ខេត្តបាត់ដំបង ៖ ស្ត្រីម្នាក់បាក់ភ្លៅម្ខាងដោយសារដើមឈើដែលកា.ប់រំលំដួលសង្កត់លើ រីឯបុរសម្នាក់ទៀតស្លា.ប់ដោយសារតែចរន្តអគ្គិសនីឆក់ ។ ហេតុការណ៍នេះកើតឡើងក្នុងថ្ងៃតែមួយចន្លោះគ្នាតែជាង១ម៉ោងប៉ុណ្ណោះ នៅថ្ងៃទី២៧ មេសា ។ លោកសៀក ភា អធិការនគរបាលស្រុកគាស់ក្រឡប្រាប់ថា
ខេត្តបាត់ដំបង ៖ ស្ត្រីម្នាក់បាក់ភ្លៅម្ខាងដោយសារដើមឈើដែលកាប់រំលំដួលសង្កត់លើ រីឯបុរសម្នាក់ទៀតស្លាប់ដោយសារតែចរន្តអគ្គិសនីឆក់ ។ ហេតុការណ៍នេះកើតឡើងក្នុងថ្ងៃតែមួយចន្លោះគ្នាតែជាង១ម៉ោងប៉ុណ្ណោះ នៅថ្ងៃទី២៧ មេសា ។
លោកសៀក ភា អធិការនគរបាលស្រុកគាស់ក្រឡប្រាប់ថា ស្ត្រីឈ្មោះមុំ រ៉ា អាយុ៣២ឆ្នាំ រស់នៅភូមិក្រាំងស្វាត ឃុំឆ្នាល់មាន់ ស្រុកគាស់ក្រឡ បានរងរបួសបាក់ភ្លៅខាងឆ្វេង ដោយសារឈើមួយដើមរលំសង្កត់លើ ។ ស្ត្រីរងគ្រោះ និងក្រុមគ្រួសារបានចេញទៅកាប់ឈើក្នុងព្រៃនៅតំបន់អូរអាម៉ន ស្ថិតក្នុងភូមិសាស្ត្រឃុំឆ្នាល់មាន់ ។ ដើមឈើដែលសង្កត់លើគាត់នោះជាឈើដែលគាត់កាប់រំលំ ហើយរត់គេចមិនទាន់ ។ ហេតុការណ៍នេះកើតឡើងកាលពីវេលាម៉ោង២រសៀលថ្ងៃទី២៧ មេសា ។
ដោយឡែក ករណីទី២ លោកសៀក ភា ឱ្យដឹងថា បុរសជាកម្មករដំឡើងបង្គោលអគ្គិសនីម្នាក់ឈ្មោះង៉ែត ថៃ អាយុ៣០ឆ្នាំ ស្នាក់នៅបណ្តោះអាសន្នក្នុងភូមិកូនព្រំ ឃុំធិបតី ស្រុកគាស់ក្រឡ បានស្លាប់ដោយសារតែខ្សែចរន្តអគ្គិសនីឆក់ កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី២៧ មេសា ។ បុរសនេះត្រូវភ្លើងឆក់ ក្នុងគ្រាដែលគាត់បញ្ឆេះម៉ាស៊ីនភ្លើង ហើយតខ្សែចរន្តបម្រុងឆក់ត្រីក្នុងអណ្តូងនៅក្បែរផ្ទះ ។
បើតាមការបំភ្លឺពីសាក្សីថា បុរសនេះមិនបានប្រើឧបករណ៍សម្រាប់ឆក់ត្រីទេ ប៉ុន្តែលោកបែរជាអូសខ្សែភ្លើងទៅឆក់ត្រីដោយតចេញពីឌីណាម៉ូផ្ទាល់តែម្តង ។ ពេលចាប់ផ្តើមធ្វើសកម្មភាព ស្រាប់តែឆក់ខ្លួនឯងស្លាប់ក្នុងអណ្តូងភ្លាម មួយរំពេច ៕
ចែករំលែកព័តមាននេះ