ខេត្តស្វាយរៀង ៖ មានមហាជនរិះគន់មន្ត្រីនគរបាលអន្តោប្រវេសន៍ច្រកទ្វារព្រំដែនអន្តរជាតិបាវិតថា នាំគ្នាប្រមូលប្រាក់ពីភ្ញៀវជាតិ និងអន្តរជាតិ ដែលធ្វើដំណើរឆ្លងកាត់ចេញ-ចូលតាមច្រកទ្វារព្រំដែនអន្តរជាតិបាវិត ក្នុងមួយថ្ងៃៗរាប់ម៉ឺនដុល្លារ ជាពិសេសភ្ញៀវវៀតណាម ដែលចូលមកលេងល្បែងនៅកាស៊ីណូក្រុងបាវិត ។
ខេត្តស្វាយរៀង ៖ មានមហាជនរិះគន់មន្ត្រីនគរបាលអន្តោប្រវេសន៍ច្រកទ្វារព្រំដែនអន្តរជាតិបាវិតថា នាំគ្នាប្រមូលប្រាក់ពីភ្ញៀវជាតិ និងអន្តរជាតិ ដែលធ្វើដំណើរឆ្លងកាត់ចេញ-ចូលតាមច្រកទ្វារព្រំដែនអន្តរជាតិបាវិត ក្នុងមួយថ្ងៃៗរាប់ម៉ឺនដុល្លារ ជាពិសេសភ្ញៀវវៀតណាម ដែលចូលមកលេងល្បែងនៅកាស៊ីណូក្រុងបាវិត ។
បើតាមមន្ត្រីបម្រើការងារនៅច្រកទ្វារម្នាក់បានបង្ហើបឱ្យដឹងថា ភ្ញៀវ VIP របស់កាស៊ីណូម្នាក់ ត្រូវបបង់ប្រាក់ឱ្យនគរបាលអន្តោប្រវេសន៍១៥០.០០០ដុង ជាថ្នូរទៅនឹងមិនចាំបាច់ចុះពីលើរថយន្តមកពិនិត្យឯកសារលិខិតឆ្លងដែន ឬផ្ទៀងផ្ទាត់នៅមុខមន្ត្រីជំនាញ។
ប្រភពមហាជនរិះគន់ទៀតថា ភ្ញៀវដែលចូលមកលេងល្បែងក្នុងកាស៊ីណូក្រុងបាវិតនេះ គឺមិនមែនតែជាជនជាតិវៀតណាមនោះទេ គឺមានជាតិសាសន៍ចម្រុះ ដែលមកទេសចរណ៍នៅប្រទេសវៀតណាម ។
ទាក់ទិនការរិះគន់នេះដែរ បុគ្គលិកកាស៊ីណូដែលរត់ការ និងជាអ្នកទទួលប្រាក់ពីភ្ញៀវផ្ទាល់បានប្រាប់ឱ្យដឹងថា ប្រាក់១សែន៥ម៉ឺន
ដុងនេះ គេយកទៅបែងចែកតាមជំនាញ តែនគរបាលអន្តោប្រវេសន៍បានចំណែកច្រើនជាងគេ ក៏ប៉ុន្តែពេលសួរថា ចែកជំនាញអង្គភាពណាខ្លះ? គេនិយាយថា គេមិនដឹងច្បាស់ទេ សូមឱ្យសួរមេហើយ បើគ្មានការបែងចែកទេនោះ គឺវាមិនសុខរហូតរាប់សិបឆ្នាំនោះទេ ។ រីឯមន្ត្រីនគរបាលអន្តោប្រវេសន៍ប្រចាំនៅបញ្ជរច្រកទ្វារព្រំដែនអន្តរជាតិបាវិតវិញឱ្យទៅសួរមេទៅ ពេលអ្នកសារព័ត៌មានយើងសួរថា មេមួយណា គេឆ្លើយថា មេធំទៅភ្នំពេញមិនដឹងមេរងណាជំនួសស្តីទីទេ ដើរសួររកខ្លួនឯងទៅ ។
ចែករំលែកព័តមាននេះ