រាជធានីភ្នំពេញ ៖ ជនសង្ស័យមួយក្រុមមានគ្នាជាង១០នាក់ បានធ្វើសកម្មភាពជិះម៉ូតូដេញតាមប្លន់ជនរងគ្រោះមានគ្នា៦នាក់ ជិះម៉ូតូ៣គ្រឿង ហើយប្លន់សំរេចបានមួយគ្រឿង បង្កឱ្យភ្ញាក់ផ្អើលកាលពីវេលាម៉ោង០២ និង៣០នាទីរំលងអធ្រាត្រឈានចូលថ្ងៃទី
រាជធានីភ្នំពេញ ៖ ជនសង្ស័យមួយក្រុមមានគ្នាជាង១០នាក់ បានធ្វើសកម្មភាពជិះម៉ូតូដេញតាមប្លន់ជនរងគ្រោះមានគ្នា៦នាក់ ជិះម៉ូតូ៣គ្រឿង ហើយប្លន់សំរេចបានមួយគ្រឿង បង្កឱ្យភ្ញាក់ផ្អើលកាលពីវេលាម៉ោង០២ និង៣០នាទីរំលងអធ្រាត្រឈានចូលថ្ងៃទី៣០ មេសា ២០១៥ ស្ថិតនៅមុខសណ្ឋាគារស៊ីធី សេនធើ តាមផ្លូវលេខ១៣០ ក្នុងសង្កាត់ផ្សារកណ្តាលទី១ ខណ្ឌដូនពេញ ។
ប្រភពបានឱ្យដឹងថា ជនរងគ្រោះជាម្ចាស់ម៉ូតូឈ្មោះភារម្យ អាយុ២៣ឆ្នាំ ស្នាក់នៅក្នុងសង្កាត់ទួលសង្កែ ខណ្ឌប្ញស្សីកែវ បានឱ្យដឹងថា នៅមុនពេលកើតហេតុ រូបគេមានគ្នា៦នាក់ ជិះម៉ូតូ៣គ្រឿង ហើយរូបគេជិះម៉ូតូម៉ាកហុងដាឌ្រីម ស៊េរី២០១២ ពណ៌ខ្មៅ ពាក់ស្លាកលេខភ្នំពេញ 1BL 5644 មានគ្នា២នាក់ និងមិត្តភក្តិជិះម៉ូតូ២គ្រឿងទៀត ម៉ាកស្គូពី ពណ៌ឈាមជ្រូក និងម៉ូតូស៊ុយហ្សូគីនិក ពណ៌ស បើកតាមមហាវិថីព្រះនរោត្តមពីត្បូងទៅជើង ក្នុងគោលបំណងជិះដើរលេង ខណៈមកដល់មុខរោងកុនលុច្ស ស្រាប់តែមានជនសង្ស័យមានគ្នាជាង១០នាក់ ជិះម៉ូតូជាច្រើនគ្រឿងធ្វើដំណើរពីជើងទៅត្បូងបញ្ច្រាសគ្នា ប៉ុន្តែពេលដែលជនសង្ស័យជិះហួសទៅ មុខបានជាង១០ម៉ែត្រ ក៏បានបត់ម៉ូតូត្រឡប់ក្រោយ បាញ់ភ្លើងឡេស័រដេញតាមជនរងគ្រោះ ធ្វើឱ្យជនរងគ្រោះដឹងថា ជាជនសង្ស័យដេញតាម ហើយនាំគ្នាជិះរត់គេចទៅដល់ផ្លូវកែងលេខ ១៣០បានជិះបែកគ្នាទាំង៣គ្រឿង ដោយម៉ូតូហុងដាឌ្រីម បានបត់ចូលទៅដល់មុខសណ្ឋាគារស៊ីធី សេនធើ បានវាត់ជន្ទល់ទុកទាំងកូនសោម៉ូតូ នៅមុខសណ្ឋាគារ ចំណែកអ្នកជិះម៉ូតូម្នាក់រត់ចូលម៉ាតផេនដា និងម្នាក់ទៀតរត់ចូលក្នុងសណ្ឋាគារស៊ីធី សេនធើ ។
លុះពេលជនសង្ស័យមកដល់ ឃើញម៉ូតូទុកចោលមានទាំងកូនសោទៀត បានឡើងជិះម៉ូតូចេញទៅបាត់ ជនរងគ្រោះបានត្រឹម
ស្រែកថាចោរៗ ។ ដោយឡែកម៉ូតូស្គូពី ពណ៌ឈាមជ្រូក ជិះគ្នា២នាក់ដែរនោះ បានរត់គេចទៅផ្លូវព្រះស៊ីសុវត្ថិ បានបត់ឆ្វេងតាមផ្លូវលេខ៨៨ ទៅដល់មុខហាងកាហ្វេ និងខារ៉ាអូខេស្លីមបានវាត់ជន្ទល់ម៉ូតូទុកចោល តែម្ចាស់ម៉ូតូដកកូនសោរត់ចូលទៅតាមផ្លូវឌឿងហែមធ្វើឱ្យជនសង្ស័យ មកដល់ឃើញម៉ូតូអត់មានសោ ខឹងមួរម៉ៅបានយកដុំថ្ម ខ្សែក្រវ៉ាត់ និងដាវសាម៉ូរៃកាប់ចិញ្ច្រាំបែកក្បាំង និងចង្កៀងខូចខាត ហើយទើបនាំគ្នាជិះចេញទៅបាត់ ។
រីឯម៉ូតូស៊ុយហ្សូគីនិច ជនរងគ្រោះជិះរត់គេចទៅបាត់ស្រមោល ។ ក្រោយពេលកើតហេតុជនរងគ្រោះ បានទៅដាក់ពាក្យបណ្តឹងនៅប៉ុស្តិ៍នគរបាលផ្សារកណ្តាលទី១ ។
តែបើតាមសមត្ថកិច្ចសាកសួរដំណើររួចហើយ បានសន្និដ្ឋានថា អាចជាពាលស៊ីពាល ព្រោះជនសង្ស័យ និងជនរងគ្រោះសុទ្ធតែមានគ្នាច្រើននាក់ដូចគ្នា ៕
ចែករំលែកព័តមាននេះ