ចោរស្រីដៃឆើត តុលាការដោះលែងបណ្តោះអាសន្ន បានរៀបការតាមបំណងហើយ
ខេត្តស្វាយរៀង ៖ ចោរស្រីដៃឆើតដែលតុលាការដោះលែងឲ្យនៅក្រៅឃុំបណ្តោះអាសន្ន បានរៀបការតាមបំណងហើយ នៅថ្ងៃទី១៥ មករា ២០១៥នេះ ដែលជនរងគ្រោះ
ខេត្តស្វាយរៀង ៖ ចោរស្រីដៃឆើតដែលតុលាការដោះលែងឲ្យនៅក្រៅឃុំបណ្តោះអាសន្ន បានរៀបការតាមបំណងហើយ នៅថ្ងៃទី១៥ មករា ២០១៥នេះ ដែលជនរងគ្រោះ កំពុងនៅព្យាបាលក្នុងមន្ទីរពេទ្យខេត្តស្វាយរៀងនៅឡើយ ។ កូនកម្លោះបានហែផ្កាស្លាចូលរោងការនាព្រឹកថ្ងៃទី១៥ មករា២០១៥ វេលាម៉ោង៧ព្រឹក នៅភូមិតាពៅ សង្កាត់បាវិត ក្រុងបាវិត ដោយមានឪពុក ម្តាយ ខាងប្រុស និងសាច់ញាតិទាំងសងខាង មកចូលរួមជាច្រើនកុះករ ក្នុងពិធីមង្គលនៃអាពាហ៌ពិពាហ៌នេះ ។ ក្រោយពី ពិធីហែជំនូនចូលរោងជ័យរួច ក៏មាននិមន្តព្រះសង្ឃ ៥អង្គ រាប់បាត្រ ប្រគេនព្រះសង្ឃ ដើម្បីសុំសេចក្តីសុខ មុនពេលរៀបចំកាត់សក់បង្កក់សេរីមង្គលការ ។
សូមរំលឹកផងដែរថា «ស្មានមិនដល់ល្បិចស្រីស្អាត ជាចោរប្លន់ដ៏សាហាវម្នាក់ ចាក់ម្ចាស់ម៉ូតូធ្លាយពោះវៀន» កាលពីថ្ងៃទី២៥ ធ្នូ ២០១៤ វេលាម៉ោង៦យប់ មានចោរស្រីដៃឆើត ឈ្មោះ ខុន ស្រីឌី អាយុ២០ឆ្នាំ នៅភូមិតាពៅ បានធ្វើសកម្មភាពប្លន់ និងយកកាំបិតចុងស្រួច ចាក់ទៅលើជនរងគ្រោះ ឈ្មោះ រួន ភិរម្យ ភេទប្រុស អាយុ១៧ឆ្នាំ ឲ្យរងរបួសធ្ងន់ធ្ងរ ធ្លាយពោះវៀនចេញមកក្រៅ មួយទ្រេល «ចោរស្រីដៃឆើតជាប់ពន្ធាគារបាន១៣ថ្ងៃតុលាការដោះលែងឲ្យនៅក្រៅឃុំជនរងគ្រោះសុំអំពាវនាវរកយុត្តិធម៌ពីសម្តេចតេជោ» ហើយត្រូវតុលាកាខេត្តស្វាយរៀង ចេញដីកាឃុំខ្លួនបណ្តោះអាសន្ន ហើយបានដោះលែងឲ្យ នៅក្រៅឃុំវិញ កាលពីថ្ងៃទី៩ មករា ២០១៥ ដើម្បីឲ្យទៅរៀបការ នៅថ្ងៃ១៥ មករា នេះ ឥឡូវបានរៀបការតាមគោបំណងហើយ ៕
ចែករំលែកព័តមាននេះ