក។
សម្តេចតេជោ បានសម្រាកពិនិត្យសុខភាពនៅមន្ទីពេទ្យមួយប្រទេសសិង្ហបុរី។សម្តេចបានសសេរលើបណ្តាញសង្គមហ្វេសប៊ុកកាលពីថ្ងៃទី៤ ខែឧសភា បញ្ជាក់ថា «ខ្ញុំសុំការយោគយល់ពីសំណាក់មន្ត្រីរាជការ កងកម្លាំងប្រដាប់អាវុធនៅខេត្តកំពង់ស្ពឺ ដែលខ្ញុំត្រូវជួបនៅព្រឹកនេះតែត្រូវអាក់ខាន។ សុំការយោគយល់ពីមិត្តភក្ដិបរទេស ពិសេសជប៉ុន ឥណ្ឌា បារាំងដែលកម្មវិធីគ្រោងទុកសម្រាប់ការជួបត្រូវបានលុបចោលទៅវិញ»។
សម្តេចគូសបញ្ជាក់ថា «ដោយការហត់នឿយខ្លាំងពេក ខ្ញុំធ្លាក់ខ្លួនមានជំងឺដែលចាំបាច់ត្រូវមកពេទ្យបន្ទាន់ដើម្បីពិនិត្យ និងព្យាបាល។ ខ្ញុំស្ថិតក្នុងមន្ទីរពេទ្យនៅសិង្ហបុរី តាំងពីម៉ោង២ល្ងាច ថ្ងៃទី៣ ឧសភា និងអាចវិលត្រឡប់ទៅកម្ពុជាវិញនៅថ្ងៃអាទិត្យ ទី៧ ខែឧសភា ដើម្បីបន្តការងារជាធម្មតាឡើងវិញ។ សូមជូនពរបងប្អូនជនរួមជាតិជួបតែសេចក្តីសុខ»។
យោងតាមគេហទំព័រសារព័ត៌មាតាមរយៈ Facebook របស់អង្គភាពព័ត៌មាន Fresh News នៅព្រលប់ថ្ងៃទី០៦ ខែឧសភា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បាន Comment ឆ្លើយតបវិញទៅកាន់លោក សម រង្ស៊ី ជាមួយខ្លឹមសារយ៉ាងដូច្នេះថា ៖ «ខ្ញុំសូមអរគុណដ៏ជ្រាលជ្រៅចំពោះឯកឧត្តម សម រង្ស៊ី ដែលបានជូនពរខ្ញុំក្នុងពេលដែលខ្ញុំមានជំងឺ។ ខ្ញុំក៏សុំយកឱកាសនេះជូនពរឯកឧត្តម និងលោកជំទាវ ព្រមទាំងក្រុមគ្រួសារជួបតែសេចក្តីសុខ»។
ចែករំលែកព័តមាននេះ