រាជធានីភ្នំពេញ ៖ នាថ្ងៃទី២៨ មេសា ឆ្នាំ២០១១ វេលាម៉ោង១០និង៣០នាទីព្រឹក នៅសាលប្រជុំនៃអគ្គនាយកដ្ឋានគយ និងរដ្ឋាករកម្ពុជា មានប្រារព្ធកិច្ចប្រជុំទ្វេភាគីរវាងរដ្ឋបាលគយកម្ពុជា ដឹកនាំដោយលោកបណ្ឌិត ប៉ែន ស៊ីម៉ន ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករកម្ពុជា និងសមភាគីរដ្ឋបាលគយជប៉ុន ដឹកនាំដោយ
រាជធានីភ្នំពេញ ៖ នាថ្ងៃទី២៨ មេសា ឆ្នាំ២០១១ វេលាម៉ោង១០និង៣០នាទីព្រឹក នៅសាលប្រជុំនៃអគ្គនាយកដ្ឋានគយ និងរដ្ឋាករកម្ពុជា មានប្រារព្ធកិច្ចប្រជុំទ្វេភាគីរវាងរដ្ឋបាលគយកម្ពុជា ដឹកនាំដោយលោកបណ្ឌិត ប៉ែន ស៊ីម៉ន ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករកម្ពុជា និងសមភាគីរដ្ឋបាលគយជប៉ុន ដឹកនាំដោយលោកអាត់ស៊ូអុ ស៊ីបូតា អគ្គនាយករដ្ឋបាលគយជប៉ុន ក្នុងគោលបំណងពិភាក្សាគ្នាលើកិច្ចសហប្រតិបត្តិការលើវិស័យគយ ជាពិសេសកិច្ចសម្រួលពាណិជ្ជកម្មរវាងប្រទេសទាំងពីរ ។
នៅក្នុងកិច្ចប្រជុំនេះ បន្ទាប់ពីភាគីគយកម្ពុជាបានលើកឡើងជាសង្ខេបអំពីវឌ្ឍនភាព និងសមិទ្ធផលសម្រេចបាននាពេលថ្មីៗរបស់អង្គភាពខ្លួនមក ភាគីគយជប៉ុនក៏បានថ្លែងអំណរគុណចំពោះការស្វាគមន៍ និងបានសង្កត់ធ្ងន់ពីភាពចាំបាច់កាន់តែខ្លាំងនូវការពង្រីកកិច្ចសហប្រតិបត្តិការរវាងប្រទេសជប៉ុនជាមួយកម្ពុជា ក៏ដូចជាអាស៊ាន ព្រមទាំងបណ្តាប្រទេសដទៃទៀតលើពិភពលោក ក្នុងការធានាឡើងវិញនូវសន្តិសុខ និងភាពរលូននៃខ្សែចង្វាក់ផ្គត់ផ្គង់ផលិតកម្ម បន្ទាប់ពីផលវិបាកនៃគ្រោះធម្មជាតិរញ្ជួយដី រលកស៊ូណាមី និងវិបត្តិថាមពលនុយក្លេអ៊ែរនៅជប៉ុន នាខែកន្លងទៅ ។ ដោយយល់ថា ទោះបីជាមានវិបត្តិគ្រោះធម្មជាតិនេះ ក៏ទំហំពាណិជ្ជកម្មផ្លាស់ប្តូរទំនិញរវាងប្រទេសទាំាំងពីរនៅតែមានស្ថេរភាពជាធម្មតា ហើយកាន់តែកើនឡើងជាលំដាប់ពីមួយថ្ងៃទៅមួយថ្ងៃនោះ ភាគីទាំងពីរបានពិភាក្សាគ្នាលើវិស័យគយជាអាទិភាពនៃការពង្រីកកិច្ចសហប្រតិបត្តិការគ្នារវាងប្រទេសទាំងពីរ និងបានព្រមព្រៀងគ្នាដូចតទៅ ៖
១-ប្រទេសជប៉ុន និងធនាគារអភិវឌ្ឍន៍អាស៊ី (ADB) នឹងសហការគ្នាជួយកម្ពុជា ក្នុងការចូលជាសមាជិកអនុសញ្ញាក្រុងក្យូតូកែសម្រួល (Revised Kyoto Convention) ។
២-រដ្ឋបាលគយជប៉ុន និងទីភ្នាក់ងារសហប្រតិបត្តិការអន្តរជាតិជប៉ុន (JICA) នឹងបន្តផ្តល់ជំនួយបច្ចេកទេសលើផ្នែកគ្រប់គ្រងហានិភ័យ ការអនុវត្តកម្មវិធីប្រតិបត្តិករសេដ្ឋកិច្ចដែលទទួលសិទ្ធិ (Authorized Economic Operator-AEO) ការកំណត់តម្លៃគិតពន្ធគយ និងការធ្វើចំណាត់ថ្នាក់ទំនិញ។
៣-អង្គការគយពិភពលោក (WCO) និង ADB នឹងរៀបចំការសិក្សាពីរយៈពេលនៃការបំពេញបែបបទបញ្ចេញទំនិញពីគយ (Time Release Study-TRS) នៅក្នុងបណ្តាប្រទេសអាស៊ាន រួមទាំងប្រទេសកម្ពុជាផងដែរ នៅឆ្នាំ២០១២ និងឆ្នាំ២០១៥ ខាងមុខនេះ ។
៤-ប្រទេសជប៉ុន នឹងពង្រីកការផ្តល់អាហារូបករណ៍ថ្នាក់អនុបណ្ឌិតផ្នែកកម្មសិទ្ធិបញ្ញា តាមរយៈ WCO ដល់មន្ត្រីគយ និងរដ្ឋាករកម្ពុជា ទៅសិក្សានៅសាកលវិទ្យាល័យនៃប្រទេសជប៉ុនចាប់ពីឆ្នាំ២០១១ នេះតទៅ ៕
ចែករំលែកព័តមាននេះ