ខេត្តមណ្ឌលគិរី ៖ កម្លាំងនគរបាលព្រហ្មទណ្ឌនៃស្នងការដ្ឋាននគរបាលខេត្តមណ្ឌលគិរី បានធ្វើការចាប់ឃាត់ខ្លួនបុរសជនជាតិខ្មែរអ៊ិស្លាមម្នាក់ បន្ទាប់ពីជននេះបែកថ្នាំបានកា.ប់កូនស្រីអាយុ២ឆ្នាំម្នាក់ បណ្តាលឱ្យស្លា.ប់ និងម្នាក់ទៀតអាយុ៤ឆ្នាំ រងរបួសធ្ងន់ ត្រូវបាន
ខេត្តមណ្ឌលគិរី ៖ កម្លាំងនគរបាលព្រហ្មទណ្ឌនៃស្នងការដ្ឋាននគរបាលខេត្តមណ្ឌលគិរី បានធ្វើការចាប់ឃាត់ខ្លួនបុរសជនជាតិខ្មែរអ៊ិស្លាមម្នាក់ បន្ទាប់ពីជននេះបែកថ្នាំបានកាប់កូនស្រីអាយុ២ឆ្នាំម្នាក់ បណ្តាលឱ្យស្លាប់ និងម្នាក់ទៀតអាយុ៤ឆ្នាំ រងរបួសធ្ងន់ ត្រូវបានដឹកទៅសង្ក្រោះបន្ទាន់នៅមន្ទីរពេទ្យខេត្តដាក់ណុង ប្រទេសវៀតណាម ។
ហេតុការណ៍ខាងលើនេះ បានកើតឡើងកាលពីវេលាម៉ោង៧ និង៣០នាទីយប់ថ្ងៃទី១០ មេសា ២០១៥ ស្ថិតចំណុចទួលស្វាយ ក្នុងភូមិពូឡេះ ឃុំដាក់ដាំ ស្រុកអូររាំង ខេត្តមណ្ឌលគិរី ។
លោកវរសេនីយ៍ឯក សូ សុវណ្ណ ស្នងការរង និងជាប្រធានការិយាល័យកណ្តាលព្រហ្មទណ្ឌនៃស្នងការដ្ឋាននគរបាលខេត្តមណ្ឌលគិរីបានឱ្យដឹងថា ជនសង្ស័យជាឪពុកដែលយកកាំបិតផ្គាក់សម្លាប់កូនស្រីឈ្មោះមីន ម៉ាត់លី អាយុ២៨ឆ្នាំ ជនជាតិខ្មែរអ៊ិស្លាម ជាកសិករ មានទីលំនៅភូមិកើតហេតុខាងលើ ។ ចំណែកក្មេងស្រីរងគ្រោះឈ្មោះម៉ាត់ លីរ៉ូហនី អាយុ២ឆ្នាំ (ស្លាប់) ចំណែកម្នាក់ទៀតឈ្មោះ ម៉ាត់ លីយះ អាយុ៤ឆ្នាំ (របួសធ្ងន់) ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តដាក់ណុង ប្រទេសវៀតណាម ។
សមត្ថកិច្ចសន្និដ្ឋានថា ជនសង្ស័យប្រហែលជាបែកថ្នាំទើបស្មារតីមិនល្អ ហើយមិនអាចគ្រប់គ្រងខ្លួនឯងបានវង្វេងវង្វាន់ បានយកកាំបិតផ្គាក់កាប់កូនស្រីស្លាប់តែម្តង ។ ដោយបច្ចុប្បន្នជនសង្ស័យត្រូវបានសមត្ថកិច្ចនគរបាលជំនាញសាកសួរយកចម្លើយជនសង្ស័យដើម្បីកសាងសំណុំរឿងបញ្ជូនទៅតុលាការតាមផ្លូវច្បាប់ ។
បើតាមអ្នកភូមិបានឱ្យដឹងថា កូនស្រីដែលត្រូវឪពុកកាប់ស្លាប់ក្នុងថ្លុកឈាមនោះ គឺឪពុកបានកាប់ចំ.កស្ទើរតែដាច់ចេញពីស្មា រីឯកូនបងអាយុ៤ឆ្នាំ រងរបួសធ្ងន់ តែបើតាមក្រុមគ្រួសារឱ្យដឹងទៀតថា រហូតមកដល់ព្រឹកថ្ងៃទី១១ មេសា ២០១៥ ក្មេងស្រីដែលរងរបួសបានរួចផុតពីសេចកី្តស្លាប់ហើយ ។
ប្រភពបានបន្តថា ជនសង្ស័យជាឪពុកនៅក្រោយពេលកើតហេតុ ប្រជាពលរដ្ឋបាននាំគ្នាយកដំបង ដុំថ្ម គប់ បណ្តាលឱ្យបែកមុខមាត់ ព្រោះតែជនសង្ស័យមានកាំបិតកាន់នៅដៃ ហើយសារធាតុញៀននៅក្នុងខ្លួន ធ្វើឱ្យសកម្មភាពរបស់គេវងេ្វងវង្វាន់រកដេញកាប់អ្នកស្រុក ៕
ចែករំលែកព័តមាននេះ