ខេត្តកំពង់ធំ ៖ ប្រភពព័តមានពីប្រជាពលរដ្នបានឱ្យដឹងថា កាលពីវេលាម៉ោង៥ទៀបភ្លឺថ្ងៃទី២៩ មីនា ២០១៥ មានស្ដ្រីរងគ្រោះឈ្មោះឡឹង នេន អាយុ៣៦ឆ្នាំ និងប្ដីឈ្មោះស៊ឺន នីម អាយុ៣៦ឆ្នាំ ដូចគ្នា រស់នៅក្នុងភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ
ខេត្តកំពង់ធំ ៖ ប្រភពព័តមានពីប្រជាពលរដ្នបានឱ្យដឹងថា កាលពីវេលាម៉ោង៥ទៀបភ្លឺថ្ងៃទី២៩ មីនា ២០១៥ មានស្ដ្រីរងគ្រោះឈ្មោះឡឹង នេន អាយុ៣៦ឆ្នាំ និងប្ដីឈ្មោះស៊ឺន នីម អាយុ៣៦ឆ្នាំ ដូចគ្នា រស់នៅក្នុងភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ បានមកសម្រាលកូនឆ្លងទន្លេនៅក្នុងមន្ទីរពេទ្យបង្អែក ស្រុកស្ទោង ។
ក្រោយពីសម្រាលបានកូនប្រុសម្នាក់ មានសុខភាពល្អធម្មតា តែស្ត្រីជាម្ដាយមានសុខភាពចេះតែខ្សោយទៅៗដោយសារតែមានឈាមធ្លាក់មិនឈប់ក៏ហៅគ្រូពេទ្យមកពិគ្រោះ ដោយគ្រូពេទ្យប្រាប់ថា ត្រូវតែវះកាត់ជាបន្ទាន់ ។ ពេលនោះក៏ហៅបងប្អូនមកជុំគ្នា ដើម្បី ពិនិត្យរកប្រភេទឈាមដូចគ្នាយកជួយសង្គ្រោះជនរងគ្រោះ ។ ក្រោយមកបូមឈាមបានម្នាក់ គ្រូពេទ្យក៏យកទៅបញ្ចូលឱ្យជនរងគ្រោះ បន្ទាប់ពីពីវះកាត់រួច គ្រូពេទ្យក៏បានចេញបាត់អស់ ដោយទុកពេទ្យនៅយាមប្រចាំការ ដោយសារតែឈាមហូរមិនឈប់ ឃើញស្ថានភាពដូច្នេះ ត្រូវសាច់ញាតិរត់ទៅហៅគ្រូពេទ្យឱ្យមកមើល តែត្រូវគ្រូពេទ្យខឹងនិយាយថា ចេះតែហៅអីហៅ រកតែធ្វើការមិនកើត រហូតដល់ម៉ោង៩ព្រឹក ស្ត្រីរងគ្រោះបានដាច់ខ្យល់ស្លាប់ទៅ ទើបគ្រូពេទ្យនាំគ្នាមកមើល ហើយប្រាប់សាច់ញាតិបងប្អូនថា ជនរងគ្រោះដាច់ខ្យល់ស្លាប់បាត់ហើយ ។
ទន្ទឹមនឹងនោះក៏មានមតិមហាជនបានរិះគន់ដល់គ្រូពេទ្យបង្អែកស្រុកស្ទោងថា ធ្វើការមិនយកចិត្តទុកដាក់ធ្វេសប្រហែលបណ្តាលឱុ្យ
ស្ត្រីរងគ្រោះស្លាប់បាត់បង់ជីវិត ព្រោះតែឃើញគ្នាក្រីក្ររើសអើងមិនយកចិត្តទុកដាក់មើលថែ បើចំពោះអ្នកមានលុយវិញនោះ គឺពួកគេចែកជើងគ្នាព្រាតយកចិត្តទុកដាក់ណាស់ ប្រជាពលរដ្នក៏បានសំណូមពរឱ្យរាជរដ្នាភិបាល ជាពិសេសក្រសួងសុខាភិបាល មេត្តាជួយលុបបំបាត់គ្រូពេទ្យដែលខ្វះក្រមសីលធម៌ ក្នុងការជួយសង្គ្រោះអាយុជីវិតប្រជាពលរដ្ឋក្រីក្រផង ។
ពាក់ព័ន្ធនឹងករណីខាងលើនេះដែរ លោកសុន សារ៉ាក់ ប្រធានមន្ទីរពេទ្យបង្អែកស្ទោង និងលោកហូល ឈឿន ប្រធានផ្នែកវះកាត់ ប្រាប់ថា ចំពោះបញ្ហាស្ត្រីឆ្លងទន្លេស្លាប់នេះមិនមែនថា ក្រុមគ្រូពេទ្យមិនយកចិត្តទុកដាក់នោះទេ គ្រូពេទ្យខិតខំជួយសង្គ្រោះដែរ តែពុំអាចជួយបាន ដោយសារសរសៃស្បូនរបស់ស្ត្រីរងគ្រោះនោះមិនកន្ត្រាក់ឡើងវិញ ទើបធ្វើឱ្យឈាមហូរមិនឈប់ ទើបបណ្តាលឱ្យស្លាប់ ។
ចំណែកលោកស្រី ស៊ីន ប្រធានមន្ទីរសុខាភិបាលខេត្តកំពង់ធំពុំអាចទំនាក់ទំនងបានទេ ទូរស័ព្ទចូលតែគ្មានអ្នកលើក ៕
ចែករំលែកព័តមាននេះ