ឆែកប្រព័ន្ធ GPS ដឹងកន្លែង ដេញចាប់ផ្អើលក្រុងកំពង់ឆ្នាំង
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ច និង ប្រជាពលរដ្ឋចេញចាប់បង្កឲ្យមានការភ្ញាក់ផ្អើលពេញក្រុងកំពង់ឆ្នាំង ដោយចោទប្រកាន់ថា ជនសង្ស័យរូបនេះបានបន្លំចូលទៅ
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ច និង ប្រជាពលរដ្ឋដេញចាប់បង្កឲ្យមានការភ្ញាក់ផ្អើលពេញក្រុងកំពង់ឆ្នាំង ដោយចោទប្រកាន់ថា ជនសង្ស័យរូបនេះបានបន្លំចូលទៅលួចកាបូបលុយ និង ទូរស័ព្ទ ពីកន្លែងពិធីបុណ្យសព ។ ហេតុការណ៍ដ៏ភ្ញាក់ផ្អើលនេះកើតឡើងកាលពីវេលាម៉ោង១០ និង១០នាទីព្រឹក ថ្ងៃទី២៣ ខែមិថុនា ឆ្នាំ២០១៦ នៅសង្កាត់ផ្សារឆ្នាំង ក្រុងកំពង់ឆ្នាំង ។
ប្រភពពីសមត្ថកិច្ចបានឲ្យដឹងថា ជនសង្ស័យដែលត្រូវចាប់ខ្លួនឈ្មោះ ប៉ាត់ បូ ភេទប្រុស អាយុ៤៧ឆ្នាំ មានប្រពន្ធឈ្មោះ ទួន ផល្លី អាយុ៤៥ឆ្នាំ រស់នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង ។ ចំណែកនៅក្នុងកាបូបដែលបាត់នោះរួមមាន ទូរស័ព្ទដៃម៉ាក iPhone ៤គ្រឿង លុយដុល្លារ១៥០០ដុល្លារ និង លុយខ្មែរចំនួន៣០ម៉ឺនរៀល ។
ប្រភពឲ្យដឹងទៀតថា នៅយប់ថ្ងៃទី២២មិថុនា ម្ចាស់ផ្ទះឈ្មោះ ស៊ឹម គឹមសៀង នៅភូមិផ្សារលើ សង្កាត់ផ្សារឆ្នាំង មានពិធីបុណ្យរំលាយសព ដោយមានបងប្អូន និងអ្នកជិតខាងមកអង្គុយកំដររោងបុណ្យជាច្រើននាក់ ។ នៅម៉ោងប្រមាណជា១រំលងអធ្រាតឈានចូលថ្ងៃទី២៣ ខែមិថុនា ស្រាប់តែជនរងគ្រោះបានបាត់កាបូប ដែលមានលុយ និង ទូរស័ព្ទiPhone ៤គ្រឿង ។ តែដោយសារទូរស័ព្ទមានភ្ជាប់ប្រព័ន្ធ GPS នៅម៉ោងប្រមាណជា៥ជិតភ្លឺ ពេលក្រុមគ្រួសារបើកមើលប្រព័ន្ធ GPS ក៏ផ្តល់សញ្ញាពីទីតាំងទូរស័ព្ទទាំងនោះ ។ ភ្លាមៗនោះជនរងគ្រោះក៏បានប្តឹងទៅសមត្ថកិច្ចដើម្បីតាមចាប់ខ្លួនជនសង្ស័យយកមកផ្តន្ទាទោសតាមច្បាប់ ។
ប្រភពបានបន្តឲ្យដឹងទៀតថា ខណៈពេលតាមចាប់ខ្លួន ជនសង្ស័យបានរត់គេចខ្លួនចូលព្រៃរាប់គីឡូម៉ែត្រទម្រាំចាប់ខ្លួនបាន ។ ពេលចាប់ខ្លួនបានភ្លាមៗជនសង្ស័យបានបដិសេដថា មិនបានលួចកាបូបលុយ និង ទូរស័ព្ទនោះទេ បន្ទាប់មកសមត្ថកិច្ចក៏ចុះទៅឆែកឆេរផ្ទះជនសង្ស័យ ប្រព័ន្ធជនសង្ស័យក៏រត់គេចខ្លួនបាត់ទៀត ។ ប៉ុន្តែទោះជាយ៉ាងណាសមត្ថកិច្ចបានបញ្ជូនជនសង្ស័យទៅស្នងការដ្ឋាននគរបាលខេត្តកំពង់ឆ្នាំង ដើម្បីកសាងសំណុំបញ្ជូនទៅតុលាការចាត់ការតាមនិតិវិធីច្បាប់ ៕
ចែករំលែកព័តមាននេះ