សាលាឧទ្ធរណ៍តម្កល់សាលក្រមសាលាដំបូងរាជធានី ផ្តន្ទាទោសលោក អ៊ុំ សំអាន ដាក់ពន្ធនាគារ2ឆ្នាំ6ខែ
រាជធានីភ្នំពេញ ៖ នៅព្រឹកថ្ងៃទី២៣ ធ្នូ ចៅក្រមសាលាឧទ្ធរណ៍ លោក សេង ស៊ីវុត្ថា ប្រធានក្រុមប្រឹក្សាជំនុំជម្រះបានលើកយកសំណុំ
រាជធានីភ្នំពេញ ៖ នៅព្រឹកថ្ងៃទី២៣ ធ្នូ ចៅក្រមសាលាឧទ្ធរណ៍ លោក សេង ស៊ីវុត្ថា ប្រធានក្រុមប្រឹក្សាជំនុំជម្រះបានលើកយកសំណុំ
រាជធានីភ្នំពេញ ៖ នៅព្រឹកថ្ងៃទី២៣ ធ្នូ ចៅក្រមសាលាឧទ្ធរណ៍ លោក សេង ស៊ីវុត្ថា ប្រធានក្រុមប្រឹក្សាជំនុំជម្រះបានលើកយកសំណុំរឿងការប្តឹងទាស់របស់ជនជាប់ចោទលោក អ៊ុំ សំអានតំណាងរាស្ត្រគណបក្សសង្គ្រោះជាតិមកជំនុំជម្រះដោយសម្រេចផ្ដន្ទាទោសលោកដាក់ពន្ធនាគាររយៈពេល២ឆ្នាំ៦ខែនិងពិន័យជាប្រាក់៤លានរៀលដដែល ។
សាលាដំបូងរាជធានីភ្នំពេញបានផ្តន្ទាទោសលោក អ៊ុំ សំអាន បន្ទាប់ពីរកឃើញថាមានចេតនាបង្កភាពវឹកវរធ្ងន់ធ្ងរដល់សន្តិសុខសង្គម និងញុះញង់ឱ្យមានការរើសអើងជាតិសាសន៍ តាមរយៈការសរសេរនិងអត្ថាធិប្បាយពាក់ព័ន្ធនឹងផែនទីព្រំដែនកម្ពុជា-វៀតណាម ។
សាលដីកាសាសាឧទ្ធរណ៍បានសម្រេចក្រោយពីធ្វើការជំនុំជម្រះទៅលើសំណុំលោក អ៊ុំ សំអាន ចៅក្រមសាលាឧទ្ធរណ៍លោក សេង ស៊ីវុត្ថាប្រធានក្រុមប្រឹក្សាជំនុំជម្រះសម្រេចប្រកាសសាលដីកាតម្កល់សាលក្រមសាលាដំបូងរាជធានីភ្នំពេញទុកជាបានការដដែលគឺដាក់ពន្ធនាគាររយៈពេល២ឆ្នាំ៦ខែនិងពិន័យ៤លានរៀល ។ សវនាការនេះមិនមានវត្តមានលោក អ៊ុំ សំអាន ទេគឺមានតែមេធាវីការពារសិទ្ធិឱ្យលោកចំនួន៤រូប ។
គួររំឭកផងដែរថា សាលាដំបូងរាជធានីភ្នំពេញ កាលពីរសៀលថ្ងៃទី១០ ខែតុលា បានផ្ដន្ទាទោសលោក អ៊ុំ សំអាន ដាក់ពន្ធនាគាររយៈពេល២ឆ្នាំ៦ខែ និងពិន័យ៤លានរៀលក្រោមការចោទប្រកាន់ពីរបទល្មើសគឺ បទញុះញង់ឱ្យប្រព្រឹត្តបទឧក្រិដ្ឋជាអាទិ៍ បង្កភាពវឹកវរធ្ងន់ធ្ងរដល់សន្តិសុខសង្គម និងបទញុះញង់ឱ្យមានការរើសអើងតាមមាត្រា៤៩៥និង៤៩៦ នៃក្រមព្រហ្មទណ្ឌ ដែលប្រព្រឹត្តនៅរាជធានីភ្នំពេញនៃព្រះរាជាណាចក្រកម្ពុជា កាលពីអំឡុងឆ្នាំ២០១៥ រហូតដល់ថ្ងៃទី១០ ខែមេសា ឆ្នាំ២០១៦ ។
លោក ហែម សុជាតិ មេធាវីការពារលោកអ៊ុំ សំអាន បាននិយាយថា ក្នុងពេលសវនាការលោកបានលើកឡើងចំនួន៤ចំណុច ដែលក្នុងនោះបញ្ហារិះគន់តាមសង្គមហ្វេសប៊ុកនៅកម្ពុជាច្បាប់ព្រហ្មទណ្ឌមិនបានកំណត់ថាមានទោសទេ។ ព្រោះការបញ្ចេញមតិតាមសង្គមហ្វេសប៊ុកជាសិទ្ធិក្នុងការបញ្ចេញមតិមួយ ។
លោកមេធាវីបានលើកឡើងថា ជនជាប់ចោទលោក អ៊ុំ សំអាន ជាអ្នកតំណាងរាស្ត្រដូច្នេះគាត់អាចធ្វើការរិះគន់តាមគ្រប់មធ្យោបាយ ។
អ្វីដែលលោក អ៊ុំ សំអាន បានធ្វើគឺដើម្បីប្រទេសជាតិ ការរិះគន់តាមបណ្តាញសង្គមហ្វេសប៊ុករបស់កូនក្តីលោកគឺក្នុងន័យរិះគន់រដ្ឋាភិបាលដើម្បីស្ថាបនាដែលច្បាប់មិនបានកំណត់ថាជាបទល្មើសនោះឡើយ ។
លោកមេធាវី បានអះអាងថា បើមិនមានបទល្មើស តុលាការមិនអាចចោទប្រកាន់កូនក្តីរបស់លោកបានទេ ។ ដោយឡែកនៅក្នុងមាត្រ៨៦នៃច្បាប់ព្រហ្មទណ្ឌវិញលោកបានពន្យល់ក្នុងអង្គសវនាការថាចំពោះបទល្មើសជាក់ស្តែងមានដូចជា ការដេញចាប់ និងមានធាតុផ្សំមួយចំនួនទៀត ។
តែសកម្មភាពរបស់កូនក្តីលោកមិនមែនជាបទល្មើសជាក់ស្តែងទេ ។ បើមិនមែនជាបទល្មើសជាក់ស្តែងទេទាមទារឲ្យតុលាការស្នើទៅសភាដើម្បីដកអភ័យឯកសិទ្ធិនៅពេលនេះ ព្រោះគាត់នៅតែជាតំណាងរាស្ត្រមិនត្រូវបានដកអភ័យឯកសិទ្ធិនៅឡើយ ៕
ចែករំលែកព័តមាននេះ